Read MUKANDA WANZAMBI 1 Samuele 14 Bible Online

1 Samuele 14 - MUKANDA WANZAMBI bible

1 Samuele 14

¹Ifuku dimu mwana kaSawulu Jonatani wamwilili mukwenziwasendeli yitwa yindi, nindi, Twatuyi kudi mashidika awaFwilistinu adi mwishinadi. Hamulejelumu tata yinduku.

²Sawulu washakaminikunsa yaGibeya mwishina damubula wekala muMiŋironi. Antu adiŋiyi nawu adiŋi kwiji neyi amayala makulakaji atanu nadimu,

³niAhiya mwana kaAhitubi, mana kwaikabodi, mwana kaFwinehasi, Fwinehasi mwana kaEli, kapristu kaYehova kamuShilo, navwali ifwodi. Antu hiyelukili nawuJonatani nayuku.

⁴Hakachi kayibukubuku kwakeŋa eli kuhitayi Jonatani nindi ayi kudimashidika awaFwilistinu hadiŋi ishinadi dimu ilola deneni, ishinadi dikwawu ilola deneni. Dimu ijina dadu Bozezi, di kwawu ijina dadu Sene.

⁵Iloladeneni dimu demana kwakwihi naMikimashi mbadi yakabeta kakuchimunswa, di kwawu demana kwakwihi naGeba mbadi yakabeta kakuchidiilu.

⁶Jonatani wamwilili mukwenzi wasendeli yitwa yindi nindi, Twatuyikudi mashidika awayidima awa, wamba kela Yehova wukutukoŋela chuma; kudi Yehova kudi chuma chakumukaŋesha? Wukwamwina tuhu helanawamavulu hela nawantesha.

⁷Mukwakusenda yitwa yindi hakumwila nindi, Ilaku tuhu mwonsu munayi muchima weyi. Tuyi, nidi neyi hohumwonsu muwunakeŋeli.

⁸Jonatani nindi, Tala, tukuya kwishinadi kudiawa antu, tukudimwekesha kudi wena.

⁹Neyi akutwila nawu, Imanenutuyiwani, twakemana kwetu hitwakakandama kudi wenaku.

¹⁰Ilaŋa neyiakutwila nawu, Inzenu kunu kutudi, tukukandama; netu komana Yehova natwinkuwu dehi mumakasetu. Chikwikala chinjikijilu chetu.

¹¹Wejima wawu ayedi hiyakudimwekesha kudi mashidika awaFwilistinu. AFwilistinu hiyakwila nawu, Talenu, aHeberu hiyakwidika mumena mwabataminuwu.

¹²Mashidika hiyakuyila ajonatani namukwakusenda yitwa yindi, nawu, Kandamenu kunu kutudetu tuyilejuhu chuma. Jonatani hakumwila mukwakusenda yitwa yindi, nindi, Nlondelaŋa munyima, Yehova nayihanidehi kudi aIsarela.

¹³Jonatani hakukandamina nikumakasa nikunyendu, nimukwakusenda yitwa yindi namukumi munyima. Adimbukili kumesuajonatani. Nimukwakusenda yitwa yindi wamulondeli munyima nakutapana.

¹⁴Hásambilili kuyitapawu kudi ajonatani namukwakusenda yitwayindi atapili antu makumi ayedi mwiluŋa dakweseka munkela yakudimamuntu ifuku dimu.

¹⁵Nimuchilombu, nimumpata, nimukachi kawantu ejiraa mwadiŋi kwakuza alaza ala hohu. Nimashidika ashiluwu kwenoku, niakwakupupa hiyakuza ala nawa niwena. Niiseki dikanka nikukanka. Kwadiŋi kuzaala kwakweni kwabadika.

¹⁶Akwakutalatala aSawulu amuGibeya wakuBenjamini atalili, amweniluntu hilukuya nakunowa hohu, hilukuya niniku niniku.

¹⁷Sawulu hakuyilaantu adiŋiyi nawu, nindi, Chindenu mwani mutali nafumuhu. Chachindiluwu amweni Jonatani namukwakusenda yitwa yindi hosi.

¹⁸Sawulu hakumwila Ahiya, nindi, Leta chimbaŋu chaNzambi kunu. Muloŋa henohu chimbaŋu chaNzambi chadiŋi kwadi ŋuwu anyana kaIsarela.

¹⁹Sawulu chadiŋiyi nakuhosha nakapristu ipumba dadipi muchilombu chawaFwilistinu hidikusweja nikusweja. Sawulu hakumwila kapristu nindi, Fumishaku chikasa cheyi.

²⁰Sawulu nawantu ejima adiŋiyi nawuhiyakupompa hiyakuya kunjita. Hiyakumona antu ejima adi nakudi tapa, mwawu, mwawu, kwadiŋi kujilumuka kwakweni.

²¹NiaHeberu ásambilili kukuma kudi aFwilistinu, hiyakufuma kumpata yadiŋi kwakwihi, hiyakuyanawu kuchilombu, hiyakubalumuka, hiyakudibomba nawaIsarela adi ijina waSawulu najonatani.

²²Chochimu nawa aIsarela ejima abatamini mwituŋa daEfweremi damapidi, niwena chatiyiluwu nawu, aFwilistinu hiya kutemoka, hiyakuyihaŋa nankashi nakuyasa njita.

²³Denodu ifuku Yehova waamwinini aIsarela. Njita yashi kili nikuBetaveni.

²⁴AIsarela akabakeni denodu ifuku, muloŋa Sawulu washipeni nindi, iyala wakadyahu yakudya hikuchidi kanda kwili melela akekali washipewa, kulonda niditendi kudi ayilumbu jami. Nochu hosi muntu watompeliya kudyaku.

²⁵Antu ejima hiyakushika mwisapa danyitondu. Hamaseki hadiniwuchi.

²⁶Antu chashikiluwu mwisaŋodu hiyakumona wuchi wudi nakuvwa, hosi washili chikasa kukanwaku, muloŋa antu atiyili woma weshiŋu.

²⁷Hakwila Jonatani hatiyili chashiŋeni tata yinduku, hakwolola mbwechiyadiŋi kuchikasa chindi, hakuchonka insa yayu kunamutu wawuchi, hakusha chikasa kukanwa, otiya nimumesu swi-i.

²⁸Muntu wumu hakumwila nindi, Tata yeyi washiŋana naŋovu nindi, iyala wakadyahu yakudya leluakekali washiŋewa. Antu azeya nikuzeya.

²⁹Jonatani nindi, Tata nakabishiituŋa. Tala ntahi mwani, ami chinatompi tuwuchi twantesha itunatiyi dehi nimumesu swi-i.

³⁰Neyi antu adya chachiwahi yuma yanapupuwulelu kudi ayilumbu jawu mutenowu chinabadikuku? Ochu aFwilistinu anayitapi chalala kudihi?

³¹Denodu ifuku atapili aFwilistinu, kufumisha kuMikimashi nakushikani kuAyiji aloni. Antu aswejeli kuzeya.

³²Antu hiyakulotokela hayuma yapupiluwu, hiyakukwata ninyikoku, niŋombi, ninyana kaŋombi, hiyakuyitapila hamaseki. Antu hiyakudiila kumu nimashi.

³³Hiyakumuleja muSawulu nawu, Tala antu hiyakumuvulu muna Yehova, hiyakudiila kumunimashi. Yena nindi, Munakoŋi chatama; nkundumwinenu lelu iloladeneni.

³⁴Sawulu nindi, Mwaŋelenu mukachi kawantu mwakayili akanleteliwejima wawu ŋombi jawu, ninyikoku yawu, akayitapili kunu, akadyi; akabuli kumuvulumuna Yehova nakudiila kumu nimashi. Antu hiyakuleta ŋombi jawu wejima wawu wowena wufuku owu, hiyakuyitapila kwenoku.

³⁵Sawulu hakunamutuŋila Yehova kameŋa, diku kameŋa kakusambila kanamutuŋililiyi Yehova.

³⁶Sawulu hakwila nindi, Tukunku mukenu nakuyilondela aFwilistinu nawufuku, twakayipupi pupe-e nichi kwakacha, bayi tushiya hoku muntuni wumuku. Hiyakwila nawu, Ilaku mwonsu muwunatiyili kuwaha. Dichi kapristu hakwila nindi, Tukundamenu kunu kwakwihi naNzambi.

³⁷Sawulu hakumwihula Nzambi nindi, Nukuku nkumuka nakulondela aFwilistinu, tahindi? Wukuyihana kudi aIsarela, tahindi? Denodu ifuku hamwakwili kwinduku.

³⁸Sawulu nindi, Kundamenu kunu enu atulambatwa wantu wejima wenu, tushinshikenu, tumoni navulumuni lelu.

³⁹Muloŋa, hela himwanami Jonatani, wakafwa hohu chalala, chahandayi Yehova mukwakwamwina aIsarela kwaamu! Hosi muntu niwumu wamwakwiluku.

⁴⁰Hakuyila aIsarela ejima nindi, Imanenu mutamba wumu, amina mwanami Jonatani twimani mutamba wukwawu. Antu hiyakumwila Sawulu, nawu, Ilaku mwonsu muwunatiyili kuwaha.

⁴¹Sawulu hakumwila Yehova Nzambi yaIsarela, nindi, Mwekeshaku mwalala. Akwata ajonatani naSawulu. Antu apuluka nikupuluka.

⁴²Sawulu nindi, Sakulenu nachinjikijilu chakusakula nachu hadi ami namwanami Jonatani. Akwata ngonatani.

⁴³Sawulu hakumwila Jonatani, nindi, Nleji chiwuneli. Jonatani hakumuleja nindi, Nakumina dakutompa tuwuchi kunsa yambwe chiya diŋi kuchikasa chami, komana yami nukufwa!

⁴⁴Sawulu, nindi, Eyi Jonatani wukufwa hohu chalala, neyi nehi, Nzambi aŋili mwomumu nichakubadikamu.

⁴⁵Antu hiyakumwila Sawulu, nawu, Jonatani nakoŋi wamwinu wushikaha muIsarela afwi? Chinjila! Chahandayi Yehova kwaamu, hikwakaholoka lusuki lwakunamutu windi nilumu hamasekuku; muloŋa lelu nakoŋi chimu naNzambi. Antu amupulwishili Jonatani, hafwiluku.

⁴⁶Sawulu hakufuntamu, kulondela aFwilistinu nehi, aFwilistinu niwena hiyakuya kwawu kwafuminuwu.

⁴⁷Chelili Sawulu natambuli dehi wanta waIsarela hakulwaŋa nawayilu mbujindi ejima mbadi jejima, nawaMowabi, nawanyana kaAmoni, naEdomi, nawanyanta akuZoba, niaFwilistinu. Kwonsu kwatalishiliyi wayitapili.

⁴⁸Wafumbili njita, watapili aAmaleki, wapulwishili aIsarela kudi ayipupilaŋa.

⁴⁹Anyana kaSawulu amayala, iwu Jonatani, iwu Ishivi, iwu Malikishuwa; majina awanyanindi awambanda, wawedi ijina dindi Merabi, wakansi ijina dindi Mikali.

⁵⁰Iŋoda Sawulu ijina dindi Ahinowami mwana ka-Ahimayazi. Mukulumpi wanjita yindi ijina dindi Abineri, mwana kaNeri, mandumi yaSawulu.

⁵¹Kishi diyi tata yaSawulu. Neri tata yaAbineri diyi mwana kaAbiyeli.

⁵²Hanyaka yaSawulu yejima hadiŋi njita yakala nawaFwilistinu. Sawulu welilaŋa neyi namoni hela chilobu, hela iyala waŋovu, hakumutambula.