Read MAASAI REVISED PROTESTANT Hosea 5 Bible Online

Hosea 5 - MAASAI REVISED PROTESTANT bible

Hosea 5

¹Entoning ena, intae ilapolosak! Enchoru enkiok, na aji e Israel! Toning'o na aji o laiguanani! Amu intae eipirta ena kiguana; amu itaa intae orreshet te Mispa o orreshet ooisalaashakaki Tabor.

²Neituguto ninche engumoto e Shitim, kake kaitame nanu ninche pooki.

³Kayiolo nanu enetiu Israel, meisudori ninye te nanu, amu Eiborrie ninye onyek, neidurukie Israel.

⁴Meisho ninche nkiasin enye errinyokino Enkai enye. Amu etii oltau le nkiborra oo nkonyek atua ninche, nemeyiolo ninche Olaitoriani.

⁵Ore olwuasa le Israel neishakenu enkomom enye; kelo Efraim arrorro te ntorroni enye; kerrorro sii Yuda te nebo ninche.

⁶Kepuo ninche te nebo iluaat enye oo nchoo o noo nkerrai, aaing'oru Olaitoriani, kake metum ninye, etung'uayie ninye ninche.

⁷Eitaasa ninche Olaitoriani inemeishiaa; amu etoiutuo ninche nkera oo naataluno. Ore taata ele apa ng'ejuk kemut ninche te nebo o nkurman enye.

⁸Toosho emowuo tiatua Gibea, toosho esekekua tiatua Rama, te Bet-afen; nkirikirayu iyie Benchamen!

⁹Keaku Efraim olmuaate teina olong e nkitamioto; tiatua lelo oshon le Israel aibalunye nanu ina nasipa.

¹⁰Etotiutuo ilkituaak le Yuda anaa iltung'ana ooiwuang'ie ilpolosien; ore shumata ninche, kabukoki nanu ninche engoro ai anaa enkare.

¹¹Eibookoki Efraim enkop, neidimuaki te nkiguana, te nkaraki nateenikine ninye asujaa entoki nemeetae, olng'am.

¹²Ore te nkaraki ina, atotiwuo nanu anaa olasai te Efraim natiu anaa oltiapurusi te nkaji e Yuda.

¹³Ore pee edol Efraim emuoyian enye nedol Yuda olbae lenye, neitoki Efraim alo Asiria, neirriwaki olkilikuai ilo aiguanani kitok; kake mikindim ninye atabaa iyie aashu aishiunye olbae lino.

¹⁴Amu katiu nanu anaa olng'atuny te Efraim, natiu anaa olng'atuny oti te nkaji e Yuda. Amu nanu, ee nanu, opolos nalo aing'uaa nanu aya, nemeetae olokordu.

¹⁵Naa kaitoki nanu arrinyokino ewueji ai, o metaba anaa neirridu entorroni enye neing'oru enkomom ai, naa ore tiatua osina lenye naaing'oru ninche nanu, ejo.