Read MUKANDA WANZAMBI 1 Samuele 24 Bible Online

1 Samuele 24 - MUKANDA WANZAMBI bible

1 Samuele 24

¹Cheliliyi Sawulu nafunti dehi kwayiliyi nakulondela aFwilistinu, hiyakumuleja nawu, Tiya, Davidi hadi mwisaŋa dakuEngedi.

²Sawulu hakutambula mwahita aIsarela ejima amayala makombakaji asatu akutonda chakutonda, hakuya kumalola awasenaŋamu tumba nakukepakeŋa Davidi nawantu indi.

³Hakushika kumayinda awanyikoku adiŋi kunjila, kwadiŋi iyepu. Sawulu hakwipilamu nindi adibuti kunyendu. Davidi nawantu indi adiŋi ashakama mwaya iyepu.

⁴Antu aDavidi hiyakumwilanawu, Tala, ifuku dashika dehi dakwililiyi Yehova, nindi, Ami nakahana chilumbu cheyi kudeyi, wakamwili muwakatiyila kuwaha, Davidi hakunyamuka, hakuketula ihina dakuchikovwelu chaSawulu chakadi kumumonawu.

⁵Nkumininaku muchima waDavidi hiwukumutaŋa, nanochu chaketwiliyi kwihina daSawulu.

⁶Yena hakuyila antu indi, nindi, Chinjila kumesu aYehova kumwila mwanta wami chochichi, hiwambala waYehova awayi shawu dehi manji, kumwolwela chikasa chami chinjila, muŋa hiwambala waYehova awayishawu dehi manji.

⁷Dichi Davidi hakulekesha antu indinamazu awa, haytŋili kumunyamukila Sawuluku. Sawulu hakunyamuka, hakwidika mwiyepu, hakudiyila kwindi.

⁸Nkumininaku Davidi niyena nawa hakunyamuka, hakwidika mwiyeŋu, hakumubidika Sawulu mwakuyayi, nindi, Nkaka yami mwanta. Chataliliyi Sawulu hanyima, Davidi hakubandama chamesu hamaseki, hakudifukula.

⁹Davidi hakumwila Sawulu, nindi, Eyi watiyilaŋadi mazu awantu elaŋanawu, Tiya, Davidi nakeŋi kukwila chatama?

¹⁰Tala ntahi, ifuku dalelu wunamoni namesu eyi chakuhanawu lelu kudi Yehova imu mwiyepukudami, amakwawu apila nawu, Mujahi, ilaŋa ami nakwanakena, nami, Ami hinukumwolwela mwanta wami chikasaku, muŋa diyi wambala waYehova awayishawu dehi manji.

¹¹Dichi dinu tata, talaku tuhu, ihinada kuchikovwelu cheyi idi didi kuchikasa chami idi, chinaketula ihina kuchikovwelu cheyi, nikukujaha nehi, ilukaku wushinshiki neyi kudami hikudi hela kutama, hela muloŋaku, hinakuvulumuni kwamuku, kutopa yeyi wudi nakuzomba wumi wami neyi wunkwati.

¹²Yehova atusompeshi ninami nineyi, Yehova antendi kudeyi, chikasa chami hichakakwata hadeyuku.

¹³Neyi chela chishimu chawawakulumpi nawu, Katama kafumaŋa kudi atama, dichi chikasa chami hichakakwata hadeyuku.

¹⁴Indi mwanta wawaIsarela nenzi nakulondelanyi? Wudi nakuhaŋanyi? Wudi nakulondakawa kadifwila dehi kwaku, wudi nakulonda mbaleli.

¹⁵DichiYehova ekali nsompeshi, atuketwili nsaŋu yetu, atali, anhakwili nsaŋu yami, anyipishi.

¹⁶Chelili Davidi nakumishi dehi kuhosha mazu awa naSawulu, Sawulu hakwila nindi, Idi izu hiizu deyeyi mwanami Davidi tahindi? Sawulu hakudila niikumbu dadeni.

¹⁷Hakumwila Davidi, nindi, Eyi wunambadi kami kuloŋa, muŋa eyi wunaŋili mwamuwahi hohu, kwinza ami nakukoŋi mwatama.

¹⁸Nineyi aweni wunanshi mwinumu dehi chiwunaŋili chachiwahi, ochu chiwela Yehova anhani kudeyi eyi kunjaha nehi.

¹⁹Muntu awani chilumbu chindi, amuleki ayi tuhu? Yehova akufweti yayiwahi nanichi chiwunaŋili lelu.

²⁰Ichi dinu tiya, ami neluki dehi chalala namiyeyi wakekala mwanta, niwanta wawaIsarela wakakolela kudeyi.

²¹Dichidinu nsanyikili Yehova neyi, Hina kakujilu mwina anyaneyi akakulondela munyi maku. Neyi, Hinakajiyisha ijina deyi kumutaŋa watata yeyuku.

²²Davidi hakumusanyikila Sawulu. Sawulu hakuya nikumukala windi, Davidi nawantu indi hiyakuya kuchipaka.