Read MAASAI REVISED PROTESTANT Enkikena 26 Bible Online

Enkikena 26 - MAASAI REVISED PROTESTANT bible

Enkikena 26

¹Ore etulusoyie ilo meitai nejoki Olaitoriani Musa o Eliesa olayioni le Aron olapolosani,

²“Enkena ina umata pooki oo ltung'ana le Israel, ebaiki ilarin tikitam neilep, too nkajijik oo loo menye pooki tiatua Siraeli ooidim aashom olarrabal.”

³Ore Musa o Eliesa ilo apolosani neirorie ninche too nkisiashat e Moab te mbata o lkeju le Yordan te Yeriko, ejo,

⁴“Enkena iltung'ana, ebaiki ilarin tikitam neilep, anaa enaitanapa Olaitoriani Musa.” Ore lelo tung'ana le Israel ooetuo aapuku te nkop e Misiri, naa:

⁵Ruben ilo kikau le Israel; ilayiok le Ruben, ile Hanok, ilo marei loo le Hanok; ile Palu, o lmarei loo le Palu;

⁶ile Hesron, o lmarei loo le Hesron; ile Karmi, o lmarei loo le Karmi.

⁷Kulo ninche ilmareita loo le Ruben; ore esiana enye naa inkalifuni artam o okuni o iip naapishana o tomoni uni.

⁸Ore ilayiok le Palu naa: Eliab.

⁹Ore ilayiok le Eliab naa: Nemuel, Datan o Abiram. Kulo apa etegeluaki te umata, Datan o Abiram metaa ilarikok lo lturrur, ootekeshare Musa o Aron to lturrur le Kora, ina kata apa pee ekeshare ninche Olaitoriani,

¹⁰neng'a enkop enkutuk enye neijoo ninche te nebo Kora o ilo turrur otuata pee emut enkima iltung'ana iip are o onom, neaku ninche enkikoo.

¹¹Ore ake etiu neijia, eitu eye ilayiok le Kora.

¹²Ilayiok le Simeon te risioroto oo lmareita lenye: ile Nemuel o lmarei loo le Nemuel; ile Yamin o lmarei loo le Yamin, ile Yakin o lmarei loo le Yakin;

¹³ile Sera o lmarei loo le Sera; ile Shaul o lmarei loo le Shaul.

¹⁴Kulo ninche ilmareita loo le Simeon, inkalifuni tikitam o are o iip o are.

¹⁵Ilayiok le Gad te risioroto oo lmareita lenye: ile Sefon o lmarei loo le Sefon, ile Hagi o lmarei loo le Hagi, ile Shuni o lmarei loo le Shuni;

¹⁶ile Osini o lmarei loo le Osini, ile Eri o lmarei loo le Eri;

¹⁷ile Arod o lmarei loo le Arod, ile Areli o lmarei loo le Areli.

¹⁸Kulo ninche ilmareita loo layiok le Gad, te risioroto e siana enye, inkalifuni artam o iip imiet.

¹⁹Ore ilayiok le Yuda naa Eri o Onan; netuata apa Eri o Onan te nkop e Kanaan.

²⁰Ore ilayiok le Yuda te risioroto oo lmareita lenye naa: ile Shela o lmarei loo le Shela; ile Peres o lmarei loo le Peres, ile Sera o lmarei loo le Sera.

²¹Ore ilayiok le Peres naa: ile Hesron o lmarei loo le Hesron, ile Hamul o lmarei loo le Hamul.

²²Kulo apa ninche ilmareita le Yuda te risioroto e siana enye, inkalifuni ntomoni naapishana o ile o iip imiet.

²³Ilayiok le Isaakar te risioroto oo lmareita lenye: ile Tola o lmarei loo le Tola; ile Puni o lmarei loo le Puni;

²⁴ile Yashub o lmarei loo le Yashub; ile Shimron o lmarei loo le Shimron.

²⁵Kulo apa ninche ilmareita le Isaakar te risioroto e siana enye, inkalifuni ntomoni ile o ong'uan o iip uni.

²⁶Ilayiok le Sebulon te risioroto oo lmareita lenye: ile Sered o lmarei loo le Sered, ile Elon o lmarei loo le Elon; ile Yaleel o lmarei loo le Yaleel.

²⁷Kulo ninche ilmareita loo le Sebulon te risioroto e siana enye, inkalifuni ntomoni ile o iip imiet.

²⁸Ilayiok le Yosef te risioroto oo lmareita lenye: Manase o Efraim.

²⁹Ilayiok le Manase: ile Makir o lmarei loo le Makir, naa Makir apa ninye menye le Gilead. Ile Gilead o lmarei loo le Gilead.

³⁰Kulo ninche ilayiok le Gilead: Ileseri; ile Heler o lmarei loo le Heler, ile Helek o lmarei loo le Helek,

³¹ile Asiriel o lmarei loo le Asiriel; o le Shekem o lmarei loo le Shekem,

³²o le Shemida o lmarei loo le Shemida; o le Heper o lmarei loo le Heper.

³³Ore apa Selofehad olayioni le Heper nemeeta ilayiok kake keeta intoyie; ore inkarn oo ntoyie e Selofehad naa Mahala o Noa o Hogla o Milka o Tirsa.

³⁴Kulo ninche ilmareita loo le Manase, ore esiana enye naa inkalifuni onom o oaare o iip naapishana.

³⁵Kulo ninche ilayiok le Efraim te risioroto oo lmareita lenye; ile Shutela o lmarei loo le Shutela; ile Beker o lmarei loo le Bekeri; ile Tahani o lmarei loo le Tahani.

³⁶Naa kulo ninche ilayiok le Shutela; ile Erani o lmarei loo le Erani.

³⁷Kulo ninche ilmareita loo layiok le Efraim te risioroto e siana enye, inkalifuni tomoni uni oaare o iip imiet. Kulo ninche ilayiok le Yosef te risioroto oo lmareita lenye.

³⁸Ilayiok le Benchamen te risioroto oo lmareita lenye: ile Bela; ile Ashebel o lmarei loo le Ashbel; ile Ahiram o lmareita loo le Ahiram;

³⁹ile Shefufam o lmarei loo le Shefufam; ile Hufam, o lmareita loo le Hufam.

⁴⁰Ore apa ilayiok le Bela naa Ardi o Naaman: ile Ardi o lmareita loo le Ardi; ile Naaman o lmarei loo le Naaman.

⁴¹Kulo ninche ilayiok le Benchamen te risioroto oo lmareita lenye; ore esiana enye naa inkalifuni artam o imiet o iip ile.

⁴²Kulo ninche ilayiok le Dan te risioroto oo lmareita lenye: ile Shuham o lmarei loo le Shuham. Kulo ninche ilmareita le Dan te risioroto oo lmareita lenye.

⁴³Ore ilmareita pooki loo le Shuham, te risioroto e siana enye, naa inkalifuni ntomoni ile o ong'uan o iip ong'uan.

⁴⁴Ilayiok le Asheri te risioroto oo lmareita lenye: ile Imna o lmarei loo le Imna, ile Ishfi o lmarei loo le Ishfi, ile Beria o lmarei loo le Beria.

⁴⁵Ilayiok le Beria: ile Heberi o lmarei loo le Heberi, ile Malkiel o lmarei loo le Malkiel.

⁴⁶Ore enkarna e ntito e Asheri naa Sera.

⁴⁷Kulo ninche ilmareita loo layiok le Asheri te risioroto e siana enye inkalifuni onom o okuni o iip ong'uan.

⁴⁸Ilayiok le Naftali te risioroto oo lmareita lenye: ile Yaseel o lmarei loo le Yaseel, ile Guni o lmarei loo le Guni;

⁴⁹ile Yeser o lmarei loo le Yeser, ile Shilem o lmarei loo le Shilem.

⁵⁰Kulo ninche ilmareita le Naftali te risioroto oo lmareita lenye; ore esiana enye naa inkalifuni artam o miet o iip ong'uan.

⁵¹Ena apa esiana oo ltung'ana le Israel, inkalifuni iip ile o obo o iip naapishana o tomoni uni.

⁵²Nejoki Olaitoriani Musa;

⁵³“Keorikini kulo tung'ana enkop pee eaku enjung'ore, te risioroto e siana oo nkarn.

⁵⁴Ore olosho sapuk inchoo enjung'ore sapuk, ore olosho oti nchoo enjung'ore kiti; ore pooki osho neishori ake enjung'ore enye te risioroto e siana enye.

⁵⁵Kake keoshokini ina kop enkukuo; te risioroto oo nkarn oo loshon loo loo menye nejung ninche.

⁵⁶Keori ina jung'ore enye te risioroto e nkukuo to losho sapuk o to loti.”

⁵⁷Kulo ninche ile Lawi anaa enaikenaki te risioroto oo lmareita lenye: ile Gershon o lmarei loo le Gershon, ile Kohat o lmarei loo le Kohat; ile Merari o lmarei loo le Merari.

⁵⁸Kulo ninche ilmareita le Lawi: olmarei loo le Libni o lmarei loo le Hebron o lmarei loo le Mala o lmarei loo le Mushi o lmarei loo le Kora. Naa Kohat apa menye le Amram.

⁵⁹Ore apa enkitok e Amram naa keji Yokebed, entito e Lawi, apa natoikioki Lawi te Misiri; neiki ninye Amram Aron o Musa o Miriam enkanashe enye.

⁶⁰Ore to lmarei le Aron neini Nadab o Abihu o Eliesa o Itamar.

⁶¹Kake etua apa Nadab o Abihu ina kata apa pee eitarasaki Olaitoriani enkima nemesinya.

⁶²Ore apa lelo ooikenaki te ninche naa inkalifuni tikitam o okuni, pooki lee lo lari obo neilep; amu eitu apa eikeni ninche te nebo iltung'ana le Israel, amu meetae apa enjung'ore naishooki ninche te nebo iltung'ana le Israel.

⁶³Kulo apa ninche lelo ooikena Musa o Eliesa ilo apolosani, laa ninche esiana oo ltung'ana le Israel too nkisiashat e Moab te mbata olkeju le Yordan te Yeriko.

⁶⁴Kake ore tiatua kulo metii hoo oltung'ani oikena Musa aashu Aron ilo apolosani, apa oikena iltung'ana le Israel ti ong'ata e Sinai.

⁶⁵Amu etiaaka Olaitoriani ninche, “Kepuo ninche aaye tiong'ota.” Eitu apa eleku oltung'ani te ninche, Kaleb ake olayioni le Yefune o Yoshua olayioni le Nuni.