Read MAASAI REVISED PROTESTANT Nehemia 12 Bible Online

Nehemia 12 - MAASAI REVISED PROTESTANT bible

Nehemia 12

¹Kulo ninche ilapolosak o Lawi apa ooetuo tenebo Serubabel olayioni le Shealtiel o Yeshua: o Seraia o Yeremia o Esra,

²o Amaria o Maluk o Hatush,

³o Shekemia o Rehum o Meremot,

⁴o Ido o Ginetoi o Abija,

⁵o Mijamin o Maadia o Bilga,

⁶o Shemia o Yoiarib o Yedaia,

⁷o Sulu o Amok o Hilkia o Yedaia. Kulo ninche apa ilkituaak loo lapolosak o lalashera lenye too nkolong'i e Yeshua.

⁸Ore too Lawi; naa Yeshua o Binui o Kadmiel o Sherebia o Yuda o Matania, laa ore tenebo ilalashera lenyena, naa ninye oitasheiki isinkolioitin le nkishooroto e nashe.

⁹O Bakbukia o Uno, neitashe ilalashera lenye aaipirakinore ninche te nkisiaayiare.

¹⁰Naa Yeshua apa menye le Yoiakim, naa Yoiakim menye le Eliashib naa Elishiab menye le Yoiada,

¹¹naa Yoiada menye le Yonatan, naa Yonatan menye le Yadua.

¹²Ore apa too nkolong'i e Yoiakim, netii ilapolosak oora lukuny oo nkajijik oo loo menye: te Seraia o te Meraia o te Yeremia o te Hanania.

¹³Ore te Esra naa Meshulam; ore te Amaria naa Yehohanan;

¹⁴ore te Maluki naa Yonatan; ore te Shebania naa Yosef:

¹⁵ore te Harm naa Adna; ore te Merariot naa Helkai;

¹⁶ore te Ido naa Sekaria; ore te Gineton naa Meshulam;

¹⁷ore te Abija naa Sikri; ore te Miniamin o te Moadia naa Piltai;

¹⁸ore te Bilga, naa Shamua; ore te Shemaia naa Yehonatan,

¹⁹ore Yoiarib naa Matenai; ore te Yedaia naa Usi,

²⁰ore te Salai naa Kalai; ore te Amok naa Eber,

²¹ore te Hilkia naa Hashabia; ore te Yedaia, naa Natanel.

²²Ore too Lawi, apa too nkolong'i e Eliashib, o Yoiada o Yohanan o Yadua, kulo apa eigeroki metaa ilukuny oo nkajijik oo loo menye; naa ilapolosak sii o metabaiki enkitoria e Dario le Pasia.

²³Ore ilayiok le Lawi, ilukuny oo nkajijik oo loo menye, neigeroki te mbuku oo ntepen, o metabaiki nkolong'i e Yohanan olayioni le Eliashib.

²⁴Ore ilkituaak loo Lawi naa: Hashabia o Sherabia o Yeshua olayioni le Kadmiel tenebo ilalashera lenye ooipirakinore ninche, pee eisis Enkai neishooyo enashe te risioroto e nkitanapata e Daudi ilo tung'ani le Nkai pee easi aairukokino.

²⁵Matania apa o Bakbukia o Obadia o Meshulam o Talmon o Akub ninche ilarripok le kishomi ooitashe aarrip nkajijik naashumishoreki o nchomito.

²⁶Ore apa kuna baa naa too nkolong'i e Yoaikim olayioni le Yeshua olayioni le Yosadak, o too nkolong'i e Nehemia ilo balusui o Esra ilo apolosani naa olasirani.

²⁷Ore teina kitarasaroto e suntai e Yerusalem, neyauni Ilawi too wuejitin pooki meetu Yerusalem aaraposhoki ina kitisinyata te nchipai o te nkishooroto e nashe o te ranyata e oshoto oo nkinantani o enkawuo oo sinkolioitin o lwululi loo usin.

²⁸Ore nkera e lelo aranyak, neiturrurro too manyishoritin enye naamanita Yerusalem o too nkang'itie e Netofati;

²⁹neiturrurro sii te Bet-gilgal o te nkop e Geba o Asmafet; amu eteshetakita apa ate ilaranyak inkang'itie aaitaman Yerusalem.

³⁰Ore ilapolosak o Lawi neitisiny ate; neitisiny olorere o nchomito o esuntai.

³¹Naitoki nanu aiturrurru ilkituaak le Yuda te nchumata eina suntai, nagelu ilturrurri oaare sapuki ooishooyo enashe nepuo ninche too lkererin. Nelo olturrur obo enkalo e tatene teina suntai ometabaiki kishomi e modioi.

³²Nesuju ninche Hoshaia o lpisiaai le lelo kituaak le Yuda,

³³o Asaria o Esra, o Meshulam,

³⁴o Yuda o Benchamen o Shemaia, o Yeremia,

³⁵o kulikae ayiok loo lapolosak ooata intarumpetani: Sekaria olayioni le Yonatan, olayioni le Shemaia, olayioni le Matamia, olayioni le Mikaia, olayioni le Sakur, olayioni le Asaf;

³⁶o ltung'ana lenye, Shemaia o Asarel o Milalai o Gilalai o Maai o Natanel o Yuda o Hanani, eeta nkinantani oo sinkolioitin e Daudi ilo tung'ani le Nkai. Ore Esra ilo aigeroni nelo te dukuya ninche.

³⁷Ore te kishomi e nchorro, neitoriori ninche aapuo te dukuya ninche aaim nkedeta e nkanasa e Daudi, te wueji neilepakinyeki esuntai, te shumata enkaji e Daudi; aapuo kishomi e Nkare te nkalo o loosaen.

³⁸Ore olikae turrur le lelo ooishooyo enashe, nepuo enkalo e kedianye, nasujaa nanu ninche tenebo olpisiaai le lelo tung'ana ootii enchumata e suntai, te nchumata o ltalet le wueji nepejishoreki o metabaiki esuntai nalala,

³⁹o metabaiki kishomi e Efraim o embata e kishomi musana o embata e kishomi o sinkirri o ltalet le Hananel o ltalet le iip o metabaiki kishomi oo nkerra. Nepuonu ninche aaitashe te kishomi oo larripok.

⁴⁰Metaa ore lelo turrurri pokira oaare le lelo ooishooyo enashe neitashe tiatua enkaji e Nkai. Ore nanu o lpisiaai loo nkituaak tenebo nanu;

⁴¹o lapolosak, Eliakim o Maaseia o Miniamin o Makaia o Elioenai o Sekaria o Hanania, eeta ntarumpetani;

⁴²o Maaseia o Shemaia o Eleasa o Empito o Yehoahanan o Malkija o Elam o Eser. Neranyisho ilaranyak erikoo Yesrahia.

⁴³Neitayu ninche ilasarri sapuki ina olong, neshipayu amu Enkai naitishipa ninche te ng'ida sapuk; neshipa sii nkituaak o nkera. Nening'ori enchipai e Yerusalem tenelakua oleng.

⁴⁴Ore apa teina olong negeluni iltung'ana ooitasheiki ilgilat ooshumishoreki, oopiki nkishorunot, o lelo ng'anayio le dukuya o matuan e tomon, pee eiturrurri tiatua nena ajijik nena rubat pooki naaishiaakino too nkitanapat te nkaraki ilapolosak o Lawi, te risioroto oo nkurman e nena ang'itie; amu etishipe apa Yuda te nkaraki lelo apolosak o Lawi oisiaaishote.

⁴⁵Etaasa apa ninche esiaai e Nkai enye o esiaai e nkitisinyata anaa enataasa ilaranyak o larripok le kishomi, te risioroto e nkitanapata e Daudi o layioni lenye Solomon.

⁴⁶Amu ore apa too nkolong'i e Daudi o Asaf, tiapa, neetae olkitok loo laranyak, neetae isinkolioitin le nkisisa o enkishooroto e nashe te Nkai.

⁴⁷Ore Israel pooki too nkolong'i e Serubabel o too nkolong'i e Nehemia, neisho erubata e anaake lelo aranyak o larripok le kishomi; neiteng'el ninche ina rubata oo Lawi; neiteng'el ile Lawi ina rubata oo layiok le Aron.