Read MUKANDA WANZAMBI 1 Samuele 19 Bible Online

1 Samuele 19 - MUKANDA WANZAMBI bible

1 Samuele 19

¹Sawulu hakuhosha namwanindi Jonatani ninawambuŋindi ejima, nindi, Mujahenu Davidi.

²Ilaŋa mwana kaSawulu Jonatani wamutiyili Davidi kuwaha nankashi. Jonatani hakumuleja Davidi nindi, Tatayami Sawulu wudi nakukeŋa kukujaha, dichi dinu mwani, nabudidi chiŋa wakababalaŋa wakashakama kweyi kwaswamana, wakabatami,

³ami nakaya nakwimana hamu natata kumpata kuwakekala, nakahosha natatansaŋu yeyi, neyi namoni kudi chuma nakakuleja.

⁴Jonatani hakumuhoshela Davidi chachiwahi kudi tata yindi Sawulu, hakumwila nindi, Mwantabayi amuvulumuna kambuŋeyi Daviduku; muŋa yena hanakuvulumunuku, ninyidimu yanakwililiyi yinasweji kuwaha,

⁵haakamini wumiwinduku, watapili kaFwilistinu, Yehova wayihandishili nankashi aIsarela ejima, eyi wachimweni, wazapaleli, ichi mashi akadi muloŋa wuyitiyilinshidi? Wumujahi tuhu Davidi chakadi ninsaŋu?

⁶Sawulu hakutiyilila mwahosheli Jonatani, Sawulu hakusanyika nindi, Chahandayi Yehova kwaamu, hiyakamujahaku.

⁷Jonatani hakumutambika Davidi, Jonatani hakumuleja yuma yejimiyi. Jonatani hakumushikŋa Davidi kudi Sawulu, hakushakama nindi neyi hakusambila.

⁸Hikukwi kala cheŋi njita, Davidi hakuya nakulwa nawaFwilistinu, hakuyira hakwanyilaŋa laŋa, amutemuka nikumutemuka.

⁹Kudi Yehova kufuma nispiritu yatama, hakwinza hadi Sawulu hashakaminiyi mwitala dindi, iku niiyoŋa dindi kuchikasa. Davidi hakwimba kadada nachikasa chindi.

¹⁰Sawulu hakwila nindi amwasi Davidi iyoŋa zwa-a, dishimatinikumbaŋu yetala, Davidi hakuleya, hakufuma kudi Sawulu, iyoŋa daasiliyi dashimatili mumbaŋu, Davidi hakutemuka hakupuluka wena wufuku owu,

¹¹Sawulu hakutemesha antemesha kwitala daDavidi amwimeni kulonda tamujahi nabudidi. IŋodaDavidi Mikali, hakumuleja nindi, Neyi wukubulakupulwisha wumi weyi wufuku wunu kumadiki akakujaha.

¹²Mikali hakumuzelumuna Davidi mwipwata. Hakuya, hakutemuka, hakupuluka.

¹³Mikali yonona ninkishi hakuyikamika nimukadidi, kunyitu hakushaku musawu wamavuji ampembi, hakubutahu namahina.

¹⁴Chatemesheliyi Sawulu nindi amukwati Davidi, hakwila nindi, Wakata,

¹⁵Sawulu hakutemesha antemesha akumutala Davidi, nindi, Mumuletenu kudami nikadidikindi kumu nimujahi.

¹⁶Antemesha chanepiluwu nawu atali, mukadidimudi nkishi, kunyitu kudi musawu wamavuji ampembi.

¹⁷Sawulu hakumwila Mikali nindi, Wunandimbilidi chochichi? Hiwukuŋumbisha chilumbuchami hakupuluka. Mikali hakumwakula Sawulu nindi, Welanindi nleki niyi, indi nikujahi tuhu kweyi?

¹⁸Dichi Davidi watemukili, wapulukili, washi kili kudi Samweli kuRama, wamulejeli mwamwililiyi Sawulu mwejima. Hiyakuya nakushakama kuNayoti, niyena niSamweli.

¹⁹Hiyakumuleja Sawulu nawu, Tiya, Davidi hadi kuNayoti muRama.

²⁰Sawulu hakutemesha antemesha nindiakamukwati Davidi, chamwenuwu chendu chawatuprofwetu hichikuprofweta, Samweli nemanuku neyi mwanta wawu, Spiritu yaNzambi hakwinzahadi antemesha jaSawulu, niwena hiyakuprofweta.

²¹Chanamulejuwu Sawulu, hakutemesha antemesha amakwawu, niwena nawa hiyakuprofweta. Sawulu hakutemesha nawa cheŋi antemesha amakwawu kapampa kamuchisatu, niwena hiyakuprofweta nawa.

²²Hakuya nawa niyena kuRama, hakushika kwishima deneni dekala kuSeku, hakwihula nindi, Indi aSamweli naDavidi adi kudihi? Muntu wumu nindi, Adi kuNayoti muRama.

²³Niyena hakuya kwenoku kuNayoti muRama, Spiritu yaNzambi hakwinzani hadi yena nawa, hakuya nakuprofweta hohu, nichashikiliyi kuNayoti muRama.

²⁴Hakuvúula nimahinindi, hakuprofweta ni kumesu aSamweli, hakukama nihamaseki nzekesi mwaana wejimowu niwufuku wejima nawa. Hohafuma nikwila nawu, Sawulu komana nadibombi dehi nawatuprofwetu?