Read MUKANDA WANZAMBI 1 Samuele 22 Bible Online

1 Samuele 22 - MUKANDA WANZAMBI bible

1 Samuele 22

¹Davidi hakufuma kwenoku, hakutemukila kwiyeŋu dakuAdulami. Niana kwindi, nimutaŋa watata yindi wejima chachitiyiluwu hiyakukunkumuka kwadiŋiyi yena.

²Niantu ejima amweni kukala, niantu ejima adiŋi nanyikudi, niantu ejima atiyili kutama, apompeli kudi yena, yena hakwikala kapiteni kawu, hakwikala nawamayala makulakaji awana.

³Davidi wafumini kwenoku, hakuya kuMizipe wakuMowabi, hakumwila mwanta wawaMowabi, nindi, Ayiitiji atata namama enzi kunu mwani, ashakami kudeyi, nichinamba keluka mwamba kaŋilayi Nzambi.

⁴Wayiletelikudi mwanta wawaMowabi, ashakamini nindi mwejima mwadiŋi liliyi Davidi mumpwembu.

⁵Kaprofwetu Gadi hakumwila Davidi, nindi, Bayi wushakama munu mumpwembuku, nyamukaku wuyi mwituŋa daYuda. Davidi hakunyamuka hakwinza mwisaŋa dakuHereti.

⁶Sawulu watiyili nawu, Davidi anamuwani, niantu adiŋiyi nawu; henohu Sawulu wadiŋi washakama muGibeya mwishina damutondu mu-Rama, niiyoŋa dindi kuchikasa, ni ambuŋindi ejima anemanuku kwi-ndo.

⁷Sawulu hakuyila ambuŋindi emeni kwadiŋiyi, nindi, Enu akwaBenjamini tiyenu kunu. Mwana kajesi wakayinka enu ejima nimaha, nimatempa anyivinyu, akayila nawa enu ejima awakulumpi amakombakaji, niakulumpi amakulakaji tahindi?

⁸Mwaka muntiyaŋeni habuluhu tuhu niwumu wakunleja chakwataŋayi mwanami chikuchi namwana kajesi, mukachikenu mubuluhu tuhu niwakuntiyilahu wushona, mubuli niniwu wakunleja mwana nsaŋu mwinuwu kambuŋami kudi mwanami, hakumbela minaŋa mazu neyi chakwilayi lelu?

⁹Henohu Doweŋi wakuEdomi, wadiŋi mukulumpi wawambuŋa Sawulu, hakwakula nindi, Ami namweni mwana kajesi hakwinzai kuNobi kudi mwana kaAhitubi Ahimeleki.

¹⁰Yena hakumwihwila kudi Yehova, amwinka niyakudya, amwinka nimpoku yakabali yadiŋi yakaFwilistinu Goliyati.

¹¹Mwanta hakutemesha nakutambika nikapristu Ahimeleki mwana kaAhitubi, nimutaŋa watata yindi wejima, wowu atupristu adiŋi laŋa muNobi. Hiyakwinza kudi mwanta wejima wawu.

¹²Sawulu hakwila nindi, Eyi mwana kaAhitubi, tiya kunu. Yena hakumwakula nindi, Yamonu mwanta wami.

¹³Sawulu hakumwila nindi, Munankwatilili dichi kuchi nineyi ni mwana kajesi hiwukumwinka nimankendi nimpokuyakabali, hiwukumwihwila nawa kudi Nzambi, kulonda annyamukilaŋa, ambelaminaŋa, neyi chakwilayi lelu?

¹⁴Ahimeleki hakumwakula mwanta, nindi, Hadi ambuŋeyi ejima hadi washinshika chakweseka naDavidi? Niyena nawa hiSambanza, amutambikaŋa nawa nimuchota cheyi, amumonanawa ni kulema kudi mutaŋa weyi wejima!

¹⁵Nihinata chikilili kumwihwila kudi Nzambi ntahi hilelu? Kwakulehi tuhu ntahi. Mwanta bayi anfuukwilachuma ami kambuŋeyi, hela mutaŋa watata yami wejimaku, muloŋamunsaŋu yejimiyi ami kambuŋeyi hineluki hela mwantesha hela mwenenuku.

¹⁶Mwanta nindi, Eyi Ahimeleki wukufwa hohu, nineyi nimutaŋa watata yeyi wejima.

¹⁷Mwanta hakuyila atumbanji emeni kwadiŋiyi, nindi, Balumukenu mujahi atupristu aYehova, muloŋa niwena anadibombi dehi na Davidi, elukili nawa nichatemukiliyi, kunlejamu ami nehi. Ilaŋa mbuŋa mwanta kwonti kwawu kwolola makasawu alotokeli atupristu aYehova.

¹⁸Mwanta hakumwila Doweŋi nindi, Balumukaku eyi, wuyilotokeli atupristu. Doweŋi wakuEdomi hakuyibalumukila hakuyilotokela atupristu, ifuku odu hakujaha makumi atanu nasatu awantu nawantu atanu avweliifwodi yehina dadiwahi.

¹⁹Nimukala wawatupristu waNobi wawutapili nawumwemu wampoku yakabali, ni amayala, niambanda, nianyana, niadi ijina kwamwa, ni aŋombi, niayimbulu, nianyikoku, nawumwemu wampokuya kabali hohu.

²⁰Hadi anyana kamwana kaAhitubi Ahimeleki hapulukili wumu ijina dindi Abiyatari, hakutemuka hakuya kwayiliyi Davidi.

²¹Abiyatari hakumuleja Davidi mwajahililiyi Sawulu atupristu twaYehova.

²²Davidi hakumwila Abiyatari, nindi, Dena ifuku diŋa chinamweni kudi Dowegi wakuEdomi, nelukili nami chalala wakamulejamu Sawulu hohu; yami inajahishi antu amutaŋa watata yeyi ejima,

²³Shakamaku kweyikudami, bayi wutiya womaku, wukukepa kunjahami diyi wukukeŋa kukujahanineyi nawa, muloŋa kunu kudami akakuhemba chachiwahi.