Read MAASAI REVISED PROTESTANT 1 Intepen 18 Bible Online

1 Intepen 18 - MAASAI REVISED PROTESTANT bible

1 Intepen 18

¹Ore te siadi e nkiti rishata neitoki Daudi arasaki Ilfilisti nemir ninche. Ewa ninye aoru ninche enkanasa e Gaat o nkang'itie naataaniki kutiti neoru Ilfilisti.

²Etimira sii apa Ilmoabu ootaa isinkan lenyena nelak kodi.

³Neitoki Daudi arasaki olaiguanani Hadadesa le nkop e Siria naji Soba, natii embata e nkop e Hamat, amu keyieu apa Hadadesa neing'oru pee eitore ina kop aimu te nkalo e shumata e Frati.

⁴Neibung Daudi ingarrin enyena oo mbartan enkalifu nabo o lakedok loo mbartan nkalifuni naapishana o sikarini nkalifuni tikitam oopuo too nkejek. Nemut Daudi mbartan pooki oo ngarrin, neing'uaa ake inaaidip ngarrin iip nabo.

⁵Ore ake pee eirriu Isiria le Dameski enjore nalotu aretu olaiguanani Hadadesa olaiguanani le Soba, neibung Daudi ina jore near metuata iltung'ana nkalifuni tikitam oaare le Siria,

⁶neitoki airriwaa iltimito le njore ilpolosien lenye, neaku ile Siria isinkan le Daudi neitaiki ninye kodi. Neisho Olaitoriani Daudi meisula te pooki wueji.

⁷Neibung Daudi nena long'oi e saabu apa naanapita ilkituaak le Hadadesa, neya ninche Yerusalem.

⁸Enyaaka sii aya osuyai kitok le Tibha o te Kun, nena anas apa naaitore Hadadesa (ilo suyai apa enyaaka Solomon aasishore te siadi aitayunye ilmotioo o ng'apeta o masaa o suyai.)

⁹Ore ake pee ening olaiguanani Toi le Hamat nchere etimira Daudi enjore pooki e Hadadesa, ilo aiguanani le Soba,

¹⁰neirriwaa olayioni lenye Hodoram meshomo enetii Daudi, pee eiroroki ninye, neisho ninye enchunet, te nkaraki natimira Hadadesa; amu kesesh apa egilunore Hadadesa Toi to larrabal. Neirriwaki ninye mpukunot pooki oo masaa e saabu o enkosholai o no suyai.

¹¹Ore ake kuna pooki neitisinyaki Daudi Olaitoriani, tenebo ina osholai o saabu apa nayawua too loshon o te Edom o Moab o too Lamon, o too Lfilisti o too Lmaleki.

¹²Ore Abishai olayioni le Seruya near metuata nkalifuni tomon o isiet oo le Edom, to erata le munyan.

¹³Nepik ninye iltimito le njore Edom; neaku lelo pooki le Edom isinkan le Daudi. Neisho Olaitoriani Daudi enkisulata te pooki wueji neshomo.

¹⁴Neitoreisho Daudi te Israel pooki, neitoreisho ninye too sipat o too nkiririkinot too ltung'ana lenyena pooki.

¹⁵Naa Yoab olayioni le Seruya apa olkitok le njore, naa Yehoshafat olayioni le Ahilud olasirani;

¹⁶naa Sadok olayioni le Ahitab o Ahimelek olayioni le Abiata ilapolosak; naa Shafsha olaigeroni;

¹⁷naa Benaia olayioni le Yehoiada oitasheiki Ilkeriti o lpeleti[2]. Ore ilayiok le Daudi naa ninche ilkituaak te nkisiayiare o laiguanani.