Read MUKANDA WANZAMBI 1 Samuele 2 Bible Online

1 Samuele 2 - MUKANDA WANZAMBI bible

1 Samuele 2

¹Hana walombeli nindi, Muchima wami hiwukuluŋa naYehova, luseŋu lwami analunyamuni dehi kwiwulu mudi Yehova. Hinukudisama mukanwa kami chakuseha ayilumbu jami; nanichi chinazaŋalalina wamwinu weyi.

²Hosi wajila wakweseka naYehovaku. Hikwekala wacheŋuku, yeyi hohu. Niilola dacheŋi dakweseka naNzambi yetu kwosi.

³Bayi muhosha cheŋi nakudinka wanta chochochuku. Bayi mudisansula mukanwaku. Muloŋa Yehova hiNzambi weluka, diyi wesekaŋa mwakoŋaŋawu antu.

⁴Ayilobu anayikotweli mata awu, hakwinza ana adiŋi nakudimbuka anayivwiki Ŋovu.

⁵Adiŋi ekuta hiyakuya nakukwata nyidimu kulonda amoni yakudya, hakwinza atiyili nzala, nzala yawu yinamweni dehi. Mwalala nshintanavwali dehi anyana atanu nayedi, hakwinza wukweti anyana amavulu hakuzeya.

⁶Yehova welaŋa ajaha, ahandisha; ashikili kwijamu, asaŋula cheŋi.

⁷Yehova welaŋahutwisha, ahetesha; atwala kwishina, anyamunakwiwulu.

⁸Diyi wanonaŋa kazwepi hamaseki, diyi wanyamunaŋa wabula yumakwizalelu, hakuyishakamisha hamu nawayilolu, akaswani itanda dawanta dalema. Muloŋa yishimi yakwatishaŋa iseki yambala yaYehova hohu, dihu hemikayi mpata.

⁹Wakahembaŋa nyendu yawantu indi ajila, hakwila atama wakayimweneshela mumwidima. Kwosi muntu wakabadika akwawu naŋovu jinduku.

¹⁰Alwaŋa naYehova akayikotola kotu-kotu. Wakayivumina mwiwulu. Yehova wakasompesha insa jamaseki. Wakamwinka Ŋovu mwanta wanadi ishiyi wanta. Wakanyamuna kwiwulu luseŋu lwawindi awayishawu dehi manji.

¹¹Elekana wayili kwitala dindi kuRama. Mwana wamukalakeleli Yehova kumesu akapristu Eli.

¹²Anyana kaEli adiŋi antu amukunkulwayi, hiyamwilukili Yehovaku.

¹³Atupristu elilaŋa antu neyi kukwinza muntu nakuketula chimuna, neyimbiji yinayili dehi, ŋamba yakapristu hakwinza nangutu yanyisomu yisatu,

¹⁴hakuyishimika mumeŋa, hela mushalela, hela mulunuŋu lweneni, helamwinuŋu, yejima yikulamata kungutu yikufuma mwinuŋu kapristu hakutambulahiyindi, dichi chayililaŋawu aIsarela ejima kuShilo kwayilaŋawu.

¹⁵Hela neyi anakeŋi kushita manji, ŋamba yakapristu hakwinza nakumwila muntu naketuli chimuna, nindi, Nyinki mbiji yaku mwochela kapristu, yena hanakeŋi eyi kumwinka mbiji yakutelekaku, chiŋa yayisu hohu.

¹⁶Neyi owu muntu wukumwila nindi, Keŋa ashiti manji katataka, neyianashiti dehi wukutambula tuhu mbiji yejima yiwunakeŋi mumuchimaweyi, pamba hakumwila nindi, Nehi, chiŋa wunyinka katataka, neyi nehi, nukutambula naŋovu jami.

¹⁷Nshidi yawanyikwenzi owu yaswejelikutoha kumesu aYehova, muloŋa antu adiwili himulambu waYehova.

¹⁸Samweli wakalakeli kumesu aYehova, iku wuchidi mwana, wavwalaifwodi yehina dadiwahi.

¹⁹Mama yindi welilaŋa amuchimina kachikovwelu kanyanya, hakumusendelaŋa hamwaka hamwaka hayilaŋayi nanfumwindi nakuketula chimuna chahamwaka.

²⁰Eli wakiswilili Elekana naŋodindi nkisu, nindi, Yehova akwinki anyana naniwu mumbanda nanichi chiwuna musondamishi Yehova. Hiyakuya nikumukala wawu.

²¹Yehova wamuhempwili Hana, wabaabili mavumu, wavweli anyana amayala asatu, ambanda ayedi. Owu mwana Samweli wakulilili kumesu aYehova.

²²Eli waswejeli kukula nankashi, watiyili yuma yejima yayikoŋela ŋawu aIsarela kudi anyanindi, nichi chakamina ŋawu nawambanda apompelaŋa kuchisu chetenti dakubulakena.

²³Wayilili nindi, Mwakoŋela ŋadi yumiyi? Natiyi nsaŋu jenu jatama kudi antu awa ejima.

²⁴Chinjila, enu anyanami, iyi nsaŋu yinukutiya hiyayiwahuku. Mudi nakuluwisha antu ambala aYehova.

²⁵Neyi muntu wukuvulumuna mukwawu muntu akamusompe shakudi Nzambi; indi neyi muntu amuvulumuna Yehova wakamuhakwilaku hinyi? Ilaŋa wena kwawu kutiyilila mwizu datata yawu nehi, muloŋa Yehova welili nindi ayijahi.

²⁶Owu mwana Samweli wayilaŋa nakukula hohu, amutiyili kuwaha nikudi Yehova nikudi antu.

²⁷Kudi Eli kwenjili muntu waNzambi, wamwilili nindi, Tiya chanahoshiyi Yehova, nindi, Hadiŋuwu akwamutaŋa watata yeyi muEjipitu muwuduŋu kudi akwamutaŋa waFwaro hinadimwekesheli kudi wenaku?

²⁸Hinamutondeli mukachi kanyichidi yawaIsarela yejima, nami akeli kapristukami, nami akaketulaŋa yimuna hakameŋa kami, akochaŋa insensi, akavwalaŋa ifwodi kumesu amuku? Akwamutaŋa watata yeyi hinayinkeli nyilambuyawanyana kaIsarela yejima yakwila nakesuku?

²⁹Indi ochu mwadatolela ŋadi yimuna yami nihimulambu wami wunayilejeli nami akaletaŋa mwitala dami? Eyi hiwukulemesha anyaneyi abadikami, himukuditohesha wupumananyilambu yawantu ami aIsarela yejima yabadika kuwaha!

³⁰Dichi dinu Yehova Nzambi yawaIsarela nahoshi nindi, Nahosheli chalala nami, Nimutaŋa weyi nimutaŋa watata yeyi akendaŋa kumesu ami haya nyaka. Ichi dinu Yehova nahoshi nindi, Aha-a kwami! Kwakulehi ntahi! Akunlemesha diwu nukulemesha, akundiwula akayisekesha tuhu.

³¹Tiya, mafuku akenza nakakufumisha Ŋovu jeyi, niŋovu jamutaŋa watata yeyi, kumutaŋa weyi hikwakamwekana wakashika kuwushinakajuku.

³²Wakamonaŋa mukwankunyi mwitala dami, mwejima mwamba kayiheteshela ŋayi Nzambi aIsarela. Kumutaŋa weyi hikwamba kamwekana muntu wambakashika kuwushinakajuku haya nyaka.

³³Muntu weyi nakalekela kukameŋa kami wakela wakukwiyilisha mumesu nakudila, wakukutiyisha mumuchimabwi. Antu ejima amba kavwalika kumutaŋa weyi akafwaŋa muwukwenziwawu.

³⁴Tiya chinjikijilu chiwakamona, chakamo nawu anyaneyi ayedi, aHofwini naFwinehasi; akafwa ifuku dawu dimu mwayedi wawu.

³⁵Nakadimwena kapristu kami washinshika, wakela mwaya muchima wami, nimwaya yitoŋojoka yami, nakanamutuŋisha mukala walala. Wakendaŋa haya nyaka kumesu awami nawayisha dehi manji.

³⁶Yowu wakashalahuku mutaŋa weyi wakenza nakumufukamina nakumulomba kadali helakakudya, wakamwila nindi, Anyinkuhu mwani kamudimu kawupristu, nimwenuku twakudya.