Read MUKANDA WANZAMBI 1 Samuele 27 Bible Online

1 Samuele 27 - MUKANDA WANZAMBI bible

1 Samuele 27

¹Davidi welili mumuchima windi, nindi, Sawulu wamba kanlamakesha tuhu ifuku dimu, chuma chachiwahi chochakupulukila mwituŋa dawaFwilistinu hohu, niSawulu wukudiwulaku kwindi, hakankeŋakeŋacheŋi mwahita pinza jejima jawaIsarelaku, hinakapuluka kudi yena.

²Davidi hakunyamuka niyena, niantu indi adiŋiyi nawu makulakaji atanunadimu, hiyakumotoka pinza, hiyakwinza kudi Akisha mwana kaMayoki, mwanta wakuGati.

³Davidi hakushakama naAkisha kuGati, niyena ni antu indi, iwu niakwetala dindi, iwu niakwetala dindi, Davidi niyena niaŋodi ŋindi ayedi nawa, iwu Ahinowami wakuYezereyeli, iwu Abigayili waku-Karameli, wadiŋilaŋa iŋoda Nabali.

⁴Amulejeli Sawulu nawu, Davidi natemukili dehi kuGati, hamukeŋakeŋeli nawa chepuku.

⁵Davidi hakumwila Akisha nindi, Neyi nawani luwi kudeyi ankunjiki kumukala wumu wamumpata yeyi, nishakamuku mwani, indi ami kambuŋeyi ashakamaŋa tuhu muŋanda naneyi?

⁶Akisha hakumwinka Zikilaŋi dena ifuku odu, dihafuma Zikilaŋi kwikala wambala wawanyanta awaYuda nikulelu.

⁷Mafuku ashakaminiyi Davidi mumpata yawaFwilistinu ashikilimumwaka wamukuma natukweji tuwana.

⁸Davidi nawantu indi hiyakuya nakulukuka aGeshuri nawaGirizi nawaAmaleki, yonyuza yadiŋi yashakama mwituŋa chanyaka, neyi wukuya kuShuri, kwituŋa daEjipitu.

⁹Davidi hakujilumuna ituŋa, hahandishilumu hela muntu weyala, hela muntu wamumbandaku, wakwatakwatili nianyikoku, ni aŋombi, niayimbulu, nianŋameli, hakusenda niyuma yakuvwala, hakufunta, hakwinza kudi Akisha.

¹⁰Akisha hakumwila nindi, Lelumwaya nakulukukanyi? Davidi hakumwila nindi, Twaya nakulukuka aYuda, akukabeta kakuchidiilu, nawaYerameyeli akukabeta kakuchidiiluna waKeni akukabeta kakuchidiilu.

¹¹Davidi hahandishili hela iyala, helamumbanda ayileta kuGatuku, nindi, akenza katushimuna, akenza kelanawu, Tiyenu mwaneliyi Davidi, dimu mwelaŋayi mafuku ejima adi nakushakamayi mumpata yawaFwilistinu.

¹²Akisha hakwitiya mwahosheliyi Davidi, nindi, Nanunki dehi ivumba dasweja kutama kudi antu indi aIsarela, dichi nekali dehi kambuŋami wahaya nyaka.