Read MAASAI REVISED PROTESTANT Olkerempe le Nkai 2 Bible Online

Olkerempe le Nkai 2 - MAASAI REVISED PROTESTANT bible

Olkerempe le Nkai 2

¹Kainyoo pee eitobirita iloshon enkarruoisho? Kainyoo pee eitobir iloreren nkitobirat enye e ntorroni e pesho?

²Eiturrurrote ilaiguanak le nkop, neiguana lelo ooitoreisho te nebo, aagilunore Olaitoriani o ilo lenye otubukokoki eilata aaput, ejo,

³“Matalak ienat enye nabo kata, nikinturraa nkeenta enye aaitalam ate.”

⁴Ore ilo oton te shumata nekueni; neikordod nena kitobirat enye e pesho.

⁵Naa keitoki ninye airorie ninche te ngoro enye napi, neiture ninche te ngoro namutisho, ejo,

⁶“Atipika nanu olaiguanani lai shumata Sion, ilo doinyo lai sinyati.”

⁷Kalikioo nanu ina natejo Olaitoriani: Aatiaaka ninye nanu, “Ira iyie enkerai ai, ore ena olong, aatoiwuo nanu iyie.

⁸Toomonoki nanu, naa kaitaa nanu lelo oshon enjung'ore ino, naitaa ineeiting'ie enkop iwuejitin inono.

⁹Nigil iyie ninche te ng'udi e sekenkei, nintaa ninche mbelibelat anaa emoti oo nkulupuok.”

¹⁰Ore naa taata, lo aiguanak, entaa ng'eni; nchoo eikoki intae lo aitoriak le nkop.

¹¹Esiaayia Olaitoriani te nkuretisho, te nkikirikirata,

¹²entung'utut inkejek enyena, megoro ake, nindaayaya te nkoitoi; amu keyupuyup engoro enye asioki. Emayiana lelo pooki oosaru ninye.