Read MUKANDA WANZAMBI 1 Samuele 8 Bible Online

1 Samuele 8 - MUKANDA WANZAMBI bible

1 Samuele 8

¹Cheliliyi Samweli nakuli dehi, hakukunjika anyanindi amayala kwikalaansompeshi awaIsarela.

²Wedi windi ijina dindi Yoweli, chilondawedi ijina dindi Abiya; asompeshelaŋa muBerisheba.

³Anyanindi hiyelilaŋa mwelilaŋayi yenaku, asenukilumu, hiyakulondela kuheta kwatama, hiyakutambulaŋa maseleka, hiyakuheŋeshaŋa wupaji.

⁴Akulumpi awaIsarela ejima hiyakudipompesha, hiyakwinza kuRama kwadiŋi Samweli,

⁵hiyakumwila nawu, Eyi wakula dehi, anyaneyi hiyelapamuwelapa eyuku. Tukunjiki mwanta walukanu atusompeshaŋa neyi chelaŋawumunyuza yejima.

⁶Chuma cheliluwu nawu twinki mwanta wakutusompesha, Samweli wachimweni kutama nankashi. Samweli hakulombakudi Yehova.

⁷Yehova hakumwila Samweli nindi, Tiyililaku mwizuda wantu, wili mwejima mwakukwilawu; ochu yeyi analekuwu wanyi, yami analekuwu, nibuli kwikala mwanta wawu wakuyiyulaŋa.

⁸Mwahitanyidimu yanakoŋuwu yejima kufumisha kwifuku dinayifumishili muEjipitu kushikŋa nikwifuku dalelu, nakunlekami nakupesha akishi, dimu nawa mwadinakukwilawu eyi.

⁹Dichi dinu kumina dakutiyilila mwizu dawu, helachochu chiŋa wakayikonkomwena, wakayileja mwakekalila mwanta wakayiyuiaŋa.

¹⁰Samweli hakuleja antu amulombeli mwanta mazu aYehova ejima,

¹¹nindi, Tiyenu mwakekalila mwanta wakayiyulaŋa. Wakatambula tambula anyanenu amayala, wakayikunjika kunjika kumakálu indi, nikwikalaakwatuwalu twindi, akayaŋa lufuchi kwakayaŋa makálu indi.

¹²Wakayikunjika kunjika kwikala awakulumpi amakombakaji, niakulumpi amakumi atanu; amakwawu akamudiminaŋa maha indi, nikumwaŋwilaŋa yakudyavindi, nikumuchililaŋa yitwa yindi yanjita, niyuma yamakálu indi.

¹³Wakatambula tambula ni anyanenu awambanda akamweŋelaŋa manji indi, akamutelekelaŋa yakudya yindi, akamwochelaŋa mankendi indi.

¹⁴Wakatambula tambula maha enu, nimatempenu anyivinyu, nimatempenu anyiolive, wakatondamuasweja kuwaha wakenka ambuŋindi.

¹⁵Wakatambula chamwikumini chakumbutu yenu nichaku matempenu anyivinyu, wakenka tulalatwindi ni ambuŋindi.

¹⁶Wakatambula tambula nianduŋu jenu amayala, nianduŋu jenu awambanda, nianyikwenzi jenu asweja kuwaha, niyimbuluyenu, wakayishaŋa kumudimu windi.

¹⁷Wakatambula yimuna yenu yajikishaŋa mumakumi, mwakekalaŋa ambuŋindi.

¹⁸Dena ifuku odumwakakaloka nyiteti namwanta wenu imwakatonda, dena ifuku odu Yehova hakayitiya nawaku.

¹⁹Hela chochu, antu alekeli kutiya mwizu daSamweli, nawu, Nehi, chiŋa twi kali namwanta wetu wakutuyula hohu,

²⁰kulondatwakadifwani nanyuza yi kwawu yejima; kulonda mwanta wetu akatusompeshaŋa, akatwamininaŋa kutwayaŋa akatwasilaŋa njita jetu.

²¹Samweli watiyili mazu ejima awantu, wahitulwilumu kumatu aYehova.

²²Yehova wamwilili Samweli nindi, Tiyililaku mwizu dawu, wuyidiishili mwantawawu. Samweli hakuyila aIsarela nindi, Yenuŋa kwenu kunyikala yenu wejima wenu.