Read MUKANDA WANZAMBI 1 Samuele 6 Bible Online

1 Samuele 6 - MUKANDA WANZAMBI bible

1 Samuele 6

¹Chimbaŋu chaYehova chashakamini mumpata yawaFwilistinu tukweji tutanu natuyedi.

²AFwilistinu hiyakutambika ayikombejina wakwakuhopa, nawu, Tukwila pahi nachimbaŋu chaYehova? Tulejenuyitwakachitemesha nachu kwachu kuchekala.

³Elili nawu, Neyi mukutemeshachimbapu chaNzambi yaIsarela, bayi muchitemesha makasakasaku; chiŋa muchifuntisha nahimulambu wakutanya akayuki, mwakeluki chanabuliliyi kuyifumisha chikasa chindi.

⁴Ehwili nawu, Mulambu wakutanyawutwakafuntisha nachu kudi yena mulambwinyi? Nawu, Tusuŋuhutitwawuru tutanu, ninfwa jawuru jitanu, mwomwekalila tulamba twawa-Fwilistinu, muloŋa chipupu chimunamoni enu wejima wenu hamu nawatulambatwenu chochimu hohu.

⁵Kelenu nkishi jadifwana natusuŋuhutitwenu, ninkishi jadifwana nanfwa jenu jidi nakukisapana ituŋa, mwakamulemeshi Nzambi yaIsarela; hadaha wakapepelesha chikasa chindi nihadenunihadi akishi enu, nihetuŋa denu.

⁶Ochu mukuchinchikishiladi nyichima yenu neyi chachinchikishiluwu aEjipitu naFwaro nyichima yawu? Chayikomwesheliyi hiyayilekeli antu akadiyili kwawuku?

⁷Dichi dinu kwatenukukusoŋa itemba dadiha, mwakakwati aŋombi ayedi achidi kwamwisha, achidi kanda asendaŋahu dehi mpanda, mwakakasi aŋombi kwitemba, anyanawu mwakayenzeleli mwitaŋa;

⁸mwakanoni chimbaŋu chaYehova, mwakachishi hetemba niyuma yawuru yahimulambu wakutanya yimwakafuntisha nachu kudi yena, mwakayishi muchikasha, chikasha mwakachishikumbadi yachimbaŋu; mwakachitemeshi, chakayi.

⁹Neyi mwakamona hichikuya munjila yakuŋinza yachu kuBetishemeshi, komana diyi natukoŋi chumichi chasweja kutama; neyi nehi, twakeluka netu chikasa chindi hidichi chatukatishiluku, chadiŋi chuma chakudinjila tuhu.

¹⁰Antu ela nimwenomu, hiyakukwata aŋombi ayedi achidi kwamwisha, hiyakuyikasila kwitemba, anyanawu hiyakuyenzelela mwitaŋa;

¹¹Hiyakushachimbaŋu chaYehova hetemba, hamu nachikasha chi kweti infwajawuru ninkishi jatusuŋuhuti twawu.

¹²Aŋombi hiyakwimakana munjila yakuBetishemeshi; hiyakuya mumukwakwa weneni, iku nakuya iku nakwaŋula, kusenukamu aya hela kuchikasa chachidiilu hela kuchimunswa nehi. Tulamba twawaFwilistinu adiŋi nakuyilondela munyima nikuŋinza yakuBetishemeshi.

¹³AkwaBetishemeshi adiŋi nakwaŋula tidiku yawu muchinekineki; hiyakufumbula mesu awu, hiyakumona chimbaŋu. Chachimwenuwu azaŋaleli.

¹⁴Itemba diiŋila nimwiha daYoshuwa mukwaBetishemeshi, diimana nikwenoku kwadiŋi ilola deneni. Hiyakubalula nyitonduyetemba, hiyakumushitila Yehova aŋombi owu ahimulambu wakushita.

¹⁵ALevi hiyakutulula chimbaŋu chaYehova, nichikasha chadiŋuku, mwadiŋi yuma yawuru, hiyakuyisha helola deneni. Antu akuBetishemeshi hiyakushita nyilambu yakushita, hiyakumuketwila Yehova niyimuna ifukudodenodu.

¹⁶Atulamba twawaFwilistinu atanu chachimwenuwu hiyakufunta kuEkeroni dodena ifuku odu.

¹⁷Tiyenu tusuŋuhuti twawuru twamulambu waYehova wakutanya twafuntishiluwu nachu aFwilistinu chimbaŋu; elili kamu kaAshidodi, kamu kaGaza, kamu kaAshekeloni, kamu kaGati, kamu kaEkeroni;

¹⁸ninfwajawuru jamwekalila ŋanda jawaFwilistinu jejima jikweti tulamba tutanu, niŋanda jampwembu, nitunyikala twamumpata, yashika ndo nikwiloladeneni, datulililuwu chimbaŋu chaYehova, kwoku dekala nilelu mwiha daYoshuwa, mukwaBetishemeshi.

¹⁹Wajahili antu akuBetishemeshi, muloŋa atalili muchimbaŋu chaYehova, hadi antu wajahiluhu amayala makombakaji makumi atanu namakumi atanu nayedi; antu hiyakudila nanochu chaswejeliyi Yehova kujaha antu.

²⁰Amayala akuBetishemeshi elili nawu, Hinyi natweshi kwimana kumesu aYehova Nzambi wajiliwu? Wukuya kudinyi kulonda atufumi?

²¹Hiyakutemesha antemesha kudi eniKiriyati Yeyarimi, nawu, AFwilistinu anatuleteli dehi cheŋi chimbaŋu chaYehova; kunkumukenu muchitambuli, chinzi oku kudenu.