Read MAASAI REVISED PROTESTANT Olkerempe le Nkai 66 Bible Online

Olkerempe le Nkai 66 - MAASAI REVISED PROTESTANT bible

Olkerempe le Nkai 66

¹Enetii olautaroni le ranyare: Olkerempe. Tabuaku taranyaki Enkai te ng'ida, na kop pooki;

²entaranyaki enkitoo e nkarna enye; enchoo ninye enkisisa e nkitoo!

³Entiaaki Enkai, “Kebaa eitureisho nkiaasin inono! Naa kitok engolon ino o metaa kepuonu ilmang'ati linono aaborru te dukuya iyie.

⁴Iyie eserem enkop pooki; nikiranyaki iyie isinkolioitin le nkisisa, nerany enkisisa te nkaraki enkarna ino.”

⁵Wootu entodol inaataasa Enkai: keitureisho nkiaasin enyena tiatua iltung'ana.

⁶Keibelekeny ninye enaiposha aitaa enkop natoyio; nepuo iltung'ana aaim olkeju too nkejek. Teine iyiook kiting'idakinote ninye,

⁷ilo oitoreisho te nkidimata enye ntarasi, ilo laa nkonyek enyena naaing'or iloshon - mincho lelo oogolong'u eisis ate.

⁸Esisa Enkai ang, lo oreren, nchoo metoning'ori oltoilo le nkisisa enye,

⁹ilo apa otagolie iyiook te nebo ilooishu, neitu eisho nkejek ang metarrorroto.

¹⁰Amu itetema iyie iyiook, Enkai, itetema iyie iyiook anaa enkosholai, anaa enkosholai natemi.

¹¹Itipika iyie iyiook orreshet; nieniki mpolosi ang olola oiroishi;

¹²inchoo iyie iltung'ana meitunyoi ilukuny ang; kishomo iyiook aaim atua enkima o atua enkare; kake iyaua ake iyie iyiook enkop nalala.

¹³Kalotu nanu atua enkaji ino aata ilasarri oopejori; kaalaaki nanu iyie ilmuma laainei,

¹⁴apa lairoro nanu te nkutuk ai, naisiligishore apa nanu te nkutuk ai atii enyamali.

¹⁵Kaaitaiki nanu iyie olasar opejori loo ntokitin naapir, te nebo empuruo o lasar loo lkerra; kaitobir nanu olasar loo loing'ok o nkineji.

¹⁶Wootu entoning intae pooki ooure Enkai, naa kalimu nanu ina naaitaasa ninye.

¹⁷Aishiraka nanu ninye abuaku, neisis olng'ejep lai ninye.

¹⁸Tenaa kaata apa nanu entorroni to ltau lai, anaata maaning nanu Olaitoriani.

¹⁹Kake kesipa aatoning'o nanu Olaitoriani, etoning'o ninye oltoilo le nkomono ai.

²⁰Meisisi Olaitoriani, amu eitu ninye eany enkomono ai, neitu eiwuang'ie ina nyorrata enye nauno te nanu.