Read MAASAI REVISED PROTESTANT Olkerempe le Nkai 81 Bible Online

Olkerempe le Nkai 81 - MAASAI REVISED PROTESTANT bible

Olkerempe le Nkai 81

¹Enetii olautaroni le ranyare: anaa enajo Giti. Osinkolio le Asaf. Entabuaku entaranyaki Enkai engolon ang; entabuaaki te ng'ida Enkai e Yakobo!

²Elepie osinkolio, nioshiosho enkinanta, ina kinanta e nkopito sidai e nkorui o endule.

³Entoosh esekekua te nduaata o lapa, te nepurupuranayu olapa, teina olong ang o sirua.

⁴Amu enkitanapata ina te Israel, elimunoto e Nkai e Yakobo.

⁵Eibalunye apa ninye te Yosef, ina kata apa pee eipang ninye alo te nkop e Misiri. Aning'ito nanu oltoilo leitu ayiolou:

⁶“Aiwuang'ie nanu olola to loililai lino; eyeng'iyeng'ate inkaik inono te napata e nkikapu.

⁷Ore te nkata o sina kimpoto iyie nanu, naatokordua nanu; aatawalikia nanu iyie teine wueji e nkisudoroto e ndarata; aatetema nanu iyie too nkariak e Meriba.

⁸Entoning, lo tung'ana laainei, te naikok nanu intae! Oo Israel, oi siaake tenaa eikining nanu!

⁹Mejing enkai omoni atua intae; emirrugo aaserem enkai omoni.

¹⁰Kara nanu Olaitoriani Enkai ino, ilo apa likiyaua aitung'uaa enkop e Misiri. Tang'a enkutuk ino pee aaiput nanu.

¹¹“Kake eitu ening iltung'ana laainei oltoilo lai; nemaayieu nanu Israel.

¹²Neaku aishooyie nanu teina golon oo ltauja lenye, metusuja nkiguanat enye.

¹³Oi naaji tenaa kaaning iltung'ana laainei, pee etum Israel ashomo too nkoitoi aainei!

¹⁴Etaa nanu kasioki amir ilmang'ati lenye, naibelekenyaki nanu enkaina ai ilmang'ati lenye.

¹⁵Ore lelo ooiba Olaitoriani nepuonu aaitoborruo te dukuya ninye, ore ina kitamioto enye nebik intarasi.

¹⁶Kaaitoti nanu iyie te nkano sidai aisul, ore teina aisho naing'uaa endapidapoi naaitaraposh iyie.”