Read MUKANDA WANZAMBI 1 Samuele 9 Bible Online

1 Samuele 9 - MUKANDA WANZAMBI bible

1 Samuele 9

¹Kwadiŋi iyala mukwaBenjamini, ijina dindi Kishi, mwana kaAbiyeli, Abiyeli mwana kaZerori, Zerori mwana kaBekorati, Bekorati mwanakaAfwiya, wadiŋi mwana kamukwaBenjamini chilobu mukwaŋovu.

²Wadiŋi namwaninai weyala ijina dindi Sawulu, mukwenzi wamuwahiwawutotombu. Hadi anyana kaIsarela hihadiŋi muntu wamubadikakuwahaku. Wadiŋi wabadika akwawu antu ejima kutaluka, wasompokelichamafwiji nanamutu.

³Yimbulu yatata yaSawulu Kishi yajimbeli. Kishi hakumwila mwanindi Sawulu, nindi, Sendaku ŋamba wumu, wunyamuki, wuyi nakukeŋakeŋa yimbulu.

⁴Hakuhita mwituŋa daEfweremi damapidi, ahita nimwituŋa daShalisha, kuyimona kwawu nehi. Ahita ni mwituŋa daShayalimi nimwenanawa mwosi. Ahita ni mwituŋa dawaBenjamini, kuyimona kwawu nehi.

⁵Chashikiluwu kwituŋa daZufwi, Sawulu hakumwila ŋamba yindi adiŋiyi nindi, nindi, Tuyi, tufunti kwetu; tata wakenza kaleka kwakama yimbulu, hakutwakametu.

⁶Hakumwila nindi, Tiya mwani, mumukaliwu mwekala muntu waNzambi, himuntu alemeshawu kudi antu; yuma yahoshaŋayi yejima yamwekanaŋa chalala; tuyuku; hadaha wukutuleja njila yetu yitukwenda.

⁷Sawulu hakumwila ŋamba yindi, nindi, Neyi tukuya, owumtmtu tukumutwela ika? Yakudya munyitoŋa yetu yamana dehi, hikudi chamukunkulu chakumutwelela muntu waNzambi uku, tukweti chumanyi?

⁸Ŋamba hakumwakula Sawulu cheŋi nindi, Tala, ami nidi nachibalu chalushekeli lwasiliva chamuchiwana; nukumwinkachu muntu waNzambi atuleji njila yetu.

⁹Muloŋa hásambilili muIsarela, helilaŋayi muntu neyiwukuya nakwihula kudi Nzambi, wukwila nindi, Twatuyi kudi mukwakumona; muloŋa muntu atenaŋawu katataka nawu kaprofwetu, hakusambila amutenenaŋa nawu mukwakumona.

¹⁰Dichi Sawulu hakumwila ŋambayindi nindi, Dimu, twatuyi. Aya nikumukala kwadiŋi muntu waNzambi.

¹¹Cheliluwu hiyakuya nakukanduka mukandu wakumukala, hiyakuwana ayaŋadima adi nakuya nakutaha meji, hiyakuyila nawu, Mukwa kumona wudi kwoku?

¹²Hiyakuyakula nawu, Wudi kwoku, owu tuhu wudikumbidi owu. Nyakishaku dinu, muloŋa lelu nenzi dehi mumukala, niantulelu akuketula chimuna hachinananaŋa;

¹³chimukwila munashiki dehi mumukala mukumuwana katataka kanda ayi hachinaŋanaŋa nakudya, neyi yena kushika nehi, antu kudya nehi, muloŋa yena diyi wukukiswila chimunankisu, nkumininaku atambikawu hiyakudya dinu. Dichi dinu kandukenu, keŋa mumuwani tuhu katataka.

¹⁴Hiyakukanduka kumukala. Chana shikuwu mumukala, nawu atali, Samweli iwu wukwinziwu, nindi ayaŋa kuchinaŋanaŋa.

¹⁵Helili kunashali ifuku dimu nakushika Sawulu, Yehova wamuleja dehi Samweli,

¹⁶nindi, Kumadiki hohenahanu nakakutemeshela muntu wakwituŋa daBenjamini, wakamuwayishi manji ekali nlomboli yawantu ami aIsarela, wakahandisha antu ami kudi aFwilistinu, muloŋa namoni dehi antu ami, niikumbu dakudilawu dinashiki dehi kudami.

¹⁷Samweli chamweniyi Sawulu, Yehova hakumwila nindi, Talaku iyala nakulejeli! Yeniwu diyi wakekala mwanta wawantu ami.

¹⁸Sawulu hakwinza nakushika kwakwihi naSamweli kuchisu champwembu, hakwihula nindi, Anleji mwani kwitala damukwakumona.

¹⁹Samweli hakumwakula Sawulu nindi, Mukwakumona yami. Yenuŋahu dehi kuchinaŋanaŋa, lelu tukudyanenu. Budidi nukukuleka hiwakaya, nakakuleja yejima yidi mumuchima weyi.

²⁰Hakwila oyu yimbulu yeyi yajimbeli munahiti dehi mafuku asatu, bayi wusha kwoku muchimaku, amwekana dehi. Ochu anashuwu aIsarela ejima muchima hiyeyuku? Himutaŋa watata yeyi wejimaku?

²¹Sawulu hakumwakula nindi, Amihini kaBenjaminuku? Muchidi wetuhidiwu wasweja kukeha munyi chidi yawaIsarela yejimaku? Nichisaka chetu hidichi chasweja kukeha hayisaka yamumuchidi waBenjamini yejimaku? Indi wunahoshelidi nanami mwenimu?

²²Samweli hakutwala Sawulu naŋamba yindi, hakuyishikŋa mwitala dawaŋeji, hakuyishakamisha kwalema hakachi kawatambikiluwu, adiŋi kwiji neyi makumi asatu.

²³Samweli hakumwila mukwakuteleka nindi, Letaku iseka dinakwinka, dinakwila nami, Tentekaku.

²⁴Mukwa kuteleka hakunona mwendu niyadiŋuku, hakunamutulila Sawulu. Samweli hakumwila nindi, Talaku yanatentekuwu! Shaku kumesu eyi wudyai. Diyi yakutentekela wumpinji yinu yakushiika dehi; muloŋa nela nami natambikadehi antu. Dichi Sawulu wadiili naSamweli dena ifuku odu.

²⁵Chakunku mukiluwu mumukala, anafumi dehi kuchinaŋanaŋa, Samweli hakuhanjika naSawulu hewulu detala.

²⁶Hiyakuhinduka swayi, chikwelili hikukuya nakucha, Samweli hakutambika Sawulu hewulu detala, nindi, Hindukaku nikukani, wuyi. Sawulu hakuhinduka, hiyakwidika hanzimwayedi wawu niyena niSamweli.

²⁷Cheliluwu hiyakukunkumuka kunsa yamukala, Samweli hakumwila Sawulu, nindi, Mwili ŋamba ayaŋahu dehi. Hakuyanahu. Nindi, Ilaŋa eyi imanaku chanti, nikuleji izu daNzambi.