Read MAASAI REVISED PROTESTANT 2 Intepen 4 Bible Online

2 Intepen 4 - MAASAI REVISED PROTESTANT bible

2 Intepen 4

¹Eitobira ninye olperere lo lasar lo suyai, naa intemeta e nkaina naaudo enkadoro, naa neijia etiu endapasho, naa intemeta ong'uan olpisiai enkadoro nailep.

²Neitoki aitobir olmoti le sekenkei natosholaki, naa intemat are olpisiai enkaina endapasho, naa intemeta ong'uan olpisiai e nkaina endapasho naa intemeta tomon ookuni e nkaina enkamanaa enye. Naa kepurupurana apa.

³Ore tiabori ilo moti netii intokitin naaijo ilmong'i ooitashe emanita; naa ilkererin oaare apa ninche.

⁴Neitashe ilo moti te nchumata lelo mong'i, neing'or okuni enchoto e moikuape, neing'or okuni enchoto o loontoluo, neing'or okuni enchoto e kopikop, neing'or okuni enchoto o loosaen, naa ninche apa eiteleikiaki ilo moti, ore inkaloli enye oo lkidong'o naa enchoto e atua etii.

⁵Ore endapasho enye neba anaa endap e nkaina, ore emanaroto enye neikununo anaa enkikompe, netiu anaa entapukai sidai; naa mboreitin inkalifuni uni o ltulet enkare natii.

⁶Neitobir sii imotioo tomon ooitukuoreki, nepik imiet enchoto e kopikop nepik imiet enchoto e moikuape. Kuna apa eitukuyieki irubat e ng'ues naitaae olasar opejori, ore ilo moti naa oloo lapolosak pee eitukuore.

⁷ Neitobir ninye inkitasheta oo ltaai anaa enatuutuaki nepik ninche atua ina aji e Nkai, nepik imiet enchoto e kopikop, nepik imiet enchoto e moikuape.

⁸Neitobir sii imisai tomon, nepik ninche atua ina aji e Nkai, nepik imiet enchoto e moikuape.

⁹Neitobir olgoriet loo lapolosak, o lgoriet kitok o enejing'ieki olgoriet,

¹⁰nemur nena kutukie oo lgorieti to suyai; nepik ilo moti olpijata le nchoto e kopikop eina aji.

¹¹Neitobir sii Huram imotioo, o nchempei oo lala o mbakulini. Neaku eidipa apa Huram esiaai pooki nataasaka olaiguanani Solomon te nkaji e Nkai:

¹²nena ng'apeta pokira are, o lbakulini o nena opiyiani naaishopokino o ina siaai oo usin naaripunyeki inkarash are naaimulumulieki nena bakulini naatii nchumat e nena ng'apeta;

¹³o lgululu iip ong'uan ooikodieki ina siaai e ripare oo usin, te nkarasha ake nabo, pee eimulumul nena bakulini pokira are naatii nchumat e nena ng'apeta.

¹⁴Neitobir sii nkitasheta neiteleiki lelo motioo nena kitasheta.

¹⁵O ilo moti obo, o lelo mong'i pokira tomon oaare ootii abori enye.

¹⁶O mbokishi o nchempei oo lala, o masaa pooki naaitobira Huram to suyai oidong'o, aitobiraki olaiguanani Solomon, te nkaraki enkaji o Laitoriani.

¹⁷Teina kisiashata e nkop e Yuda eipurjaki ninche, teina terit natii erishata e Sukot o Sereda.

¹⁸Neitobir Solomon kuna tokitin pooki te nkumoi sapuk oleng, o metaa meikenayu enkiroishi o suyai.

¹⁹Neaku eitobira Solomon intokitin pooki apa naatii atua enkaji e Nkai: olperere lo lasar le saabu, o misai te nkaraki emukate e nkitoduaaroto,

²⁰o nkitasheta oo ltaai, o lelo taai lenye le saabu nasila, pee eyupuyup te dukuya ilo gilata liatua osinya, anaa apa enatuutuaki.

²¹O ntapuka o ltaai, o nena tokitin naarieki iltaai e saabu nasila;

²²o ntokitin naaitobirieki iltaai o mbesheni o ntokitin e nkorropil o mbakulini e nkima e saabu nasila o lgos le nkaji e Nkai ojing'ieki kutukaji o lgilata liatua o metabaiki ine wueji nesinya aisul, ore inkutukie eine nejing'ieki ina aji e Nkai naa ine saabu.