Read MAASAI REVISED PROTESTANT Olkerempe le Nkai 65 Bible Online

Olkerempe le Nkai 65 - MAASAI REVISED PROTESTANT bible

Olkerempe le Nkai 65

¹Enetii olautaroni le ranyare: Osinkolio le Daudi. Kinchiaakino enkisisa te Sion, iyie Enkai; naa iyie einosieki ilmuma,

²iyie ele oning enkomono! Enitii elotu pooki toki naishu,

³te nkaraki ing'ok enye. Te neidimu iyiook nkitarruorot ang, nipalaki iyie iyiook.

⁴Emayiana ilo litegelua iyie niyau aitinyiku, pee eton tiatua indung'orot inono! Eikindipakino iyiook te supatisho e nkaji ino, ina aji ino sinyati!

⁵Ore too nkiaasin naaitureisho niwaliki iyie iyiook te nkordunoto, iyie, iyie Enkai Ai e njeunoto ang, iyie osiligi loo wuejitin pooki neeiting'ie enkop, o naaiposha naalakua;

⁶laa te ngolon ino intasheyie ildoinyo, irretenita enkidimata ino.

⁷Iyie oitirring'ie enkikurrukur oo naaiposha, ina kikurrukur oo lopir lenye, ilo oilepilepi loo ltung'ana;

⁸neaku etureishote lelo oomanya ineelakua te nkop, te nkaraki nkitoduaat inono; nchoo iyie ineelusorie enkakenya o enteipa metabuaku te ng'ida.

⁹Iyie omutan enkop nibukoki enkare, iyie oitubulu oleng; kebore ilo keju le Nkai enkare; iyie oisho ninche enkurma enye, amu neijia iyie intobira aiko.

¹⁰Iyie opik ierat lenyena enkare, nintobir anuk ilbaat pooki, nintanana enterit te nkirujuruj, nebulu emayianata.

¹¹Inchopoko iyie olari esupatisho ino, ore pooki wueji niim netii dupoto.

¹²Ore ndaat oo nchoo ti ong'ata neitong, ore ildoinyo nemanita eng'ida.

¹³Ore nkong'at naaisiasha neiput nkerrai, neiput enkurma ierat, nebuaku ninche te nebo aarany te ng'ida.