Read MAASAI REVISED PROTESTANT 2 Intepen 7 Bible Online

2 Intepen 7 - MAASAI REVISED PROTESTANT bible

2 Intepen 7

¹Ore ake pee eidip Solomon enkomono enye nedou enkima naing'uaa Keper nenya ilo asar opejori o nkishoorot neiput enkitoo o Laitoriani ina aji e Nkai.

²Neitu eidim ilapolosak aatijing atua ina aji o Laitoriani.

³Ore ake pee edol inkera pooki oo Siraeli ina kima edou, o enkitoo o Laitoriani te shumata ina aji e Nkai, neirrugo ninche aaitabaiki inkomomi enkop, te ndung'oroto, neserem neisho Olaitoriani enashe ejo, “Amu aisupat ninye, nebikoo enyorrata enye nauno intarasi.”

⁴Neitoki olaiguanani o ltung'ana pooki aaishooyo ilasarri te dukuya o Laitoriani.

⁵Eishorua olaiguanani Solomon olasar ilmong'i inkalifuni tikitam oaare, o nkerra inkalifuni iip o tikitam. Ore olaiguanani, o ltung'ana pooki neitisiny ina aji e Nkai.

⁶Neitashe ilapolosak too wuejitin enye. Neitashe sii Ilawi aaiko neijia, eeta nena kinantani oo sinkolioitin, apa naaitobira olaiguanani Daudi pee eishorieki Olaitoriani enashe - amu kebikoo enyorrata enye nauno intarasi. Naa teneisis apa Daudi Olaitoriani te nkisiaayiare enye, ore te nda shoto neosh ilapolosak intarumpetani; neitashe Israel pooki.

⁷Neitisiny Solomon empolos e ilo goriet apa otii dukuya enkaji o Laitoriani. Amu teine eitayio olasar opejori, o eilata o lasar le seriani. Amu ore apa ilo perere lo lasar lo suyai oitobira Solomon, nemeishaa olasar opejori o lasar le ntapa, o eilata.

⁸Ore apa ina kata neibung Solomon osirua inkolong'i naapishana o Siraeli pooki tenebo, eumata kitok oleng nabaiki enejing'ieki Hamat ometabaiki oerata le Misiri.

⁹Ore te nkolong e isiet neibung ninche eumata e nkitirring'a; amu eibung'a apa ninche enkitisinyata o lperere lo lasar inkolong'i naapishana, o sirua inkolong'i naapishana.

¹⁰Ore te nkolong e tikitam oo kuni o lapa liopishana neisho iltung'ana meshomo inkang'itie enye, eng'ida neeta enchipai too ltauja lenye te nkaraki ina supatisho naitoduaa Olaitoriani, Daudi, o Solomon o ltung'ana pooki loo Siraeli.

¹¹Neidip Solomon ina aji o Laitoriani, o enkaji o laiguanani e nkitoo o nena pooki apa naaitobira Solomon pee eas te nkaji enye makewan, neitabaya pooki aitobiraki.

¹²Neitoki Olaitoriani aitalioo kewan te Solomon kewarie nejoki ninye, “Atoning'o nanu enkomono ino, nategelua ene wueji te nkaraki kewan ai pee eaku enkaji o lasar.

¹³Tenaiken nanu keper ometaa meetae enchan, anaa aitanap olmaati pee emut enkop, anaa airriu olmeitai atua iltung'ana laainei,

¹⁴ore ake pee eitadou ate iltung'ana laainei, lelo laa enkarna ai eipotieki, neomon ninche neing'oru enkomom ai, neibelekenya aaing'uaa inkoitoi enye torrok, naa kaning nanu atii keper, napaliki eng'oki enye naishiunye enkop enye.

¹⁵Ore taa ina kata, nebolo inkonyek aainei neinining inkiyiaa aainei enkomono naomoni tene wueji.

¹⁶Amu ore taata ategelua nanu, naitisinya ena aji pee etum enkarna ai atobiko tene intarasi; ore inkonyek aainei o ltau lai neaku ine etii inkatitin pooki.

¹⁷Naa ore tialo iyie, tenilo te dukuya nanu, anaa apa Daudi papaai lino, nias te risioroto e nena pooki naaitanapa nanu, nimbung inkikoot aainei, o nkiguanat aainei,

¹⁸naitasheyie nanu olorika lino le nkitoo; anaa apa anatoning'ore Daudi papaai lino, ajoki, ‘Melai aekata te iyie oltung'ani oitoreisho te Israel.’

¹⁹“Kake tenimbelekenya iyie, ninturraa inkikoot aainei o nkitanapat aainei natipika nanu dukuya iyie; nilo aisiaai kulie aitin, niserem ninche,

²⁰naadotu nanu teinakop apa naaishoo; ore ena aji naitisinya nanu te nkaraki enkarna ai, naiturraa aiwuang'ie too nkonyek aainei, naitaa nanu endung'et e rashe, o rorei ooimakini tiatua iloreren.

²¹Naa ore tiatua ena aji, naailepieki oleng, ore pooki ng'ae ogiroo neing'asia, nejo, ‘Kainyoo pee etaasa Olaitoriani ena tena kop o tena aji?’

²²Naa kepuo ninche aajo ‘Te nkaraki natanyaita ninche Olaitoriani Enkai oo loo menye, apa nayawua ninche aitupuku te nkop e Misiri, neigarakino ninche kulie aitin, neserem ninche, neisiaai ninche; ore te nkaraki ina eyaua Enkai ena torroni pooki shumata ninche.’ ”