Read MAASAI REVISED PROTESTANT Olkerempe le Nkai 145 Bible Online

Olkerempe le Nkai 145 - MAASAI REVISED PROTESTANT bible

Olkerempe le Nkai 145

¹Osinkolio le nkisisa le Daudi. Kaarrep nanu iyie, Enkai ai naa Olaiguanani, naisis enkarna ino ntarasi o ntarasi.

²Ore nkolong'i pooki naaisis nanu iyie, naisis enkarna ino ntarasi o ntarasi.

³Kitok Olaitoriani, naa kitok enkisisa enye, ore enkitoo enye nemelimunoyu.

⁴Neinosakino iishoritin o lajijik isiaaitin inono, neibalunye ninche nkiasin inono sapuki.

⁵Naibiribir nanu enkishiaa e nkitoo ino o enking'asia oo siaaitin inono.

⁶Neibalunye iltung'ana enkidimata oo nkiasin inono, naibalunye nanu enkitoo ino.

⁷Neinosaa ninche ening'oi e supatisho ino, nerany ninche aabuaku isinkolioitin le supatisho oo sipat inono.

⁸Kaaipirisioni Olaitoriani neeta olng'ur, mesioki agoro nebore enyorrata nauno.

⁹Eisupat Olaitoriani te pooki, ore olng'ur lenye netii shumata nena pooki naaitobira ninye.

¹⁰Ore intokitin pooki nintobira naa eikincho iyie enashe, Olaitoriani, ore isinyat pooki nikiisis iyie!

¹¹Neiro ninche aaimaki enkitoo e nkitoria ino, nelimu engolon ino,

¹²neitayiolo inkera e tung'ani inkiasin inono e ngolon, o enkishiaa kitok e nkitoria ino.

¹³Ore enkitoria ino naa enoo ntarasi, nebikoo enkitoo e nkitoria ino too ishoritin pooki. Kaasipani Olaitoriani too rorei lenyena pooki, naa kaaipirisioni too nkiasin enyena pooki.

¹⁴Keibung Olaitoriani airishu lelo pooki oobatata, nedumu ailepunye lelo pooki oolepokino enkop.

¹⁵Iyie eing'or inkonyek e pooki, nincho iyie ninche endaa too rishat enye.

¹⁶Ilak iyie enkaina ino, nintaraposh pooki toki naishu.

¹⁷Kaasipani Olaitoriani too nkoitoi enyena pooki, naa supat too iasat enyena pooki.

¹⁸Ketaana Olaitoriani te pooki ooipot ninye, te pooki ooipot ninye te sipata.

¹⁹Keitabaya ninye iyieunot e pooki ooure ninye, nening sii olkiyioi lenye, neitajeu ninche.

²⁰Kegolie Olaitoriani lelo pooki oonyor ninye, kake ore iltorrok pooki naa keidaikie ninye.

²¹Keiro enkutuk ai enkisisa o Laitoriani, nchoo pooki naaishu eisis enkarna enye sinyati ntarasi o ntarasi.