Read MAASAI REVISED PROTESTANT Esta 3 Bible Online

Esta 3 - MAASAI REVISED PROTESTANT bible

Esta 3

¹Ore te siadi kuna baa, neilepie olaiguanani Ore ake pee eyae Esta enetii olaiguanani Serser Haman[4] le Agag, olayioni le Hamedata, neisho ninye enkitoo nepik olorika lenye shumata ile lelo kituaak ooboitare ninye.

²Ore ilaisiaayiak pooki lo laiguanani ootii kishomi neirrugo aaisho Haman enkanyit; amu neijia apa eitanapishe olaiguanani ajo. Kake eitu eirrugo Mordekai aashu aitodolu enkanyit.

³Nejoki lelo aisiaayiak lo laiguanani ootii kishomi Mordekai, “Kainyoo pee igil enkitanapata o laiguanani?”

⁴Ore pee eirorie ninche ninye anaake neany ening ninche, neliki ninche Haman, ejo pee edol tenaa kepal Mordekai nena, amu etiaaka ninye ninche nchere Olyahudi ninye.

⁵Ore pee edol Haman ajo eitu eirrugo Mordekai aashu eitodolu enkanyit negoro oleng.

⁶Kake eitu ejo aar Mordekai aa ninye ake. Amu eitayioloki ninye iltung'ana pooki le Mordekai, neing'oru Haman pee ear Ilyahudi pooki, iltung'ana le Mordekai, te nkitoria pooki e Ore ake pee eyae Esta enetii olaiguanani Serser.

⁷Ore to lapa le dukuya, laa ninye olapa le Nisan, to lari le tomon oaare lo laiguanani Ore ake pee eyae Esta enetii olaiguanani Serser, neosh ninche Pura nchere enkukuo te dukuya Haman nkolong'i pooki; neosh too lapaitin pooki o metabaiki olapa le tomon oaare, laa ninye olapa le Adar.

⁸Neitoki Haman ajoki olaiguanani Ore ake pee eyae Esta enetii olaiguanani Serser, “Etii iltung'ana moobo ooidapashari aaorikino atua iltung'ana loo loshon pooki le nkitoria ino; ore nkitanapat enye nepaashare inoo lkulikae tung'ana pooki, nemeibung nkitanapat o laiguanani, metaa metumie olaiguanani dupoto te nepalaa ninche.

⁹Te neishiaakino to laiguanani nchoo meigeri enkitanapata pee emuti ninche, naa kalak nanu ntalantani nkalifuni tomon oo mpisai apik nkaik e lelo ooitasheiki esiaai o laiguanani pee eyau aapik atua masaa o laiguanani.”

¹⁰Neitayu olaiguanani olgisoi ashurtu te nkaina enye neisho Haman le Agag ole Hamedata, olmang'atinta loo Lyahudi.

¹¹Nejoki olaiguanani Haman, “Kinchooki mpisai, o ltung'ana sii, pee intaas ninche anaa enaishiaakino te iyie.”

¹²Neipoti ilaigerok lo laiguanani te nkolong e tomon ookuni o lapa le dukuya, neigeri anaa enaitanapishe Haman neigerokini lelo ang'eni o lelo kituaak ooitasheiki iloshon, o laitasheikinok pooki loo ltung'ana, olosho ake to rorei lenye o ltung'ana te nkutuk enye; neigeroki apa te nkarna e Ore ake pee eyae Esta enetii olaiguanani Serser nepiki olmishire te ilo gisoi lo laiguanani.

¹³Neirriwari mpala too nkaik e lelo ooirriwari meshomo ilkerenketi pooki lo laiguanani, pee eidaikie, neari metuata, neiwuang'ieki Ilyahudi pooki ooti o lbotorok, inkituaak o nkera, te nkolong nabo, te nkolong e tomon ookuni o lapa le tomon oaare, laa ninye olapa le Adar, neya imasaa enye.

¹⁴Naa keirriwari empalai e ilo kigeroto iloshon pooki pee eitanapi metolikini iltung'ana pooki meterretenata teina olong.

¹⁵Nepuo lelo ooirriwari aaya mpala te nkisarrisar te nkitanapata o laiguanani, neitayuni ina kitanapata te Susa teina ang kitok. Netoni olaiguanani o Haman aaokisho, kake ore teina anasa e Susa neaku enking'asia.