Read MAASAI REVISED PROTESTANT Enkiterunoto 20 Bible Online

Enkiterunoto 20 - MAASAI REVISED PROTESTANT bible

Enkiterunoto 20

¹Neidur Abraham teine alo enkalo enkop e Negeb, nemany erishata e Kadesh o Shur nelo sii Gerar.

²Nejo Abraham tialo Sara enkitok enye, “Enkanashe ai ninye.” Ore olaiguanani Abimelek le Gerar, neirriwaa enkutuk meyauni Sara aayaki.

³Kake eewuo Enkai kewarie enetii Abimelek te nkidetidet, nejoki, “Ira iyie oltung'ani otua te nkaraki ina kitok niwa, amu ore ninye naa enkitok e likae tung'ani.”

⁴Ore amu eton eitu elo Abimelek anyikaki Sara, nejo, “Olaitoriani, iar metuata iltung'ana loo sipat?

⁵Keitu aajoki ninye makewan, ‘Enkanashe ai ninye?’ Netejo sii ninye enkitok, ‘Olalashe lai ninye.’ Metaa esupatisho o ltau o sidano ataasie ena.”

⁶Nejoki Enkai ninye teina kidetidet, “Ee ekayiolo ajo itaasa ena te supatisho o ltau lino, kake nanu laaibooyie peyie mikintaas eng'oki, metaa eitu aaisho iyie iseyie ninye.

⁷Ore tena kata kayieu nirrinyoki olpayian enkitok enye, amu ore ninye naa oloiboni le Nkai, naa aikiomonoki ninye peyie miye. Kake tinimirrinyoki iyie ninye, tayiolo ajo meeta inchere pee miye, iyie o pooki toki ino.”

⁸Neinyototo Abimelek tadekenya enasirie, neipotu ilaisiaayiak lenyena pooki neinosaki ninche kuna baa pooki, neureishoyu iltung'ana oleng.

⁹Neipotu Abimelek Abraham, nejoki ninye, “Kaa bae ena nintaasa iyiook? Naa kaa ng'oki aaitaasa nanu iyie eji metaa kiyaka iyie nanu o enkitoria ai eng'oki sapuk? Kintaasa nanu imbaa nemeishaakino neasi.”

¹⁰Nejoki Abimelek Abraham, “Kainyoo endamunoto niata peyie itaasa ena bae?”

¹¹Nejo Abraham, “Ataasa amu atadamua ajo, metii ene euriata e Nkai katukul, naa kaari te nkaraki enkitok ai.

¹²Ore sii enkae, ekesipa doi tenajo enkanashe ai amu ore ninye, naa entito e papa lai neme entito e yieyio lai, netaa enkitok ai.

¹³Ore apa peyie aaisho Enkai maidurra te nkaji e papa, naatiaaka ninye, ‘Ena embae o lng'ur nikintaas nanu, ore pooki wueji nikijing, tejo tialo nanu, olalashe lai ninye.’ ”

¹⁴Neitayu Abimelek intare o lmong'i o lewa o nkituaak rrindiki, neisho pooki Abraham nerrinyoki ninye enkitok enye Sara.

¹⁵Nejo, Abimelek, “Ore enkop ai pooki, etii dukuya ino tamanya eneba anaa eninyor.”

¹⁶Nejoki Sara, “Aishoo olalashe lino inkoshola enkalifu nabo, naaku ine nkitoipoto ino too nkonyek e lelo pooki likiboitare, neaku aikinkenakini esipata.”

¹⁷Neomon Abraham Enkai, neishiunye Enkai Abimelek tenebo enkitok enye o nkituaak rrindiki metaa etoiutuo inkera.

¹⁸Amu eteena apa Olaitoriani inguseti enkaji pooki e Abimelek te nkaraki Sara enkitok e Abraham.