Read MAASAI REVISED PROTESTANT Olkerempe le Nkai 12 Bible Online

Olkerempe le Nkai 12 - MAASAI REVISED PROTESTANT bible

Olkerempe le Nkai 12

¹Enetii olautaroni le ranyare: too nkai oo mpit; naji Sheminiti.Osinkolio le Daudi. Taretu iyiook, Olaitoriani: amu meekure eetae hoo obo oata euriata e Nkai; amu eishunye ilooisiligayu tiatua nkera e tung'ani.

²Eiro pooki ng'ae elejare tialo ole latia enye; to lkoroj o te nkilelemare eiro ninche.

³Metudung'oi Olaitoriani nkutukie pooki naaikorojisho lelo ng'ejepa le nkitokoos kitok,

⁴lelo oojo, “Ore to lng'ejep lang nikisulie, ore kiaata nkutukie ang, kaing'ae naitore iyiook?”

⁵“Ore te nkaraki naitorogonyaki olaisinani, o enkaraki naigorito ilo oata osina kadumunye taata nanu,” Olaitoriani ojo; “Kapik nanu ninye atua ina seriani naa ninye eng'uar.”

⁶Ore nkisiligat o Laitoriani naa nkisiligat naasila, naaikununo anaa enkosholai natisilaki to lkokuet te nkop, nesili katitin naapishana.

⁷Torripo iyie iyiook Olaitoriani, torripo iyiook anaake tena ishoi.

⁸Ore too nkaloli pooki, nemanimanaa anaa olng'atuny lelo torrok anaa enatudumunye entorroni aponari tiatua inkera e tung'ani.