Read MAASAI REVISED PROTESTANT Esta 8 Bible Online

Esta 8 - MAASAI REVISED PROTESTANT bible

Esta 8

¹Ore teina olong neisho olaiguanani Esta enkaji e Haman, ilo mang'atinta loo lyahudi. Nelotu Mordekai dukuya olaiguanani amu etolikio Esta enabaikinore ninye;

²neshurtu olaiguanani olgisoi lenye otooruo Haman neisho Mordekai. Neisho Esta Mordekai enkaji e Haman meitoria.

³Neitoki Esta airorie olaiguanani, nebatata too nkejek enyena nesai ninye too lkiyio pee eiwuang'ie entorroni apa naitobira Haman ilo Agagi o nena naaiguanua te nkaraki Ilyahudi.

⁴Neutie olaiguanani Esta eng'udi e saabu,

⁵Neinyototo Esta aitashe te dukuya olaiguanani Nejo, “Tenaa keitiship olaiguanani, naa tenaa kanoto omom too nkonyek inono, naa tenaa keishiaakino ena bae te dukuya olaiguanani te naishiaakino nanu te dukuya nkonyek enyena, nchoo meigeri enkitanapata naibelekenyieki mpala e nena apa naaipirua Haman ilo Agagi, olayioni le Hamedata, apa naaigero pee emut Ilyahudi ootii iloshon pooki lo laiguanani.

⁶Amu kaji aiko te nang'iri aing'or ina torroni nalotu atua iltung'ana laainei? Aashu kaji aiko te nang'iri te nadol ina mutata o lorere lai.”

⁷Nejoki olaiguanani Ore ake pee eyae Esta enetii olaiguanani Serser Esta o Mordekai ilo Yahudi, “Aishoo Esta enkaji e Haman, neililio ninche ninye to lchani ogorishoreki, amu eitorioko ninye nkaik Ilyahudi.

⁸Naa indimidimi aaigero anaa eniyieuu, anaa enaishiaakino Ilyahudi, te nkarna o laiguanani, nipikipiki olmishire lo lgisoi lo laiguanani, amu ore ilkigerot ooigeroki te nkarna o laiguanani, nepiki olmishire lo lgisoi lo laiguanani nemeetae oltung'ani oidim aibelekenya.”

⁹Neipoti ilaigerok lo laiguanani teina kata to lapa liokuni, aa olapa le Sifan te nkolong e tikitam o okuni; neigeri enkitanapata anaa enaitanapishe Mordekai meyakini Ilyahudi pooki o lkituaak pooki o lbalusuni o laitasheikinok loo lkerenketi ebaiki India o metabaiki Etiopia naa iloshon iip o tikitam o opishana, pooki osho ake to lkigeroto lenye o pooki tung'ani te nkutuk enye o lo Lyahudi sii to lkigeroto lenye o enkutuk enye.

¹⁰Ore lelo kigerot naa te nkarna o laiguanani Ore ake pee eyae Esta enetii olaiguanani Serser nemishira to lmishire lo lgisoi lenye, neyae nena pala iltung'ana ooirriwari ookedito mbartan naaten oleng apa naasishoreki te nkisiayiare o laiguanani, naaitubuluaki tiatua boo o laiguanani.

¹¹Ore te kuna nenyorraa olaiguanani Ilyahudi ootii nkanas pooki meiturrurroto pee emitu ate, nemut near metuata, neidaikie pooki jore e pooki tung'ani o pooki osho oidim atarasaki ninche o nkera enye o nkituaak, neya masaa enye,

¹²nabo olong too loshon pooki lo laiguanani Ore ake pee eyae Esta enetii olaiguanani Serser te nkolong e tomon o okuni to lapa le tomon o are, laa olapa le Adar.

¹³Ore empalai e nena naaigeroki naa keishoori anaa enkitanapata te pooki osho, o te nkitayioloto oo ltung'ana pooki, nerretena Ilyahudi pee eitalaku elap enye te lelo mang'ati lenye.

¹⁴Neked lelo ooirriwari imbartan enye naaten apa naasishoreki te nkisiayiare o laiguanani, neipang aapuo te nkisarrisar, eitirrishakita enkitanapata o laiguanani, neitayuni enkitanapata te Susa teina ang kitok.

¹⁵Neitoki Mordekai apuku alo teine netii olaiguanani eishopito inkilani e nkitoo pusi o naaibor o lmarisian sapuk le nkitoo le saabu o lkila sidai sintet, ina kata ebuaku enkang e Susa neng'ida.

¹⁶Netum Ilyahudi ewang'an o enchipai o eng'ida o enkanyit.

¹⁷Ore te pooki osho o te pooki ang, eneba anaa enetabaikia enkitanapata o lkilikuai lo laiguanani, netii enchipai o eng'ida atua Ilyahudi; o sirua o enkisampash. Ore ilkumok te lelo tung'ana le ina kop neibalunye ate aaitaa ate Ilyahudi amu eiputa enkuretisho oo Lyahudi atua ninche.