Read MAASAI REVISED PROTESTANT Isaya 15 Bible Online

Isaya 15 - MAASAI REVISED PROTESTANT bible

Isaya 15

¹Ele Olkilikuai oipirta Moab: te nkaraki naitomijoonoki enkanasa e Aar teina kewarie apa naishieki Moab o te nkaraki naitomijoonoki enkanasa e Kir, teina kewarie apa, naishieki Moab.

²Eshomo ina tito e Dibon iwuejitin neeika aishir; aishiraki Nebo neishiraki Medeba, eishirita Moab. Etabarnoki ilukuny enye o lmunyo lenye.

³Ore too nkoitoi neishopo ilkuniyiani; ore too nchumat oo nkajijik o too nkisiajat eishirita pooki ng'ae netashala too lkiyio.

⁴Eishirita Heshbon o Eleale, etoning'e oltoilo le nkishirata enye te Yahas; ore te nkaraki ina keishir lelo lewa le Moab ooata iruparen aabuaku; Eikirikire oltau lenye.

⁵Eishirita oltau lai te nkaraki Moab; ekuetikitia lelo aisikak lenyena Soar, eshomo Eglat-shelishia. Amu ore eilepaki Luhit, nepuo ninche eishir, ore eimita ina oitoi nalo Horonaim neyietu enkishirata e nkidaaroto;

⁶etoito nchorroi e Nimrim; netoito nkujit nemeetae inaabulu, meekure eetae inkaitubulu.

⁷Ore te nkaraki ina, ore nena tokitin kumok apa naanoto ninche o nena apa naatushuma ninche, keyae ninche aaitalang nchorroi o seyiai.

⁸Amu eshomo olkiyioi, aibulu enkop e Moab; etabaikia enkishirata Eglaim, etabaikia enkishirata Beerelim.

⁹Amu eiputa nkariak e nkanasa e Dibon osarge, ore ake eyia kaitoki nanu ayau shumata Dibon embae torrono oleng. Keari aamut pooki ng'ae oing'uari te Moab.