Read MAASAI REVISED PROTESTANT Esra 2 Bible Online

Esra 2 - MAASAI REVISED PROTESTANT bible

Esra 2

¹Kulo apa lelo tung'ana leilo kerenket ooetuo te yararoto eing'uaa lelo apa ootarayie Nebukadnesa olaiguanani le Babilon aya eenata te Babilon. Etorrinyunye ninche aapuonu Yerusalem o Yuda nelo ake pooki tung'ani enkang enye makewan.

²Eetuo apa ninche tenebo Serubabel, o Yeshua, o Nehemia, o Seraia, o Reelaia, o Mordekai, o Balshan, o Mispar, o Bigfai, o Rehum, o Baana. Ena esiana oo ltung'ana loo Siraeli;

³ore ilayiok le Parosh era esiana enye nkalifuni are o iip nabo o ntomoni naapishana oaare.

⁴Ore ilayiok le Shefatia, nera esiana enye, iip uni o ntomoni naapishana oaare.

⁵Ore ilayiok le Ara, nera esiana enye iip naapishana o ntomoni naapishana o imiet.

⁶Ore ilayiok le Pahat Moab, aa taa ilayiok le Yeshua o Yoab, naa inkalifuni are o iip isiet o tomon oaare.

⁷Ore ilayiok le Elam naa enkalifu nabo o iip are o onom o ong'uan.

⁸Ore ilayiok le Satu naa iip naaudo o artam o imiet.

⁹Ore ilayiok le Sakai, naa iip naapishana o ntomoni ile.

¹⁰Ore ilayiok le Bani naa iip ile o artam o are.

¹¹Ore ilayiok le Bebai, naa iip ile o tikitam o okuni.

¹²Ore ilayiok le Asgad naa enkalifu nabo o iip are o tikitam oaare.

¹³Ore ilayiok le Adonikam naa iip ile o ntomoni ile o ile.

¹⁴Ore ilayiok le Bigfai naa nkalifuni are o onom o ile.

¹⁵Ore ilayiok le Adin, naa iip ong'uan o onom o ong'uan.

¹⁶Ore ilayiok le Ater, aa taa ile Hesekia, naa ntomoni naaudo o isiet.

¹⁷Ore ilayiok le Besai naa iip uni o tikitam o okuni.

¹⁸Ore ilayiok le Yora naa, iip nabo o tomon oaare.

¹⁹Ore ilayiok le Hashum naa, iip are o tikitam o okuni.

²⁰Ore ilayiok le Gibar, naa ntomoni naaudo o imiet.

²¹Ore ilayiok le Betlehem naa iip nabo o tikitam o okuni.

²²Ore iltung'ana le Netofia naa onom o ile.

²³Ore iltung'ana le Anatot naa iip nabo o tikitam o isiet.

²⁴Ore ilayiok le Asmafet naa artam oaare.

²⁵Ore ilayiok le Kiriataim, Kefira o Beerot naa iip naapishana o artam o okuni.

²⁶Ore ilayiok le Rama o Geba, naa iip ile o tikitam oobo.

²⁷Ore iltung'ana le Mikmas, naa iip nabo o tikitam oaare.

²⁸Ore iltung'ana le Betel o Ai naa iip are o tikitam o okuni.

²⁹Ore ilayiok le Nebo, naa onom o are.

³⁰Ore ilayiok le Makbish naa iip nabo o onom o ile.

³¹Ore ilayiok le likae le Elam naa enkalifu nabo o iip are o onom o ong'uan.

³²Ore ilayiok le Harim, naa iip uni o tikitam.

³³Ore ilayiok le Lod, o Hadid, o Ono, naa iip naapishana o tikitam o imiet.

³⁴Ore ilayiok le Yeriko, naa iip uni o artam o imiet.

³⁵Ore ilayiok le Seena naa inkalifuni uni o iip ile o tomoni uni.

³⁶Ore ilapolosak lelo ayiok le Yedaia, le nkaji e Yeshua naa iip naaudo o ntomoni naapishana o okuni.

³⁷Ore ilayiok le Imer naa, enkalifu nabo o onom oaare.

³⁸Ore ilayiok le Pashur, naa enkalifu nabo o iip are o artam oopishana.

³⁹Ore ilayiok le Harim, naa enkalifu nabo o tomon oopishana.

⁴⁰Ore Ilawi, lelo ayiok le Yeshua o Kadmiel, loo layiok le Hadafia, naa ntomoni naapishana o ong'uan.

⁴¹Ore ilaranyak: lelo ayiok le Asaf, naa iip nabo o tikitam o isiet.

⁴²Ore lelo ayiok loo larripok loo nchomito; ilayiok le Shalum, o layiok le Ater, o layiok le Talmon o layiok le Akub, o layiok le Hatita, o layiok le Shobai, ore pooki tenebo, naa iip nabo o tomoni uni o oudo.

⁴³Ore ilaisiaayiak le nkaji e Nkai, naa lelo aisiaayiak o layiok le Siha o layiok le Hafusa o layiok le Taabaot,

⁴⁴o layiok le Keros o layiok le Siaha, o layiok le Padon

⁴⁵o layiok le Lebana o layiok le Habaga o layiok le Akub

⁴⁶o layiok le Hagab o layiok le Shamlai o layiok le Hanan

⁴⁷o layiok le Gidel o layiok le Gahar o layiok le Reaia

⁴⁸o layiok le Resin o layiok le Nekoda o layiok le Gasam

⁴⁹o layiok le Usa o layiok le Pasea o layiok le Besai

⁵⁰o layiok le Asna o layiok le Meumin o layiok le Nefisim

⁵¹o layiok le Bakuk o layiok le Hakufa o layiok le Hahur

⁵²o layiok le Baslut o layiok le Mehida, o layiok le Harsha,

⁵³o layiok le Barkos o layiok le Sisera o layiok le Tema

⁵⁴o layiok le Nesia o layiok le Hatifa.

⁵⁵Ore too layiok loo sinkan le Solomon; naa ilayiok le Sotai o layiok le Hosoferet o layiok le Peruda

⁵⁶o layiok le Yaala o layiok le Darkon o layiok le Gidel

⁵⁷o layiok le Shefatia, o layiok le Hatil o layiok le Pokeret Hasebaim, tenebo ilayiok le Ami.

⁵⁸Ore ilaisiaayiak pooki le nkaji e Nkai o layiok loo sinkan le Solomon naa iip uni o ntomoni naaudo oaare.

⁵⁹Kulo apa lelo ooetuo eing'uaa Telmela o Telhasha o Kerub o Adan o Imer, hoo neitu apa ninche eidim aaibalie nkajijik oo loomenye anaa enetii ntipati enye, tenaa keitipat ninche Israel:

⁶⁰lelo ayiok le Delaia, o layiok le Tobia o layiok le Nekoda, nera pooki iip ile o onom oaare.

⁶¹Ore sii too layiok loo lapolosak, lelo ayiok le Barsilai, laa ninye apa oyama nabo oo ntoyie e Barsilai le Gilead, laa ninye apa eipotieki enkarna enye.

⁶²Eing'orutua kulo enkigeroto enye tiatua lelo ooigeroki too iishoritin, kake eitu etumi ninche teine, neaku eiwuang'ieki ninche te mpolosare aajo mesinya;

⁶³etiaaka ninche olgafanai nchere pee menya ina daa sinyati oleng, meteleku ake tenaa ketii olapolosani oikilikuanishore Urim o Tumim.

⁶⁴Ore apa ina umata pooki tenebo naa nkalifuni artam o are o iip uni o ntomoni ile,

⁶⁵metii isinkan lenye o nkaisiaayiak enye, laa ore tenebo ninche naa, nkalifuni naapishana o iip uni o tomoni uni oopishana, neeta apa ninche ilaranyak loo lewa o nkituak iip are.

⁶⁶Ore mbartan enye naa iip naapishana o tomoni uni o ile, ore inyumpui enye naa iip are o artam o imiet,

⁶⁷ore ntamesin enye naa iip ong'uan o tomoni uni o imiet, ore isirkon lenye naa nkalifuni ile o iip naapishana o tikitam.

⁶⁸Ore erubata oo lukuny oo lmareita, ina kata pee epuonu enkaji o Laitoriani te Yerusalem, neishoru nkishoorot olpela te nkaraki enkaji e Nkai, pee esheti ninye te wueji enye;

⁶⁹te risioroto e nkidimata enye eishorutua ninche aapik olchumati le siaai nkiloi iip imiet e saabu o nkiloi nkalifuni are o ntomoni isiet e nkosholai, o lkilani iip nabo loo lapolosak.

⁷⁰Re ilapolosak o Lawi o embata oo ltung'ana nemany Yerusalem, o neemanita ninye, ore ilaranyak, o larripok loo nchomito, o laisiaayiak le nkaji e Nkai nebik too nkang'itie enye, ore Isiraeli pooki nebik too nkang'itie enye.