Read MAASAI REVISED PROTESTANT Nehemia 11 Bible Online

Nehemia 11 - MAASAI REVISED PROTESTANT bible

Nehemia 11

¹Ore apa ilarikok loo ltung'ana netoni te Yerusalem; ore ilkulikae tung'ana, neosh enkukuo, pee eyau oltung'ani obo te tomon meeu amany Yerusalem ina anasa sinyati, nebik lelo ooudo te kulie ang'itie.

²Nemayian apa iltung'ana lelo pooki ootonyorraitie aatoni te Yerusalem.

³Kulo apa ilkituaak loo lkerenketi ootamanya Yerusalem; kake ore too nkang'itie e Yuda, etii ake pooki ng'ae enkang enye neton tiatua imasaa enyena: ile Israel o lapolosak o Lawi o laisiaayiak le nkaji e Nkai o le ishoi o laisiaayiak le Solomon.

⁴Netii apa Yerusalem embata oo layiok le Yuda o layiok le Benchamen. Ore too layiok le Yuda naa Ataia olayioni le Usia, olayioni le Sekaria, olayioni le Amaria, olayioni le Shefatia, olayioni le Mahalalel, loo layiok le Peres:

⁵o Maaseia olayioni le Baruk olayioni le Kolhose olayioni le Hasaia, olayioni le Aidaya, olayioni le Yairib, olayioni le Sakaria, olayioni le Shilonit.

⁶Ore ilayiok pooki le Peres apa oomanya Yerusalem naa iip ong'uan o ntomoni ile o isiet, iltung'ana yiolot oopi.

⁷Naa kulo ilayiok le Benchamen: Salu olayioni le Meshulam, olayioni le Yoed, olayioni le Pedaia, olayioni le Kolaia, olayioni le Maaseia, olayioni le Itiel, olayioni le Yeshai.

⁸Nesujaki ninye Gebai o Saalai, iltung'ana iip naaudo o tikitam o isiet.

⁹Yoel olayioni le Sikri apa olaitasheikinoni lenye, naa Yuda olayioni le Hasenua oliare te nkitoria ena anasa.

¹⁰Ore too lapolosak naa: Yedaia olayioni le Yairib o Yakin,

¹¹o Seraia olayioni le Hilkia, olayioni le Meshulam, olayioni le Sadok, olayioni le Merairiot, olayioni le Ahitab, olaitasheikinoni le nkaji e Nkai.

¹²Ore ilalashera lenye oaas esiaai eina aji naa, iip isiet o tikitam o are; ore Adai olayioni le Yeroham, olayioni le Pelalia, olayioni le Amsi, olayioni le Sekaria, olayioni le Pashur, olayioni le Malkija,

¹³o lalashera lenyena, nena lukuny oo nkajijik oo loo menye naa iip are o artam o are; o Amashai, olayioni le Asarel, olayioni le Asai, olayioni le Meshilemot, olayioni le Imer,

¹⁴o lalashera lenye, lelo tung'ana magil yiolot, iip o tikitam o isiet; ore olaitasheikinoni lenye naa Sibdiel olayioni le Hagedolin.

¹⁵Ore too Lawi: naa Shemaia olayioni le Hashub, olayioni le Asrikam, olayioni le Hashabia, olayioni le Buni;

¹⁶o Shabetai o Yosabad, loo lkituaak loo lawi laa ninche apa ooitasheiki esiaai e oriong e nkaji e Nkai;

¹⁷o Matania olayioni le Mika olayioni le Sabdi, olayioni le Asaf, laa ninye oiterua enkishooroto e nashe te nkomono o Bakukia laa ninye oliare too lalashera lenyena; o Abda olayioni le Shamaua, olayioni le Falal, olayioni le Yedutum.

¹⁸Ore Ilawi pooki teina anasa sinyati naa iip are o ntomoni isiet o ong'uan.

¹⁹Ore ilarripok le kishomi naa: Akub o Talmon o lalashera lenye, laa ninche apa oorrip nchomito, naa iip nabo o ntomoni napishana o are.

²⁰Ore ilkulikae Siraeli o lapolosak o Lawi netii nkang'itie e Yuda, etii ake oltung'ani enjung'ore enye.

²¹Kake ore ilaisiaayiak le Nkaji e Nkai nemanya Ofel; naa Siha o Gispa apa ooitasheiki ilaisiaayiak le nkaji e Nkai.

²²Ore apa olaitasheikinoni loo Lawi te Yerusalem naa Usi olayioni le Bani, Olayioni le Hashabia, olayioni le Matania, olayioni le Mika loo layiok le Asaf, lelo aranyak, ooitasheiki esiaai e nkaji e Nkai.

²³Amu etii apa enkitanapata naing'uaa olaiguanani naipirta ninche o enkitobirata oo laranyak anaa enaiyieuni te pooki olong.

²⁴Naa Petahia olayioni le Meshesabel, loo layiok le Sera olayioni le Yuda, ninye apa olaretoni lo laiguanani too mbaa pooki naaipirta iltung'ana.

²⁵Ore tialo nkang'itie, etamanya apa embata oo ltung'ana le Yuda Kiriat-arba o nkang'itie enyena o Dibon o nkang'itie enyena o Yekabseel o nkang'itie enyena o

²⁶Yeshua o Molada o Betber Betpeler o

²⁷Harshulal o Beer-sheba o nkang'itie enyena

²⁸o Siklag o Mekona o nkang'itie enyena,

²⁹o Enrimon o Sora o Yemut,

³⁰o Sanoa o Adulam nkang'itie enyena, o Lakish o nkong'at enyena, a Aseka o nkong'at enyena. Neaku etipika apa ninche ilng'oborri ebaiki Beer-sheba o metabaiki oerata le Hinom.

³¹Ore sii ninche iltung'ana le Benchamen nemany ebaiki Geba neito idia alo, te mbata e Mikmash o Aija o Betel o nkang'itie enyena,

³²o Anotot o Noab o Anania, o

³³Hasor o Rama o Gitaim,

³⁴o Hadid o Seboim o Nebalot,

³⁵o Lod o Ono ilo erata loo laguatak.

³⁶Ore ilkulikae turrurri loo Lawi te Yuda neshulare Benchamen.