Read MUKANDA WANZAMBI 1 Samuele 3 Bible Online

1 Samuele 3 - MUKANDA WANZAMBI bible

1 Samuele 3

¹Owu mwana Samweli wamukalakeleli Yehova kumesu aEli. Hamafuku owu izu daYehova dadipi dakahilamu, hikwamwekeni chimwenu kakavuluku.

²Hena hamafuku owu chelili Eli nakambami dehi kwakaminaŋayi, mesuindi atachika dehi kwiliya, kumonaŋa chachiwahi nehi,

³inoŋu daNzambi dichidi kanda dijimi, Samweli nakambami dehi mutembeli yaYehova mwadiŋi chimbapu chaNzambi,

⁴Yehova hakutambika Samweli; yena nindi, Yamonu.

⁵Hakuya kudi Eli lufuchi, nindi, Yamonu; wunantambiki. Yena nindi, Hinakutambikuku; funtaku, wukami kweyi. Hakufuntanaku kama.

⁶Yehova hakumutambika cheŋi, nindi, Samweli. Samweli hakuhinduka hakuya kudi Eli, nindi, Yamonu; wunantambiki. Yena hakumwakula nindi, Hinakutambikuku mwanami; funtaku, wukamikweyi.

⁷Henohu Samweli wuchidi kanda amwiluki Yehova, niizu daYehova dichidi kanda dimwekani kudi yena.

⁸Yehova hakutambi kaSamweli kamuchisatu. Hakuhinduka, hakuya kudi Eli, nindi, Yamonu; wunantambiki. Eli welukili nindi komana Yehova diyi wudi nakumutambikakansi.

⁹Dichi Eli hakumwila Samweli nindi, Yaŋa wukami; hiwutiyi neyi nakutambilu, wakelaŋa neyi, Hoshaŋa Yehova; ami kambuŋeyinidi nakutiya. Samweli hakuya nakukambama kwakaminaŋayi.

¹⁰Yehova hakwinza hakwimana hakutambika, neyi chatambikiliyi hakusambila, nindi, Samweli, Samweli. Samweli hakwila nindi, Hoshapa; ami kambuŋeyi nidi nakutiya.

¹¹Yehova hakumwila Samweli nindi, Tiya, ami nakela chuma muIsarela chakwila antu ejima akachitiya matuawu ejima ayedi akashoma.

¹²Denodu ifuku nakamukoŋa Eli mweji mamu natene neni mutaŋa windi, kufumisha kutachi ndo nikukukumisha.

¹³Muloŋa namuleja dehi nami, Nakasompeshaŋa mutaŋa windi haya nyakanakuluwa kwelukiliyi, muloŋa anyanindi adikokeleli ishiŋu, yena kuyikaandanehi.

¹⁴Dichi dinu nasanyiki dehi, nayili dehi akwamutaŋa waEli nami, Kuluwa kwamutaŋa waEli hiyamba kakufumisha nachimuna helanahimulambu ku haya nyaka.

¹⁵Samweli wakamini nichikwachili, wenzulwili yenzelu yakwitala daYehova. Samweli watiyili woma wakumuleja Eli chimwenu chamweniyi.

¹⁶Eli wamutambi kili Samweli, nindi, Eyi mwanami Samweli. Nindi, Yamonu.

¹⁷Yena nindi, Yehova wahosha naneyi chumanyi? Bayi mwani anjindaku; yuma yejima yahoshayi Yehova naneyi, neyi wukunjindahuchimu Yehova akukoŋi nineyi mwomumu, akulunjikilumu nikukulunjikilamu.

¹⁸Samweli wamulejeli mwejima to-o, hamujindili chumaku. Yena nindi, HiYehova kwindi; akoŋi kwindi mwomwanamoniyi kuwaha.

¹⁹Samweli wakulili, Yehova wadiŋi nayena, hetŋili izu dindi nidimu kuyamumejuku.

²⁰AIsarela ejima kufumisha kuDani ndo nikuBerisheba elukilinawu Samweli anamukoleshi kwikala kaprofwetu kaYehova.

²¹Yehova wamwekeni cheŋi muShilo, Yehova wadi mwekesheli kudi Samweli muShilonezu daYehova.