Read MAASAI REVISED PROTESTANT Hosea 8 Bible Online

Hosea 8 - MAASAI REVISED PROTESTANT bible

Hosea 8

¹Toosho esekekua ino, amu eewuo olkurragos shumata enkaji o Laitoriani, te nkaraki natigila ninche olmumai lai, negil inkitanapat aainei.

²Nanu eishiraki ninche aajo, Enkai ai, kiyiolo iyiook Israel iyie.

³Etanya Israel ina sidai; kelo olmang'atinta asujaa ninche.

⁴Kegelu ninche ilaiguanak, kake mme nanu eikilikuan. Negelu iltung'ana kituaak, kake metii eyiolounoto ai. Ore te nkosholai enye o saabu neitobir ninche nkitanyaanyukot naaidakie ate.

⁵Atanya nanu ilo ashe lino oserem iltung'ana le Samaria. Keyupuyup engoro ai tialo ninche. Ketoni kenya o anu, pee esinyayu ninche ti alo Israel?

⁶Olaitobirani oitayio, mme Enkai. Ore ilo ashe oseremi le Samaria, kepuoi aabel metaa imbelibelat.

⁷Amu etuuno ninche enkijape, naa kepuo ninche aaikesu olkutati.

⁸Etoijoyioki Israel, eidipa aatotiu tiatua iloreren anaa emasaai nemeeta tipat.

⁹Amu eilepa ninche aapuo Asiria eikununo anaa osikiria li ong'ata olimana openy; einyang'ua Israel isintan.

¹⁰Ore hoo neinyang'ua ninche iltung'ana leeiking'a tiatua iloreren, kaiturrur nanu ninche asioki. Naa keitirring'a ninche te nkiti kata eitu eitoki aaput olaiguanani o ilkituaak.

¹¹Te nkaraki natoponayie Efraim ilpereren lo lasarri le yasata oo ng'ok, etaa lelo asarri ing'ok te ninye.

¹²Tenaa naaji ninye kaigeroki nanu ninye nkitanapat aainei naa nkalifuni tomon, keitaae ake entoki ng'ejuk nemeyioloi.

¹³Kenyor ninche olasar; neitayu ninche olasar loo nkiri nenya; kake meshipakino Olaitoriani ninche. Ore taata kedamu ninye entorroni enye neitame ing'ok enye; kerrinyo ninche aapuo Misiri.

¹⁴Amu etorikine Israel ilo oitobira ninye neshet inkajijik e nkitoo; netoponayie Yuda inkang'itie naagol; kake kairriwaa nanu enkima shumata nena anas enyena. Nemut isempewueti lenyena pooki.