Read MAASAI REVISED PROTESTANT Esra 10 Bible Online

Esra 10 - MAASAI REVISED PROTESTANT bible

Esra 10

¹Ore eomonito Esra neirridu, neishir, nenang'ie kewan enkop te dukuya enkaji e Nkai, neiturrurrokino ninye eumata sapuk oo lewa o nkituaak o nkera, eing'uaa Israel, amu eishira lelo tung'ana te mion.

²Ore Shekania olayioni le Yehiel, loo layiok le Elam, neirorie Esra: ajoki, “Kinturraitie iyiook enkirukoto te Nkai nikiyama nkituaak oo loreren oo ltung'ana lena kop, kake ore ake o taata eetae osiligi too Siraeli hoo netii ena.

³Ore te nkaraki ina, maitobira iyiook olning'o lo sotua o Enkai ang, aaiwuang'ie kuna kituaak pooki o nkera enye, te risioroto e nkikoo o lkitok lai o ene lelo ooikirikira te nkaraki enkitanapata e Nkai ang: naa nchoo easi ina te risioroto e nkitanapata.

⁴Tudumunye amu esiaai ino ina, nikitii iyiook tenebo iyie. Ntagoluoyu nias ina.”

⁵Nedumunye Esra neinosie olmumai ilapolosak kituaak o Lawi o Siraeli pooki, pee eas anaa enatejoki. Nenya ninche olmumai.

⁶Neitoki Esra alo te nkaji e Nkai nelo olgilata le Yehobadan olayioni le Eliaship, naa ine eshomo airrag. Neitu enya endaa anaa eok enkare; amu eishiraka apa ninye lelo ooshomo eyararoto lemeisiligayu.

⁷Neitayuni enkitanapata tiatua Yuda pooki o Yerusalem te nkaraki lelo yararot pooki ootorrinyunye, pee epuo ninche aaiturrurro te Yerusalem.

⁸Naa teneitu elotu oltung'ani ake ninye obo too nkolong'i uni, te nkitanapata oo lkituaak o lpayiani, ore imasaa enyena pooki, neyai, ore ninye makewan, neiwuang'ieki te umata o yararot ootorrinyunye.

⁹Ore iltung'ana pooki le Yuda o Benchamen, neiturrurro te Yerusalem too nkolong'i uni, naa olapa lioudo apa ilo e nkolong e tikitam o lapa. Netoni iltung'ana pooki to lkurroto otumoreki te dukuya enkaji e Nkai, eikirikira te nkaraki ena bae o te nkaraki enchan sapuk.

¹⁰Neitashe Esra ilo apolosani nejoki ninche, “Itigila intae inkitanapat niyama nkituaak oo loreren, nitoponaitie enkitarrurroto te Israel.

¹¹Ore naa taata entobira enkirridunoto to Laitoriani Enkai oo loo papaai linyi, niasiasa eyieunoto enye. Entegelari maate entung'uai iltung'ana lena kop, ning'uaa inkituaak enye.”

¹²Newal eumata pooki to ltoilo sapuk aajo, “Neijia etiu, meeta nchere keitu iyiook kiaas anaa enitejo.

¹³Kake aikumok iltung'ana, naa erishata e nchan sapuk, mikindim iyiook aaitasho tena kisiashata. Ore sii ena siaai, neme ene nkolong nabo anaa nkolong'i are, amu kintarruoitie iyiook oleng tena bae.

¹⁴Nchoo ilkituaak lang eitashe te rishata e umata pooki, naa nchoo pooki tiatua nkanas ang apa oowaita inkituaak oo loreren epuonu too rishat naategeluaki, ore ilpayiani o larishak te pooki anasa neaku tenebo ninche, ometaba anaa neibelekenya engoro napi e Nkai ang aing'uaa iyiook.”

¹⁵Yonatan ake olayioni le Asahel o Yohaseia olayioni le Tikfa otanya ena, ore Meshulam o Shebetai, ilo le Lawi, neibung'are ninche.

¹⁶Neas lelo yarunot apa ootorrinyunye ina. Negelu Esra olapolosani iltung'ana, ilukuny oo nkajijik oo loo menye, te risioroto oo nkajijik oo loo menye, ore ake pooki ng'ae te ninche neigeri enkarna enye. Ore te nkolong e dukuya o lapa le tomon netoni ninche pee ejurru ina bae.

¹⁷Ore te nkolong e dukuya o lapa le dukuya nebau ninche eneiting'ie lelo lewa apa ooyama inkituaak oo loreren.

¹⁸Ore too layiok loo lapolosak apa ooyama inkituaak oo loreren, netumi, Maaseia o Eliesa o Yarib o Gedaia, loo layiok le Yeshua olayioni le Yosadak o lalashera lenyena.

¹⁹Etonyorraitie ninche maate pee eiwuang'ie nena kituaak enye oo loreren, ore apa olasar lenye le nkitarruorroto naa olmeregesh le luaata oo ntare te nkaraki enkitarrurroto enye.

²⁰Ore too layiok le Imer netumi Hanani o Sebadia.

²¹Ore too layiok le Harim, netumi Maaseia o Eliya o Shemaia o Yehiel o Usia.

²²Ore too layiok le Pashur: netumi Elioenai o Maaseia o Ishmael o Natanael o Yosabad o Elasa.

²³Ore too Lawi: netumi Yosabad o Shimei o Kelaia, (aa taa Kelita) o Petahia o Yuda o Eliesa.

²⁴Ore too laranyak, netumi: Eliashib. Ore too larripok loo nchomito netumi: Shalum, o Telem o Uri.

²⁵Ore te Israel: too layiok le Parosh netumi: Ramia o Isia o Malkija, o Mijamin o Eleasa o Hashabia o Benaia.

²⁶Ore too layiok le Elam netumi: Matania o Sekaria o Yehiel o Abdi o Yeremot o Eliya.

²⁷Ore too layiok le Satu netumi: Elioenai o Eliashib o Matania o Yeremot o Sabad o Asisa.

²⁸Ore too layiok le Bebai naa Yehohanan o Hanania o Sabai o Atalia.

²⁹Ore too layiok le Bani naa Meshulam o Maluk o Adaia o Yashub, o Sheal o Yeremot.

³⁰Ore too layiok le Pahat Moab: netumi Adna o Chelai, o Benania o Maaseia o Matania o Besalel o Binui o Manase.

³¹Ore too layiok le Harim: naa Eliesa o Ishija o Malkija o Shemaia o Shimeon

³²o Benchamen o Maluk o Shemaia.

³³Ore too layiok le Hashum: naa Matenai o Matata o Sabad o Elifelet o Yeremai, o Manase o Shimei.

³⁴Ore too layiok le Bani: naa Maadai o Amram o Uel,

³⁵O Benania o Bedeia o Cheluki,

³⁶o Fenia o Meremot o Eliashib,

³⁷o Matania o Matenai o Yaasil.

³⁸Ore too layiok le Binui: naa Shimei,

³⁹o Shelania o Natan o Adaia,

⁴⁰o Maknadebai o Sheshai o Sherai

⁴¹o Asarel o Shelemia o Shemaia,

⁴²o Shalum o Amaria o Yosef.

⁴³Ore too layiok le Nebor: naa Yeil o Matitia o Sabad o Sebina o Yadai o Yoel o Benaia.

⁴⁴Eyama apa kulo pooki inkituaak oo loreren, neiwuang'ie ninche tenebo nkera enye.