Read MAASAI REVISED PROTESTANT Nehemia 13 Bible Online

Nehemia 13 - MAASAI REVISED PROTESTANT bible

Nehemia 13

¹Ore apa teina olong neisum ninche nkitanapat e Musa aaitoning olorere; netumi eigero teina buku nchere meetae Olamori aashu Olmoabui ojing aekata eumata e Nkai;

²amu eitu apa ninche enang'are inkera e Israel aaisho endaa o enkare, kake eishoo ninche Balaam mpisai metigilunore ninche nedek ninche, ore ake eyia eibelekenya Enkai oldeket aitaa emayianata.

³Ore ake pee ening iltung'ana ina kitanapata, nekepaa ninche aaitung'uaa Israel lelo pooki loo loreren.

⁴Ore apa eng'or ena, ore Eliashib olapolosani laa ninye etegeluaki meitasheiki ilgilat le nkaji e Nkai ang, laa ninye sii apa oyiolore Tobia,

⁵neitobiraki ninye Tobia olgilata olala teine apa netang'asa ninche aapik nkishoorot e ntapa, o ina orropil o masaa o matuan e tomon e ntapa o enaisho oo sabibu o eilata, naa ninche apa eishoruaki te nkitanapata meishori Ilawi, o laranyak o larripok le kishomi, o nkishoorot oo lapolosak.

⁶Ore apa easayu kuna, nematii nanu Yerusalem, amu ore to lari le tomoni uni oaare le nkitoria e Artaserses olaiguanani le Babilon, nashomo nanu enetii olaiguanani. Ore etulusoyie enkiti rishata naomon nanu olaiguanani maaisho mashomo,

⁷nalotu nanu Yerusalem, nairrash nanu ina torroni naitaasa Eliashib Tobia, aitobiraki ninye olgilata too lgorieti le nkaji e Nkai.

⁸Atagore apa nanu oleng nanang'aa imasaa enkaji e Tobia aitupuku boo.

⁹Naitoki nanu aitanapisho neitisinyi ina aji, naitoki nanu arrinyu nena masaa e nkaji e Nkai, tenebo o lasar le ntapa o enkorropil.

¹⁰Atayiolo sii ajo eitu eishori Ilawi irubat enye; metaa ore Ilawi o laranyak apa ooasisho, neisika ake pooki ng'ae alo enkurma enye.

¹¹Neaku aisikong'a nanu lelo kituaak najoki, “Kainyoo pee etung'uayioki enkaji e Nkai?” Naiturrur nanu ninche tenebo napik iwuejitin enye.

¹²Neya Yuda imatuan e tomon e ntapa, o enaisho oo sabibu o eilata aaya nena ajijik naashumishoreki.

¹³Nagelu nanu metaa ilashumak ooitasheiki nena ajijik naashumishoreki, Shelemia ilo apolosani o Sadok olaigeroni o Pedaia loo Lawi, ore olaretoni lenye naa Hanan olayioni le Sakur, olayioni le Matamia, amu ninche apa eisiligaki. Ore apa esiaai enye naa pee eoriki ilalashera lenye ntokitin.

¹⁴Tadamuaki nanu, Enkai ai tialo ena, nimijut iyie aiwuang'ie nena kiasin aainei sidain nataasa nanu te nkaraki enkaji e Nkai ai o te nkaraki enkisiaayiare enye.

¹⁵Ore apa te nena olong'i, atoduaa nanu lelo tung'ana te Yuda eironyu enaisho oo sabibu too nkironyeta te nkolong e Sabato, neyau isotot le ntapa neirotoki ninche isirkon; neyau sii enaisho oo sabibu o lng'anayio loo sabibu o lng'abolo o lolan loo mpukunot pooki ooyautua ninche atua Yerusalem te nkolong e Sabato. Aikoo apa nanu ninche teina olong natimira endaa.

¹⁶Ore sii iltung'ana le Tiro apa ootii ina anasa, neya isinkir o ntokitin oo mpukunot pooki naamiri, nemiraki ninche te nkolong e Sabato iltung'ana le Yuda te Yerusalem.

¹⁷Naisikong nanu lelo kituaak le Yuda najoki ninche, “Kainyoo ena bae torrono niaasitata, aaisarkionie enkolong e Sabato?

¹⁸Ketaasa apa iloo papaai linyi ena, naa keitu eyau Enkai ang ena torroni pooki shumata iyiook o shumata ena anasa? Ore ake eyia, iyauu intae engoro kitok shumata Israel, aaisarkionie Sabato.”

¹⁹Ore ake pee eiteru amisimisu too nchomito e Yerusalem eng'or Sabato, naitanapisho nanu pee eikeni nkutukie oo nkajijik nemeboli ometulusoi Sabato. Napik nanu embata oo sinkan laainei meitasheiki nchomito, pee meetae olola oitijing'uni te nkolong e Sabato.

²⁰Ore lelo ainyiang'ak o lamirak loo mpukunot pooki neirrag auluo Yerusalem enkolong nabo anaa nkolong'i are.

²¹Kake aikoo nanu ninche najoki ninche, “Kainyoo intae pee irragirraga tioriong e suntai? Teningiligili aaiko neijia, naibung nanu intae.” Ore ebaiki ina olong neito idia alo eitu ninche eigil aapuonu te nkolong e Sabato.

²²Naitanap nanu Ilawi pee eitisiny ate nepuonu aarrip nchomito, neitaa enkolong e Sabato Sinyati. Tadamu sii ena te nkaraki nanu, na Ai ai, nikileku nanu te risioroto e nkitoo e nyorrata ino.

²³Ore sii apa te nena olong'i, atoduaa nanu Ilyahudi ooyama nkituaak e Ashdod o Amon o Moab;

²⁴ore olpisiaai loo nkera enye neiro enkutuk e Ashdod, nemeidim ninche aairoro enkutuk e Yuda, kake keidim aairoro nkutukie e lelo tung'ana.

²⁵Nailepilepaki nanu ninche, nadek ninche, naidong kulikae lenye nayiet ilpapit lenye, nainosie ninche olmumai te nkarna e Nkai, ajoki, “Mincho iyie ntoyie inono ilayiok lenye, nimiyaki ilayiok linono ntoyie enye, nimiyamiyama intae maate.

²⁶Keitu apa eas olaiguanani Solomon eng'oki te nkaraki kuna kituaak? Ore tiatua iloshon kumok meetae olaiguanani otiu anaa ninye, naa kirotet te Nkai enye, neitaa Enkai ninye olaiguanani te shumata Israel pooki; ore ake eyia, etorikokitio inkituaak oo loreren ninye metaasa ing'ok.

²⁷Eikining naa iyiook intae nikias ena torroni sapuk aagolong'aki Enkai ang, aayam inkituaak oo loreren?”

²⁸Ore apa obo loo layiok le Yehoiada olayioni le Eliashib, ilo apolosani kitok, naa olaputani le Sanbalat le Bet-horon; ore te nkaraki ina aterewa nanu ninye aitalam kewan.

²⁹Tadamu ninche, Enkai ai, Amu eisarkionie ninche empolosare o lning'o lo sotua le mpolosare oo lawi.

³⁰Naitisiny nanu ninche te pooki toki oo loreren, naitobir mbaa naaipirta, isiaaitin oo lapolosak o Lawi, oltung'ani ake te siaai enye;

³¹naishoru nanu ilkeek oopejorieki olasar, too rishat enye naageluno o too rishat oo lng'anayio le dukuya. Tadamuaki nanu Enkai ai, te mbae supat.