Read MAASAI REVISED PROTESTANT Olkerempe le Nkai 9 Bible Online

Olkerempe le Nkai 9 - MAASAI REVISED PROTESTANT bible

Olkerempe le Nkai 9

¹Enetii olautaroni le ranyare: anaa enajo Mutlaben[5]. Osinkolio le Daudi. Kaaisho nanu iyie Olaitoriani enashe to ltau lai pooki; kalikioo nena kiaasin inono e nking'asia.

²Kang'ida nanu naa kaaranyaki iyie, karanyisho nanu te nkisisa e nkarna ino, iyie Olotii Shumata Aisul.

³Te neibelekenya ilmang'ati laainei, kerrorro neidaaya te dukuya iyie.

⁴Amu intasheyie iyie esipata ai; itotona iyie to lorika le nkitoo ninguana te sipata.

⁵Isikong'a iyie iloshon, ndaikie iyie lelo torrok; itujutoyie iyie aiwuang'ie enkarna enye ntarasi o ntarasi.

⁶Eisha ilmang'ati te nkidaata oo ntarasi; nitadotuo iyie nkanas enye; ore endamunoto enye neisha.

⁷Kake eton Olaitoriani to lorika le nkitoo ntarasi, neitasheyie olorika lenye le nkitoo pee etum atudung'o enkiguana;

⁸nedung'oki ninye enkop enkiguana te sipata, nedung'oki iloreren enkiguana too nkiririkinot.

⁹Olaitoriani ninye osempewuet le ilo oitorogonyi, osempewuet too nkatitin e nyamali.

¹⁰Ore lelo ooyiolo enkarna ino nepik osiligi lenye atua iyie, amu ore iyie Olaitoriani, neitu inturraa lelo likisilig iyie.

¹¹Entaranyaki enkisisa Olaitoriani, ilo oton te Sion! Entolikioi tiatua iloreren inkiaasin enyena!

¹²Amu ore ilo oitalaku elap o sarge, nedamu ninche; merikino ninye olkiyioi le ilo oata osina.

¹³Ing'urrieki nanu Olaitoriani! Toduaa enyamali naata te nkaraki lelo laaiba. Iyie ilo laadumu nanu aitung'uaa nchomito e keeya,

¹⁴pee atum atolimu enkisisa ino, paa ore too nchomito e Yerusalem, nang'idakino nanu enkordunoto ino.

¹⁵Eimiso iloshon tiatua ina gumoto natuturo ninche; ore te ilo rreshet oisudoitie ninche nerruesh inkejek enye maate.

¹⁶Eibalunye Olaitoriani kewan, etudung'o ninye enkiguana; etijing'a lelo torrok orreshet tiatua esiaai oo nkaik enye maate.

¹⁷Kepuo lelo torrok aajing enemeneng'a, lelo oshon pooki lemedamu Enkai.

¹⁸Ore ilaisinak nemeitokini aapalaa anaake ore osiligi loo laisinak nemeimin ntarasi.

¹⁹Tudumunye Olaitoriani! Mincho oltung'ani meisula; nchoo iloreren eiguanareki te dukuya iyie!

²⁰Tipika ninche atua enkuretisho, Olaitoriani! Nchoo iloreren eyiolou aajo iltung'ana ake ninche!