Read MAASAI REVISED PROTESTANT Olkerempe le Nkai 136 Bible Online

Olkerempe le Nkai 136 - MAASAI REVISED PROTESTANT bible

Olkerempe le Nkai 136

¹Enchoo Olaitoriani enashe amu eisupat ninye, amu kebikoo enyorrata enye nauno ntarasi.

²Enchoo enashe Enkai oo nkaitin, amu kebikoo enyorrata enye nauno ntarasi.

³Enchoo enashe Olaitoriani loo laitoriak, amu kebikoo enyorrata enye nauno ntarasi;

⁴ilo laa ninye ake oas ine nking'asia sapuki, amu kebikoo enyorrata enye nauno ntarasi;

⁵ilo oitobira keper te nkarriyiano, amu kebikoo enyorrata enye nauno ntarasi;

⁶ilo oisalaasha enkop natoyio te shumata nkariak, amu kebikoo enyorrata enye nauno ntarasi;

⁷ilo oitobira iwang'aritin sapuki, amu kebikoo enyorrata enye nauno ntarasi;

⁸neitobir enkolong meitoria endama, amu kebikoo enyorrata enye nauno ntarasi;

⁹neitobir olapa o lakir meitoria enkewarie, amu kebikoo enyorrata enye nauno ntarasi;

¹⁰ilo apa otara metuata ilkikaunot le Misiri, amu kebikoo enyorrata enye nauno ntarasi.

¹¹Neipang'unye Isiraeli aitung'uaa atua ninche, amu kebikoo enyorrata enye nauno ntarasi;

¹²te nkaina nagol naitoriori, amu kebikoo enyorrata enye nauno ntarasi.

¹³Ilo oiperra Enaiposha Nanyokie aitaa are, amu kebikoo enyorrata enye nauno ntarasi;

¹⁴neisho Isiraeli meima atua ninye, amu kebikoo enyorrata enye nauno ntarasi;

¹⁵kake etooroyie Farao o lorora lenye tiatua Enaiposha Nanyokie, amu kebikoo enyorrata enye nauno ntarasi.

¹⁶Ilo otorikoyie iltung'ana lenyena ti ong'ata, amu kebikoo enyorrata enye nauno ntarasi.

¹⁷Ilo otasesekuana ilaiguanak kituaak, amu kebikoo enyorrata enye nauno ntarasi;

¹⁸near to lalem ilaiguanak ning'ot, amu kebikoo enyorrata enye nauno ntarasi;

¹⁹Sihon, olaiguanani le Amori, amu kebikoo enyorrata enye nauno ntarasi;

²⁰o Oog, olaiguanani le Bashan, amu kebikoo enyorrata enye nauno ntarasi;

²¹neishooyo enkop enye metaa enjung'ore, amu kebikoo enyorrata enye nauno ntarasi;

²²enjung'ore to sinka lenye Israel, amu kebikoo enyorrata enye nauno ntarasi.

²³Ninye otadamua iyiook apa kishal, amu kebikoo enyorrata enye nauno ntarasi;

²⁴nekordu iyiook aitung'uaa ilmang'ati lang, amu kebikoo enyorrata enye nauno ntarasi;

²⁵ninye oisho endaa ntokitin pooki naaishu, amu kebikoo enyorrata enye nauno ntarasi.

²⁶Enchoo enashe Enkai e keper, amu kebikoo enyorrata enye nauno ntarasi.