Read MAASAI REVISED PROTESTANT Olkerempe le Nkai 54 Bible Online

Olkerempe le Nkai 54 - MAASAI REVISED PROTESTANT bible

Olkerempe le Nkai 54

¹Enetii olautaroni le ranyare: too nkai oo mpit. Osinkolio le nkarriyiano oiteng'enisho le Daudi, pee epuo Ilsepit aajoki Saulo “Eisudori Saulo tiatua yiook.” Ntajewuoki nanu, iyie Enkai, te nkarna ino, nguanareki nanu te nkidimata ino.

²Toning'o enkomono ai, iyie Enkai; tipika enkiok ino kulo rorei le nkutuk ai.

³Amu aatudumakinote nanu iltung'ana omon aagilunore, eing'oru iltung'ana lemeeta olng'ur enkishui ai, nemeiturukie ninche Enkai too mbaa enye.

⁴Kesipa Enkai ninye olaretoni lai; Olaitoriani ninye olaibung'ani le nkishui ai.

⁵Keitalaku ninye entorroni too lmang'ati laainei; ore te supatisho ino nting'ie ninche.

⁶Ore too lasarri lo lpela[7] kaapolosaki nanu iyie; kaisho nanu enkarna ino enashe, iyie Olaitoriani, amu aisidai ninye.

⁷Amu kitokordua iyie nanu aitung'uaa pooki nyamali, netoduaa nkonyek aainei enkisulata ino too lmang'ati laainei.