Read MAASAI REVISED PROTESTANT Ndung'eta e Rashe 2 Bible Online

Ndung'eta e Rashe 2 - MAASAI REVISED PROTESTANT bible

Ndung'eta e Rashe 2

¹Enkerai ai, tining'amaa irorei laainei, nishum aiteng'el inkitanapat aainei tenebo iyie,

²nincho inkiyiaa inono einining aasipu eng'eno, nirrugu oltau lino aaku oloyiolou.

³Ee tininchiru aomonu ening'unoto oo rorei oogut, nidumu oltoilo lino aaku oloning'u.

⁴Tining'oru ninye anaa enkosholai, nijurru aing'oru ninye oleng anaa enoshi toki e tipat naisudoro.

⁵Neaku iyiolou iyie euriata o Laitoriani, nitum eng'eno e Nkai.

⁶Amu Olaitoriani ninye oishoru eng'eno; enkutuk enye epukunye eng'eno o eyiolounoto.

⁷Eiteng'ela ninye eng'eno sidai te lelo ooitashe too sipat; ninye elong'o e lelo oopuo te mborron.

⁸Kerrip inkoitoi oo sipat negolie enkoitoi oo sinyat lenyena.

⁹Ina pee indimidimi aatayiolo esipata o enkiguana e sipata o emborron o pooki oitoi sidai.

¹⁰Amu kelotu eng'eno atua oltau lino, ore eyiolounoto neaku aisidai tiatua oltau lino.

¹¹Aikirrita iyie eng'eno, nikirrip eyiolounoto iyie.

¹²Nikintajeu iyie aitung'uaa enkoitoi oo ntorrok, aitung'uaa iltung'ana ooiro nkirorot torrok,

¹³lelo oing'uaa inkoitoi e nkitashoto sidai aaim inkoitoi e naimin.

¹⁴Neshipa te neas intorrok, neshipakino ina kiminata e ntorroni,

¹⁵iltung'ana laa ore inkoitoi enye nemeitoriori nepaashaa neimin ninche tiatua inkoitoi enye.

¹⁶Aikintajeuni iyie teina kitok naibor onyek, ina kitok nairo te nkutuk enye irorei oomelook.

¹⁷Ina kitok apa natung'uayie olpayian lenye le lelero, nerikino ninye osotua le Nkai enye.

¹⁸Amu ore enkaji enye naa keimis adoiki keeya, ore inkoitoi enyena nepuo enetii ilootuata.

¹⁹Meeta ololo enetii ninye oitoki ashukunye aashu etum enkoitoi e mpuaan.

²⁰Metaa ilo iyie te nkoitoi oo ltung'ana supati, nimbung nena oitoi oo lasipak.

²¹Amu lelo ooitashe too sipat oomany ena kop, ore iltung'ana oobor naa kebikoo tiatua,

²²kake kedung'ori ilarruok teina kop, ore ilaitang'orok nedotuni too ntona.