Read MAASAI REVISED PROTESTANT Yona 2 Bible Online

Yona 2 - MAASAI REVISED PROTESTANT bible

Yona 2

¹Neomon Yona Olaitoriani Enkai enye tiatua enkoshoke e ilo sinkirri,

²ejo, “Aipoto nanu Olaitoriani, tiatua osina lai, naawaliki ninye nanu; tiatua enkoshoke e nemeneng'a aishira nanu, nitoning'o iyie oltoilo lai.

³“Amu kitanang'aka nanu atua enguton, atua enguton oo naaiposha, naaman nanu nkariak pooki wueji; ore lopir pooki o nang'arot oo nkariak neim shumata nanu.

⁴“Najo nanu, ‘Aatanang'ayioki aaiturraa aaitung'uaa dukuya ino; kaji pasa nanu aiko pee aigil adol enkaji ino sinyati?’

⁵“Aaimulumulaitie nanu nkariak, aatamana nanu enguton inkaloli pooki; neteene olarampai le nkare aman endukuya ai,

⁶too ntonat oo ldoinyo. Nadoyio nanu alo ina kop naaikenorieki nanu ntarasi; ore ake eyia neijia, niyaua iyie enkishui ai ailepunye tiatua engumoto, Iyie Olaitoriani Enkai ai.

⁷“Ore paa aiting osiligi, nadamu nanu Olaitoriani; nelotu enkomono ai enitii tiatua enkaji ino sinyati.

⁸“Ore lelo ooyanyit inkaitin naaguetuno e pesho neituraa enkisiligata enye nasipa.

⁹“Kake ore nanu to oltoilo le nkishooroto e nashe naa kaapolosaki iyie olasar; ore ina nainosie olmumai kalak nanu. Eno Laitoriani enkordunoto!”

¹⁰Neirorie Olaitoriani osinkirri, nelopu ilo sinkirri Yona te nkop natoyio.