Read MAASAI REVISED PROTESTANT Yeremia 24 Bible Online

Yeremia 24 - MAASAI REVISED PROTESTANT bible

Yeremia 24

¹Ore pee eidip Nebukadnesa olaiguanani le Babilon ataarai aitung'uaa Yerusalem Yekonia olayioni le Yehoiakin, olaiguanani le Yuda, tenebo ilkituaak le Yuda o lelo arriyiak o lkunono, neyau ninche Babilon, naaitodol nanu Olaitoriani ena duaata oo nkikapuni are naabore ilng'abolo eirragieki te dukuya enkaji o Laitoriani.

²Ore enkikapu nabo neeta ilng'abolo sidain oleng, laa ninche ooitera aaku, kake ore enkae kikapu neeta ilng'abolo torrok oleng lemeinosayu.

³Naajoki nanu Olaitoriani, “Kainyoo iyie idolita, Yeremia?” Najo nanu ilng'abolo, “Ilng'abolo, sidain oleng, o lng'abalo torrok oleng, lemeinosayu.”

⁴Neitoki ororei lo Laitoriani alotu enatii nanu ejo:

⁵“Nji ejo Olaitoriani, Enkai e Israel: Anaa enatiu kulo ng'abolo sidain neijia adol aa sidain lelo yararot ooing'uaa Yuda, apa lairriwayie nanu meshomo aaing'uaa ene wueji aapuo enkop oo Lkaldayo.

⁶Kapik nanu nkonyek aainei shumata ninche te sidai, naa kayau nanu ninche arrinyu meetu ena kop. Kashetu nanu ninche, nemadung'udung'oki ninche enkop; kaun nanu ninche, nemadotu ninche.

⁷Kaisho nanu ninche oltau oyiolounye ninche nchere kara nanu Olaitoriani; naa keaku ninche iltung'ana laainei naaku nanu Enkai enye, amu kaashukokino ninche nanu to ltau lenye pooki.”

⁸Kake nji ejo Olaitoriani: “Ore anaa lelo ng'abolo torrok oleng lemeinosayu neijia nanu aiko Sedekia olaiguanani le Yuda o ilkituaak lenyena, ilo pisiai le Yerusalem otelekua tiatua ena kop o lelo ootonita tiatua enkop e Misiri.

⁹Kaitaa nanu ninche olkirutoto too nkitoriat pooki e nkop neaku enkurruna, enaileti o enkitakuenisho, o oldeket tiatua iwuejitin pooki nareu nanu ninche.

¹⁰Naa kairriwaa nanu olalem, o lameyu o lmeitai shumata ninche, o metaba anaa neidaikieki tukul teinakop apa naishoo nanu ninche o loo menye.”