Read MAASAI REVISED PROTESTANT Olkerempe le Nkai 48 Bible Online

Olkerempe le Nkai 48 - MAASAI REVISED PROTESTANT bible

Olkerempe le Nkai 48

¹Osinkolio loo Layiok le Kora. Eikitok Olaitoriani naa keisisi ninye oleng tiatua enkanasa e Nkai ang! Te ilo doinyo lenye sinyati

²sidai te nkadoro enye, naa ninye eng'ida e nkop pooki. Etii oldoinyo le Sion enelakua te moikuape, ina anasa o laiguanani kitok.

³Ore tiatua nkajijik enyena neitodolua Enkai kewan nchere ninye omitu.

⁴Amu, eiturrurrote laiguanak, nepuonu te nebo.

⁵Ore ake pee edol ninche ina, neing'asia, neirut ninche, nedumunye aaisik;

⁶neibung ninche olokirrikiri teine, o emion naaijo ene nkitok nasaisai.

⁷Ore to siwuo le nkilepunoto e nkolong nigil imelin e Tarshishi.

⁸Ore anaa enikitoning'o, ina kitoduaa iyiook tiatua enkanasa o Laitoriani loo lororani, tiatua ina anasa e Nkai ang, apa naitasheyie Enkai ntarasi.

⁹Kitadamutua iyiook teina nyorrata ino kitok, Olaitoriani, te mpolos e nkaji ino.

¹⁰Ore anaa enatiu enkarna ino, na Ai, neijia etiu enkisisa ino, elo abaiki ineeiting'ie enkop. Neeta enkaina ino e tatene enkisulata;

¹¹nchoo oldoinyo le Sion eng'idayu! Nchoo nena toyie e Yuda eng'idayu te nkaraki nkiguanat inono!

¹²Shomo tamanai te Sion, shomo tamana ninye, nkena iltaleta lenyena,

¹³entadamu entisipu isunta enyena o nkajijik enyena, pee itumutumu aatiaaki eishoi nasuju,

¹⁴nchere Enkai ena, ninye Enkai ang ntarasi o ntarasi. Ninye oaku olarikoni lang ntarasi.