Read MAASAI REVISED PROTESTANT Olkerempe le Nkai 116 Bible Online

Olkerempe le Nkai 116 - MAASAI REVISED PROTESTANT bible

Olkerempe le Nkai 116

¹Kanyor nanu Olaitoriani amu etoning'o ninye oltoilo lai o enkomono ai,

²amu aairrugoko ninye nanu enkiok enye. Ore te nkaraki ina kaipot nanu ninye inkolong'i naaba anaa inaishu.

³Aatang'adutua nanu irresheta le keeya; aaibung'a nanu nkeenta emion kitok e nemeneng'a; natum nanu osina o emion.

⁴Naitoki nanu aipot enkarna o Laitoriani: “Olaitoriani, aatasayia nanu, ntajeu enkishui ai!”

⁵Kaaipirisioni Olaitoriani, naa asipani; neeta Enkai ang olng'ur.

⁶Kegolie Olaitoriani olobor; ore pee aaibookini enkop, naaitajeu ninye.

⁷Torrinyokinoyu lo tau lai enkiyeng'iyeng ino; amu kimpirisie iyie Olaitoriani.

⁸Amu itokordua iyie enkishui ai te keeya, o nkonyek aainei too lkiyio, o nkejek aainei te rrorroto.

⁹Kalo nanu te dukuya Olaitoriani tiatua enkop oo looishu.

¹⁰Aibung'a nanu enkirukoto ai, hoo ninye te natejo, “Aaisilisiloki nanu oleng”.

¹¹Natejo nanu te siokinoto ai, “Ile pesho iltung'ana pooki.”

¹²Kainyoo nanu aisho Olaitoriani too nkishoorot enyena pooki naaishoo nanu?

¹³Kang'amaa nanu enkikompe e njeunoto, naipot enkarna o Laitoriani,

¹⁴nalaaki Olaitoriani olmumai lai te dukuya iltung'ana lenyena pooki.

¹⁵Ene tipat te dukuya Olaitoriani keeya oo sinyat lenyena.

¹⁶Olaitoriani, kara nanu osinka lino, kara osinka lino, olayioni le nkaisiaayiani ino. Iyie otalaa ienat aainei.

¹⁷Kaaisho nanu iyie olasar le nashe naipot enkarna o Laitoriani.

¹⁸Kalak nanu ilmuma laainei to Laitoriani te dukuya iltung'ana lenyena pooki,

¹⁹too lgorieti le nkaji o Laitoriani, te mpolos ino, iyie Yerusalem. Meisisi Olaitoriani!