Read MAASAI REVISED PROTESTANT Olkerempe le Nkai 76 Bible Online

Olkerempe le Nkai 76 - MAASAI REVISED PROTESTANT bible

Olkerempe le Nkai 76

¹Enetii olautaroni le ranyare: too nkai oo mpit Osinkolio le Asaf. Keyioloi Enkai tiatua Yuda, eikitok enkarna enye tiatua Israel.

²Neteshetaki emanyisho enye te Salem, ewueji enye nebikie te Sion.

³Teine wueji etigila ninye mbaa, o elong'o o lalem o masaa o larrabal.

⁴Ira iyie kitok, niata enkishiaa, alang lelo doinyo loo ntarasi.

⁵Ore lelo lenye oogol tauja, netooruoki pooki naata, neirragaitie ninche aaye; ore lelo tung'ana pooki lo larrabal, meidim aataasishore inkaik enye.

⁶Ore te nkisikong'ata ino, Na Ai e Yakobo, neirrag aaye pokira, olakedoni o embarta.

⁷Kake, ore iyie, naa intoreisho, kaing'ae oidim aitasho te dukuya iyie te nedumunye engoro ino nabo kata.

⁸Ore itii keper nidung enkiguana ino, neureishoyu enkop neitirring'a,

⁹ena kata edumunye Enkai aitobir enkiguana, pee eitajeu lelo pooki ooitorogonyaki te nkop.

¹⁰Kesipa eikisis iyie engoro e tung'ani; ore ilo pisiai le ngoro nien anaa enkeene e mpolos.

¹¹Entobira ilmuma linyi to Laitoriani Enkai inyi, nintabayaya ninche; nchoo lelo pooki oomanita ninche meyau nkishoorot aayaki ilo ourei,

¹²naa kedung ninye iltauja le lelo kituaak, ilo laa ninye eure ilaiguanak pooki le nkop.