Read MAASAI REVISED PROTESTANT Yeremia 20 Bible Online

Yeremia 20 - MAASAI REVISED PROTESTANT bible

Yeremia 20

¹Nening apa Pashur olapolosani, olayioni le Imer, laa ninye apa olkitok tiatua enkaji Olaitoriani, Yeremia eibonisho te kuna baa.

²Near Pashur Yeremia, oloiboni le Nkai, neeniki ninye lelo pisia apa ootii shumata kishomi e Benchamen te nkaji o Laitoriani.

³Ore taaisere, ina kata elaku Pashur Yeremia aitayu too lpisia, nejoki Yeremia ninye, “Mikintoki iyie Olaitoriani ajo enkarna ino Pashur, kake enkuretisho te pooki shoto.

⁴Amu nji ejo Olaitoriani: Ng'ura, kaaitaa nanu enkuretisho te kewan ino o too lchoreta linono pooki. Kebatata ninche to lalem loo lmang'ati lenye ing'orita iyie. Naa kaishooyo Yuda pooki apik atua enkaina o laiguanani le Babilon; neya ninye ninche eyararoto te Babilon near ninche to lalem.

⁵Ore sii, kaishooyo nanu karsisisho pooki ena anasa, dupoto enye pooki, nena masaa enyena pooki naagol enkinyang'a o nena masaa pooki naashuma oo laiguanak le Yuda apik atua nkaik oo lmang'ati lenye, pee eya ninche pooki nenap aaya Babilon.

⁶Ore iyie, Pashur o lelo pooki ootoni tiatua enkaji ino nipuopuo eyararoto; Babilon intae ipuopuo; naa teine ipuopuo aaye, naa teine kipuoi aanukaa, iyie o lchoreta linono pooki, apa limbonoko te lejare.”

⁷Olaitoriani, kiteleja iyie nanu; nateleje nanu; igol iyie alang nanu, isula iyie. Ataa nanu entoki nakueniyieki endama pooki; naamor nanu pooki ng'ae.

⁸Amu ore ake anaa enairo nanu, naishir, nabuaku ajo, “Olarrabal o enkidaaroto!” Amu etotiwuo ororei lo laitoriani te nanu anaa emoroto o enkitang'oroto! Endama pooki.

⁹Tenajo nanu, “Maitoki aimaki ninye, aashu aigil airo te nkarna enye.” Nejing atua oltau lai anaa enatiu enkima nayupuyup naikenoro tiatua iloik laainei, nanaure nanu ajo aibookino, nemaidim nanu.

¹⁰Amu aning'ito nanu ing'omakinot kumok. Etii enkuretisho pooki shoto! “Intang'oro ninye! Maitang'oro iyiook ninye!” Tejo ore ilchoreta laainei latamoore, neanyita embatatata ai. “Ekeidimi aatelej ninye, nikisulie iyiook ninye, nikintalaku iyiook elap te ninye.”

¹¹Kake etii Olaitoriani tenebo nanu anaa olmurrani opi, neaku keikirikira lelo laaisilisil nanu, maaidimu ninche nanu. Keitukurruni ninche oleng, amu medupayu ninche, ore ina nemeyanyitisho ninche nemerikinishoi aekata.

¹²Olaitoriani loo lororani, laa iyie otem olasipani kaing'ae odol oltau o ndamunot, nchooki nanu matoduaa elap ino te shumata ninche, amu iyie nanu atipika mbaa aainei.

¹³Entaranyaki Olaitoriani; esisa Olaitoriani! Amu eitajewuo enkishui eilo omena, aitung'uaa nkaik oo laasak loo ntorrok.

¹⁴Metedeki ina olong apa naatoiwuoki! Ina olong apa naatoiwuo yieyio nanu. Nchoo metaa memayiana!

¹⁵Metedeki ilo tung'ani, apa oyaka papaai lai ilomon ajoki, “Kitoikioki olayioni” aitiship ninye oleng.

¹⁶Nchoo ilo tung'ani metotiwuo anaa nkanas naaibelekenya Olaitoriani metii olng'ur; nchoo ninye ening olkiyioi tadekenya oltoilo le batisho dama,

¹⁷amu eitu apa aar ninye nanu matua te nguset; neaku anaata apa etaa yieyioo enkurare ai, nebik enguset aa kitok intarasi.

¹⁸Kainyoo apa pee atupukuo te nguset alotu adol enyamali o sina, naton nkolong'i aainei te nkurruna?