Read MAASAI REVISED PROTESTANT 2 Intepen 17 Bible Online

2 Intepen 17 - MAASAI REVISED PROTESTANT bible

2 Intepen 17

¹Neitoki Yehoshafat olayioni le Asa aitoreisho te rishata e papaai lenye, neitagol kewan agilunore Isiraeli.

²Nepik ninye iltimito nena anas pooki naasheta isunta e Yuda, nepik iltimito enkop e Yuda, o nkanas e Efraim apa naatarayie Asa papaai lenye.

³Etii apa Olaitoriani tenebo Yehoshafat, te nkaraki nashomo ninye aibung olapa rrekie le menye; eitu ninye eserem Baal.

⁴Kake eing'orua Enkai e papaai lenye, nelo too nkitanapat enyena, neitu eibung irrekiei loo Siraeli.

⁵Ore te nkaraki ina neitasheyie Olaitoriani enkitoria te nkaina enye, ore iltung'ana pooki le Yuda neyaki Yehoshafat inkishoorot, netum ninye enkarsisisho sapuk o enkanyit.

⁶Keuno apa oltau lenye tialo nkoitoi o Laitoriani; neiwuang'ie sii iwuejitin neeika e Asherim te Yuda.

⁷Ore to lari liokuni le nkitoria enye neiriwaa ninye iltung'ana lenyena kituaak, Benhail, o Obadia, o Sekaria, o Netanel, o Mikaia, pee epuo aaiteng'enisho too nkanas e Yuda.

⁸Ore tenebo ninche netii Ilawi, Shemaia o Netania o Sebadia o Asahel o Shemiramot o Yehonatan o Adonija o Tobija o Tobadonija. Ore tenebo kulo Lawi netii ilapolosak, Elishama o Yehoram.

⁹Neiteng'enisho ninche te Yuda, eeta embuku oo nkitanapat o Laitoriani tenebo ninche. Nepuo ninche aamanaa too nkanas pooki e Yuda aiteng'enisho tiatua olorere.

¹⁰Etipika apa Olaitoriani enkuretisho nena kitoriat pooki oo nkuapi naamanita Yuda, neitu ninche eitayunye Yehoshefat olarrabal.

¹¹Ore ilkulikae Filisti neyaki Yehoshefat nkishoorot. Neyaki nkishoorot e nkosholai, neyau Ilmarabu ilmeregeshi enkalifu nabo o iip naapishana o loroi enkalifu nabo o iip naapishana.

¹²Neponari Yehoshefat agolu te nkitoria. Neshet ninye te Yuda isempewueti o nkanas naashumishoreki.

¹³Neeta apa ninye ineeshumishoreki sapuki too nkanas e Yuda. Neeta isikarini magil yiolot, te Yerusalem.

¹⁴Eiturrurroki apa kulo te risioroto oo nkajijik oo loo menye. Ore te Yuda netii ilarikok le njore loo nkalifuni; netii olarikoni le njore e iip oji Adna, tenebo iltung'ana inkalifuni iip uni magil yiolot.

¹⁵Ore oliare naa Yehohanan ilo arikoni le njore, tenebo iltung'ana inkalifuni iip are o ntomoni isiet,

¹⁶ore olosujaki naa Amasia olayioni le Sikri, ilo oishorua kewan te nkisiaayiare o Laitoriani, tenebo iltung'ana inkalifuni iip are magil yiolot.

¹⁷Ore too le Benchamen naa: Eliada, ilo tung'ani magilani yioloti, tenebo iltung'ana inkalifuni iip are oata mbaa o long'oi.

¹⁸Ore olosujaki naa Yehosabad tenebo iltung'ana inkalifuni iip o ntomoni isiet ootanapate pee epuo olarrabal.

¹⁹Kulo apa ootii enkisiaayiare o laiguanani, metii lelo apa ootipika olaiguanani nkanas naasheta sunta te Yuda pooki.