Read MUKANDA WANZAMBI 1 Samuele 21 Bible Online

1 Samuele 21 - MUKANDA WANZAMBI bible

1 Samuele 21

¹Davidi hakuya nikuNobi, kwadiŋi kapristu Ahimeleki. Ahimeleki hakwinza nakumukinkilila Davidi, iku wudi nakuzaala, hakumwila nindi, Muloŋanyi wudi kanka weyi chakadi mukwenu?

²Davidi hakumwila kapristu Ahimeleki, nindi, Anantumi kudi mwanta nansaŋu, ninsaŋu yanantuminiyini mazu ananlejiyi naŋili nindi, Bayi ayiluka kudi muntuku; anyikwenzi nayishiiki kumu kunakayiwana.

³Wuduhu ntahi nanka? Nyinkuhu mankendi atanu muchikasa chami, hela chonsu chidiku.

⁴Kapristu hakumwakula Davidi, nindi, Kudami hikudi mankendi akudya antu tuhuku, kudi owu mankendi ajila hohu; chiŋa neyi anyikwenzi anabuli kudi mona nawambanda.

⁵Davidi hakumwakula kapristu, hakumwila nindi, Chalala mafuku awa asatu hitunadimoni nawambandaku; nihinanya mukilinyijimba yawanyikwenzi yadiŋi yajila chikana njila tuhu, winziwumoni kunu kulelu netu nyijimba yawu yinasweji dehi kujilaku?

⁶Dichi kapristu hakumwinka mankenai ajila, muloŋa hikwadiŋi mankendi acheŋuku, chiŋa owu mankendi akutenteka kumesu aNzambi, yafumishiluwu kumesu aYehova, hiyakuhiŋishahu yacheŋi yitata mwifuku dayifumishiluwu.

⁷Denodu ifuku kwenoku kwadiŋi iyala wumu, wowu wambuŋa Sawulu, amwimikili kumesu aYehova, ijina dindi diyi Doweŋi, wakuEdomi, mukulumpi wa watubiŋa twaSawulu.

⁸Davidi hakumwila Ahimeleki, nindi, Kunu wukwetuhu iyoŋa, helampoku yakabali? Muloŋa ami hinasenduhu hela mpoku yami yakabali, hela yitwa yamuku, muloŋa mudimu wamwanta walufuchi hohu.

⁹Kapristu nindi, Mpoku yakabali yakaFwilistinu Goliyati wajahileyi muchinekineki chaEla iyi yidi kunyima yefwodi, saŋa ayivuŋilawu mwihina, neyi wunakeŋi kuyisenda yisendi, muloŋa hikudi yacheŋuku. Davidi nindi, Hikwekalayacheŋi yidi neyi oyuku, yinyinki.

¹⁰Davidi yonyamuka nikunyamuka, hakutemuka dodena ifuku odu, namutiyi dehi Sawulu woma, hakuya kudi Akisha mwanta wakuGati.

¹¹Ambuŋa Akisha hiyakumwila nawu, Iwu hidiyi mwanta wetuŋa Daviduku? Hidiyi adiŋi nakwimbawu nikuhaŋana helilaŋawu awa nakutumbulaawa nakwakwijia, nawu, Sawulu najahi makombakaji indi, Davidi najahimakumi indi amakombaka juku?

¹²Davidi washili mazu awa kumuchima, wamutiyili mwanta wakuGati Akisha woma wakubadika.

¹³Hakudibalumuna kumesu awu. Hakudimbana kuzaluka mukachi kawu, hakukwazola kwazola kuyenzelu yakuchisu, hakuzulumwina nimazeŋi hawevu windi.

¹⁴Akisha hakuyila ambuŋindi nindi, Aka! Iwu iyala munamumoniwazaluka, munamuletelidi kudami?

¹⁵Nabuli antu azaluka? Dichichimu nanleteli muntu iwu nenu atazatazaŋa nakuzalukila kumesu ami? Yeniwu himuntu wakwijila mwitala dami?