Read MAASAI REVISED PROTESTANT Olkerempe le Nkai 21 Bible Online

Olkerempe le Nkai 21 - MAASAI REVISED PROTESTANT bible

Olkerempe le Nkai 21

¹Enetii olautaroni le ranyare: Osinkolio le Daudi. Te ngolon ino eng'ida olaiguanani, iyie Olaitoriani; naa te retoto ino eisula ninye oleng.

²Inchoo iyie ninye eyieunoto o ltau lenye neitu iyie imbooyo eomonunoto e nkutuk enye.

³Amu inang'are iyie ninye too mayianat sidain, ninchopoki ninye enkopiyia e nkitoo e saabu nasila endukuya enye.

⁴Neomonu ninye enkishui te iyie, nincho iyie ninye, nkolong'i kumok ntarasi o ntarasi.

⁵Eisapuk enkitoo enye te nkaraki eretoto ino; inchopoko iyie ninye enkikodo o enkitoo.

⁶Ee, intaa iyie ninye olomayiana oleng intarasi, ninting'id iyie ninye te dukuya enkomom ino.

⁷Amu Olaitoriani eisilig olaiguanani; naa ore te nkaraki ina nyorrata nauno e Ilo otii Shumata Aisul, nemeigusugusuieki ninye.

⁸Ore enkaina ino, ninye nalo aing'oru ilmang'ati linono pooki; neing'oru enkaina ino e tatene lelo pooki likimba.

⁹Nintotiu iyie ninche anaa olang'at le nkima te liooto ino. Keijoo Olaitoriani ninche te ngoro enye; nenya ninche enkima.

¹⁰Nindaikie iyie eishoi enye te nkop, niwuang'ie inkera enye aishie tiatua ltung'ana.

¹¹Ti nikintobiraki ninche iyie entorroni, te neipiru entaboi nemedupore ninche.

¹²Amu incho iyie ninche mekueta aailanyisho, nimul iyie inkomomi enye too mbaa inono.

¹³Nchoo kisisi iyie Olaitoriani, te nkaraki engolon ino! Aikiranyisho iyiook nikisis engolon ino.