Read MAASAI REVISED PROTESTANT Isaya 28 Bible Online

Isaya 28 - MAASAI REVISED PROTESTANT bible

Isaya 28

¹Woi ninye ilo owuasa oata enkopiyia e nkitoo oo lamerak le Efraim, o ina tapukai natoyio oshi nara enkishiaa enye; naa ninye natii endukuya e ilo erata oleng le lelo ooidimua enaisho!

²Ng'ura ajo keeta Olaitoriani ilo obo magilani negol; ore anaa olkutati le nchan oo soito otiu anaa olkutati le nkidaata netiu anaa enkare nagol nadooyo, kelo ninye anang'aki enkop te ngoro.

³Ore ilo oata enkopiyia e nkitoo loo lamerak le Efraim, naa kepuoi aaitunyoki enkop too nkejek.

⁴Ore ina tapukai natoyio enkishiaa enye, natii endukuya e ilo erata oleng, naa ketiu anaa ilng'abolo le dukuya ooton eng'or te nkata e nkirowuaj: te nedol oltung'ani ilo ng'anayioi nenya nabo kata anaa ake pee eibung te nkaina.

⁵Ore kenya teina olong naa Olaitoriani loo lororani olo aaku enkopiyia e nkitoo, neaku enkishili e nkishiaa te ilo pisiai loo ltung'ana lenyena;

⁶o ltau le sipata te ilo oton te nkiguana o engolon te ilo oibelekeny olarrabal te kishomi.

⁷Etarruoitie sii iloibonok o lapolosak te naisho, neyukuyukori te merai e naisho napi, ore olapolosani o loiboninetarruoitie te naisho; etomilote ninche te naisho neyukuyukori ninche te merai e naisho napi, etapaashari ninche te nduaata, nerrorro ninche edung enkiguana.

⁸Neiputa imisai pooki ilopat, meetae ewueji nemetii olduruk.

⁹“Kaing'ae ninye elo aiteng'en aitaarriyian, naa kaing'ae elo ninye ainosaki ilo kilikuai? Lelo ooereki[4], lelo lemeekure enakita?

¹⁰Amu enkiteng'enata te shumata nkiteng'enat, enkitanapata te shumata enkitanapata, olkereri te shumata olkereri, etii enkiti ene netii enkiti idie.”

¹¹A'a, kake too ltung'ana ooiro nkutukie nemeyioloi, neiro too lng'ejepa loo loreren, kelo Olaitoriani airorie iltung'ana lenyena,

¹²laa ninche apa etiaaka, “Ena enkiyeng'iyeng inyi, enchoo eyeng'iyeng'a ilo onaure, naa ena enkiyagata inyi”; kake ore eyia mening'isho ninche.

¹³Ore te nkaraki ina kelo ororei lo Laitoriani aaku te ninche, enkiteng'enata te shumata nkiteng'enat, enkiteng'enata te shumata enkiteng'enata, olkereri te shumata olkereri, olkereri te shumata olkereri, enkiti tene o enkiti te idie; pee etum ninche aashom, nebatatakino siadi, negila, nerreshi, neibung'i aaya.

¹⁴Ore te nkaraki ina, entoning naa ororei lo Laitoriani intae iloomenisho, intae lelo ooitore kulo tung'ana le Yerusalem!

¹⁵Amu itejo apa intae, “Kintobira iyiook olning'o o keeya, ore enemeneng'a nikitoning'ote; te nelotu enkidaata nemeeta eneiko iyiook; amu kintaa iyiook elejare esarunoto ang, naa lomon lemesipa kilutoo iyiook”.

¹⁶Ore naa, nji ejo Olaitoriani Enkai, “Kairragie nanu te Sion osoit oaku olkitamanyunoto, osoit otujurruoki aatem, osoit ogol enkinyiang'a lo lmairroto: ‘Ore ilo oiruk ninye nemeigusugusieki.’

¹⁷Naa kaitaa nanu esipata olgiita naitaa esupatisho ina temet e nkitorioroto; naa keoroo enchan oo soito ina lejare o mbaa nemesipa, neya enkare ilo ng'obor olutori.”

¹⁸Ore ilo ning'o linyi o keeya neaku parmetii, ore ina nitoning'okinote o enemeneng'a nemeitoki auno; te nelotu enkidaata, naa eikiosh iyie.

¹⁹Naa ore ake enkata naba anaa enalotu nikiya iyie, amu kelotu ninye anaake tadekenya o endama o enkewarie; ore eyiolounoto e ilo kilikuai naa olkirutoto ake.

²⁰Amu kedorropu endapash te neitorioo oltung'ani nkejek, naa ronkai olkarasha te nejo oltung'ani aitoipore.

²¹Kedumunye Olaitoriani anaa apa to ldoinyio le Perasim, naa kegoro ninye anaa apa to erata le Gibeon; pee atum ataasa enkiaas enye, napaashaa, neas esiaai enye, ina siaai enye nemeyioloi!

²²Ore naa taata entapal olmena pee meitirrishi ake ienat inyi, amu atoning'oyie nanu endung'okinoto e nkiguana e mutai, eing'uaa Olaitoriani Enkai oo lororani, eipirta enkop pooki.

²³Nchoru enkiok, toning'o oltoilo lai; toning'isho, naa toning'o enajo.

²⁴Amaa ilo oturisho pee eunisho keturisho anaake? Ketur ninye enkop enye neitupuyiapui enterit anaake?

²⁵Amaa te neidip ninye aitobira enterit, emeisuaaki ninye enkop ilanterera lenyena loo mpukunot pooki, neun enkano too lkererin nepik shairi ewueji enye, neitobiraki enerishare?

²⁶Amu eiteng'enaki ninye aaitobiraki; Enkai enye naiteng'en ninye.

²⁷Meidong'i ilmomo to soit oituutishoreki, nemeimieki ilanterera laaijo lelo enkeju e ngarri; amu ore ilmomo o lanterera laaijo lelo naa te ng'udi eidong'i.

²⁸Keidong'i enkano aitaa entapa oo mukateni, kake meidong'i o kenya; te nereu oltung'ani enkeju e ngarri enye te shumata e nkano eyiataa embarta, nemeidong ninye ainyal.

²⁹Olaitoriani loo Lororani sii eing'uaa ena; ole nking'asia ninye too nkikoot, naa arriyia aisul te ng'eno.