Read MAASAI REVISED PROTESTANT Enaidurra 24 Bible Online

Enaidurra 24 - MAASAI REVISED PROTESTANT bible

Enaidurra 24

¹Nejoki Enkai Musa, “Ilepu wou enetii Olaitoriani, iyie o Aron o Nadab o Abihu o lpayiani ntomoni naapishana loo Siraeli, enteserem te nelakua.

²Musa ake olotu ataaniki Olaitoriani, kake mepuonu ilkulikae aanyiku, nemeilepu iltung'ana te nebo ninye.”

³Nelotu Musa, neliki iltung'ana irorei pooki lo Laitoriani o nkitanapat pooki; newalu iltung'ana pooki to ltoilo obo nejo, “Ore irorei pooki ooiroro Olaitoriani naa eikiaas.”

⁴Neiger Musa irorei pooki lo Laitoriani. Nedumunye ayooki tadekenya neshet olperere lo lasar te ntonata o ldoinyo, o ng'apeta tomon o are aitorisioki iloshon tomon o are loo Siraeli.

⁵Neirriwaa ilbarnot loo ltung'ana loo Siraeli, ooitaituo nkishoorot oo ilasarri oopejori nepolosaki Olaitoriani nkishoorot, ilasarri le seriani oo lmong'i.

⁶Nedumu Musa olpisiai lo sarge nepik embakuli, ore olikae pisiai lo sarge nebukoki olperere.

⁷Neitoki adumu embuku osotua neisumaki iltung'ana metoning'o; nejo ninche, “Ore nena pooki naatejo Olaitoriani naa eikiaas, naa eikining'ishoyu iyiook.”

⁸Nedumu Musa osarge neisuaaki iltung'ana nejo, “Eng'ura osarge lo sotua oitobira Olaitoriani o ntae te risioroto e kulo rorei pooki.”

⁹Neitoki Musa o Aaron o Nadab o Abihu o lpayiani ntomoni naapishana loo Siraeli aailep,

¹⁰nedol ninche Enkai oo Siraeli, netii abori nkejek enyena entoki naaijo oltiren oitobiraki too soito sidain, ooikununo anaa oloing'ang'e te mua.

¹¹Neitu ninye eitame lelo arikok loo ltung'ana loo Siraeli; nedol ninche Enkai, neokisho nedaa.

¹²Nejoki Olaitoriani Musa, “Ilepu wou enatii to ldoinyo, nianyisho teine; naa kaaisho nanu isoito dapashi, te nebo nkitanapat, naigero nanu te nkaraki enkiteng'enare enye.”

¹³Nedumunye Musa te nebo osinka lenye Yoshua, neilep Musa alo ilo doinyo le Nkai.

¹⁴Nejoki ninye ilpayiani, “Entaanyu iyiook tene o metaba anaa nikintoki aapuonu enitii, naa ng'ura, etii Aron o Huri te nebo intae; ore pooki ng'ae oata enyamali nchoo elo enetii ninche.”

¹⁵Neilep Musa alo oldoinyo, neitoip enkatampoi oldoinyo,

¹⁶enkitoo o Laitoriani to ldoinyo le Sinai neitoip enkatampoi inkolong'i ile; ore te nkolong e naapishana neipot ninye Musa tiatua ina atampoi.

¹⁷Ore eloito enkitoo o Laitoriani neikununo anaa enkima nayupuyup te nchumata o ldoinyo te dukuya iltung'ana loo Siraeli.

¹⁸Nejing Musa atua enkatampoi neilepaki oldoinyo. Netii apa Musa oldoinyo nkolong'i artam o nkewarietin artam.