Read MAASAI REVISED PROTESTANT Osinkolio le Solomon 3 Bible Online

Osinkolio le Solomon 3 - MAASAI REVISED PROTESTANT bible

Osinkolio le Solomon 3

¹Ore te nchumata e rruat ai kewarie, aing'orua ilo onyor oltau lai, aing'orua nanu ninye oleng neitu atum ninye; aipotuo ninye, kake eitu aaisho ninye nanu ewalata.

²“Kadumunye alo aman enkanasa, atua inkoitoi naalala e nkanasa o lkurrot ootumoreki, ekaing'oru nanu ilo onyor oltau lai.” Aing'orua ninye, kake eitu nanu atum.

³Aanoto nanu ilarripok, ina kata emanimanaa te nkanasa, naikilikuan nanu ninche ajoki “Itoduaa intae ilo onyor oltau lai?”

⁴Ore aa enagirorie ninche, natum ilo apa onyor oltau lai. Naibung ninye, nemaisho ninye elo, o metaba anaa nayau ninye enkaji e yieyio, o maitijing'a ninye ilo gilata apa le ina naatoiwuo nanu.

⁵Enosa olmumai intae natoyie e Yerusalem, enosa olmumai too ntarakueti naaten, inchere mipututu enyorrata ang, o metaba anaa nebau erishata enye.

⁶Ainyoo ina nailepu to lpurkel, natiu anaa empuruo naitorropiloki te manoo o te nkorropil, te rropili pooki e nena sonkoyoni oo lbiasharani?

⁷Ng'ura ajo enapitae Solomon to lorika lenye le nkitoo, nemanita ninye iltung'ana magil ntomoni ile magil te Israel.

⁸Neenita pooki ilalema, naa arriyiak to larrabal, meeta hoo obo lenye lemeenita olalem, nerripisho te nkewarie.

⁹Etanapaki olaiguanani Solomon to lorika le nkitoo, ilo oitobirunyeki ilkeek le Lebanon.

¹⁰Eitobirua ing'apeta enyena te nkosholai, ore oriong enye naa ene saabu, ore olorika lenye naa morijoi; neripuno atua te nkarriyiano, intoyie e Yerusalem naatiriputua te nkarriyiano.

¹¹Enchom intae natoyie e Sion, pee ing'oring'oro Olaiguanani Solomon, eeta enkopiyia e nkitoo apa naishopoko ng'otonye. Teina olong apa e nkiyama enye, teina olong e nchipai oltau lenye.