Read MAASAI REVISED PROTESTANT Olkerempe le Nkai 17 Bible Online

Olkerempe le Nkai 17 - MAASAI REVISED PROTESTANT bible

Olkerempe le Nkai 17

¹Enkomono e Daudi. Toning'o esipata, iyie Olaitoriani; toning'o enkishirata ai! Nchoo enkiok ino ening enkomono ai naing'uaa enkutuk ai nemetii elejare!

²Nchoo eaku iyie eing'uaa esipata ai! Nchoo inkonyek inono edol esipata!

³Ti nitem iyie oltau lai, nikimutan iyie nanu kewarie, nikijur iyie nanu, nimitum iyie entorroni tiatua nanu; eitu apong'ori too nkirorot aainei.

⁴Ore tialo isiaaitin e tung'ani ore to rorei lino, natapaasha nanu inkoitoi oo larruok.

⁵Ore roruat aainei neibung'a inkoitoi inono, eitu eideketari inkejek aainei.

⁶Aaipoto nanu iyie, amu eikiwaliki iyie, Enkai ai; irrugokoki enkiok ino, toning'o irorei laainei.

⁷Ntodolu enyorrata ino nauno te mpukunoto e nking'asia, iyie Olaitajeunoni le lelo likisaru, too lmang'ati lenye te nkaina ino e tatene.

⁸Tagolieki nanu anaa enerok e nkong'u; isudoyioki nanu to loip loo naipuko inono,

⁹te nkaraki ilo torrono laainyal nanu, lelo mang'ati laainei laamanita nanu.

¹⁰Neitagol ninche iltauja lenye; pee meitoki aata olng'ur, ore too nkutukie enye neiro te nkitokoos.

¹¹Naasuj ninche nanu; naatamana taata ninche; naaing'or nanu pee aatum aatanang'ie enkop.

¹²Keikununo ninche anaa olng'atuny oibung eng'ues, etiu anaa olkuoo lo lng'atuny erreshito eng'ues.

¹³Tudumunye, Olaitoriani! Intoriokinoyu ninche taarare, tanang'ai ninche! Tokordu enkishui ai tialo ilo torrono to lalem lino,

¹⁴tokorduaki too ltung'ana te nkaina ino, iyie Olaitoriani, tialo lelo tung'ana laa ore erubata enye te nkishui naa ena kop. Ntamio ninche teilo sina litushumaka ninche, menoto inkera enye o sina olang ilo, metelekakini ilo sina nkera oo nkera enye.

¹⁵Ore nanu naa kaing'or enkomom ino te supatisho, te nainyototo, naraposho te nduaata ino.