Read MAASAI REVISED PROTESTANT Nehemia 10 Bible Online

Nehemia 10 - MAASAI REVISED PROTESTANT bible

Nehemia 10

¹Ore apa lelo ootipika olmishire lenye naa Nehemia ilo gafanai, olayioni le Hekalia o Sedekia,

²o Seraia o Asaria o Yeremia,

³o Pashur o Amaria o Malkija,

⁴o Hatush o Shebania o Maluk,

⁵o Harim o Meremot o Obadia,

⁶o Daniel o Gineton o Baruk,

⁷o Meshulam o Abijia o Mijomin,

⁸o Maasia o Bilgai o Shemaia. Kulo apa ninche ilapolosak.

⁹Ore Ilawi naa: Yeshua olayioni le Asania o Binui loo layiok le Henadad o Kadimiel,

¹⁰o lalashera lenye o Shebania o Hodia o Kelita o Pelaia o Hanan,

¹¹o Mika o Rehob o Hashabia,

¹²o Sakur o Sherebia o Shebania,

¹³o Hodia o Bani o Bininu.

¹⁴Ore ilaiguanak loo iltung'ana naa Parosh o Pahat Moab, o Elam o Satu o Bani,

¹⁵o Buni o Asgad o Bebai,

¹⁶o Adonija o Bigfai o Adin,

¹⁷o Ater o Hesekia o Asur,

¹⁸o Hodia o Hashum o Besai,

¹⁹o Harif o Anatot o Nebai,

²⁰o Magpiash o Meshulam o Hesir,

²¹o Meshesapel o Sadok o Yadua

²²o Pelatia o Hanan o Hanaia o

²³Hoshea o Hanania, o Hashub,

²⁴o Halohesh o Pilha o Shobek,

²⁵o Rehum o Hashabana o Maaseia,

²⁶o Ahia o Hanan o Anan,

²⁷o Maluk o Harim o Baana.

²⁸Ore ilkulikae tung'ana, ilapolosak o Lawi o larripok le kishomi o laranyak o laisiaayiak le nkaji e Nkai o lelo pooki ootekeputua ate aalam iloreren le nena kuapi, aaibelekenyakino nkitanapat e Nkai, tenebo inkituaak enye o layiok lenye o ntoyie enye, lelo pooki oata eng'eno o eyiolounoto,

²⁹neibung'are ilalashera lenye o lkituaak lenye, nejing ninche oldeket o lmumai pee eibung inkitanapat e Nkai apa naaishoruaki aaimunye Musa osinka le Nkai pee esipu neas inkitanapat pooki o Laitoriani, Olaitoriani lang o nkikoot enyena o nkiguanat enyena.

³⁰Mikincho iyiook intoyie ang meyama kulikae oreren, nimikiyamaki iyiook ilayiok lang ninche:

³¹naa teneyau iltung'ana lena kop ntokitin naamiri o entapa e pooki pukunoto te nkolong e Sabato pee emir, nimikinyiang'u iyiook te ninche, te nkolong e Sabato anaa te nkolong sinyati; nimikitur iyiook nkurman to lari liopishana, nikipalaa pooki sile.

³²Kinteleikitia sii ate olola pee kintalak ate te pooki ari erubata e uni e shekeli te nkaraki enkisiaayiare e nkaji e Nkai

³³te nkaraki emukate nasinya o lasar le ntapa le anaake o lasar opejori le anaake o Sabatoni o lapaitin ng'ejuko o siruai gelunot o ntokitin sinyat o lasarri le ng'oki ooitobirieki olning'o lo sotua te nkaraki Israel o te nkaraki esiaai pooki e Nkai ang.

³⁴Kitoosho sii enkukuo, ilapolosak o Lawi o ltung'ana, te nkaraki nkiri olasar loo lkeek, pee eyauni atua enkaji e Nkai ang, te risioroto oo nkajijik oo loo papa, too nkatitin naategeluaki, te pooki ari. Pee einoki te nchumata o lperere lo lasar lo Laitoriani Enkai ang anaa enaigero too nkitanapat.

³⁵Kitudung'okitio iyiook ate, pee kiyau ilng'anayio le dukuya te nkop ang o lng'anayio le dukuya le pooki shani, te pooki ake ari, enkaji o Laitoriani.

³⁶Nikiyau sii atua enkaji e Nkai ang, aayaki lelo apolosak ooisiaaisho tiatua enkaji e Nkai ang, ilkikaunot lang o lkikaunot loo nkishu ang, anaa enaigero too nkitanapat o lkikaunot loo nkishu ang o loo ntare ang.

³⁷Nikiyaki sii ilapolosak ina tapa ang e dukuya e nkikesare o nkishoorot ang, o lng'anayio le pooki shani o enaisho oo sabibu o eilata nikiya ilgilat le nkaji e Nkai ang, nikiyaki Ilawi ematua e tomon naing'uaa nkurman ang, amu Ilawi oosotu imatuan e tomon, too nkang'itie ang pooki.

³⁸Ore olapolosani olayioni le Aron, naa keetii tenebo Ilawi ina kata nang'amu imatuan e tomon neyau Ilawi ematua e tomon oo matuan e tomon e nkaji e Nkai ang nepik ilgilat o mpechen.

³⁹Amu keyau iltung'ana le Israel o layiok le Lawi nkishoorot e ntapa o enaisho oo sabibu o eilata atua lelo gilat, ine netii imasaa e wueji sinyati, o lapolosak ooisiaaisho o larripok le kishomi o laranyak. Mikipalaa iyiook enkaji e Nkai ang.