Read MUKANDA WANZAMBI 1 Samuele 12 Bible Online

1 Samuele 12 - MUKANDA WANZAMBI bible

1 Samuele 12

¹Samweli hakuyila aIsarela ejima nindi, Tiyenu, natiyilili dehi mwizu denu, neli dehi yuma yimwaŋilili yejima, nayidiishili dehi mwanta wenu wakuyiyula.

²Ichi dinu talenu mwanta wenu iwu mukushakamaŋanindi; ami nakula dehi, natooka dehi ninamutu; anyanami awamudi nawu awa; nashakami dehi nenu kufumisha kuwansi nikwitaŋwadalelu.

³Yamonu. Nshimunenu wunsahu kumesu aYehova, nikumesuawambala awayishawu dehi manji. Natambuli ŋombi yanyi? Natambulichimbulu chanyi? Nadyi chuma chanyi? Nakabishinyi? Natambulimaseleka kuchikasa chanyi mwaka apiyilishi mesu? Nlejenu, niyifuntishili.

⁴Wena nawu, Hiwunatudiili chumaku, hiwunatukabishuku, hiwunatambulichuma chambalaku.

⁵Hakuyila nindi, Yehova diyi chinsahu chenu, niniwu wambala awayishawu dehi manji, hichinsahu lelu chimunabuli kunwana nachuma chambala chamukwetu. Nawu, Hichinsahu.

⁶Samweli hakwila antu, nindi, Yehova diyi wayikunjikili aMosi naAroni, diyi nawa wayifumishili ankakulula jenu mwituŋa daEjipitu.

⁷Ichidinu imanenu, niyikaandi kumesu aYehova nayuma yaYehova yaloŋa yejimaya yikoŋeleliyi ninenu niankakulula jenu.

⁸Heliliyi Yakoba hakuya muEjipitu, niankakulula jenu hiyakumudilila Yehova, henohu Yehova hakutemesha aMosi naAroni, diwu ayifumishili ankakulula jenu muEjipitu, hiyakuyishakamisha mwenamunu.

⁹Hela chochu amuvulameneni Yehova Nzambi yawu, niyena hakuyilandisha kudi Sisera, mukulumpi wanjita yaHazori, nikudi aFwilistinu, nikudi mwanta wakuMowabi, hiyakulwanawu.

¹⁰Hiyakumudilila Yehova, nawu, Tunavulumuni nanichi chitunamuleki Yehova, tunapeshi aBayali nawaAshitoreti. Hela chochu, kumina dakutupulwisha kudi ayilumbu jetu, twakakukalakelaŋa.

¹¹Yehova hakutemesha Yerubayali, niBedani, niYefwata, niSamweli, ayipulwishili kudi ayilumbu jenu mbadi jejima, mushakama nizo-o.

¹²Chimwa mweni mwanta wawanyana kaAmoni walukanu Nahashi hakwinza kudenu nanjita, himukuŋila nenu, Nehi, chiŋa atuyulaŋa kudi mwanta walukanu, kutoŋa Yehova Nzambi yenu diyi wadiŋi mwanta wenu walukanu.

¹³Ichi dinutalenu mwanta walukanu imunatondi, imwalombeli. Talenu, Yehova nayidiishili dehi mwanta wenu walukanu.

¹⁴Neyi mwakamutiyaŋa Yehova woma, nakumukalakela, nakutiyilila mwizu dindi, nákubula kudi kaŋananshimbi jaYehova, neyi ninenu nimwanta wenu wukuyiyulaŋa mwakakakela Yehova Nzambi yenu, chakawaha.

¹⁵Ilaŋa neyi enu kutiyilila mwizu daYehova nehi, neyi mwakadikapa nanshimbi jaYehova, chikasa chaYehova chakayikalila, neyi chichakalilili ankakulula jenu.

¹⁶Ichi dinu imanenu mutali chuma cheneni chikukeŋa kwilayi Yehova kumesu enu.

¹⁷Leluhiifuku dakwaŋula tidikuku? Nukumutambika Yehova atemeshi nikudidimaninvula, mwakeluki, mwakamoni nenu chitunalombi mwanta walukanutunasweji kutamisha kumesu aYehova.

¹⁸Samweli hakutambika Yehova. Yehova hakutemesha nikudidima ninvula denodu ifuku. Antu ejima hiyakutiyani Yehova niSamweli woma nankashi.

¹⁹Antu ejima hiyakumwila Samweli, nawu, Atulombeluku etu ambuŋeyikudi Yehova Nzambi yeyi, kulonda tubuli kufwa, muloŋa hanshidi jetujejima tunalunjikuhu dehi chuma chatama chakulomba mwanta wetuwalukanu.

²⁰Samweli hakuyila antu, nindi, Bayi mutiya womaku. Chakukoŋa mwatama mwejimimu munakoŋi. Hela chochu, bayi musenuka mukulondela Yehovaku, chiŋa mumukalakelaŋa Yehova nanyichimayenu yejima.

²¹Bayi musenukamu nakulondela yuma yamukunkulwayi yabulaŋa hela kuhetesha hela kupulwishaku, yamukunkulwayi tuhu kwayu.

²²Muloŋa Yehova hakayishiya antu induku, nanochu chatoha ijina dindi; muloŋa Yehova natiyi kuwaha kuyilisha antu ambala ayena.

²³Hakwinza ami chinjila kumuvulumuna Yehova muloŋa wakuleka kuyilombeia. Nakayilejaŋa munjila yayiwahi yaloŋa.

²⁴Chiŋa mumutiyaŋa Yehova woma nakumukalakelaŋa mwalala nanyichima yenu yejima, toŋojokenuyuma yanayikoŋeliyi o kutoha.

²⁵Ilaŋa neyi saŋa mwatamishila hohu, mwakajilumukila kumu, ninenu nimwanta wenu.